Ejekel 30:4 - Maktub gə́ To gə Kəmee

⁴ D’a ree gə kiambas rɔ ne gə Ejiptəje ndá ɓəl-boo a taa mee ɓee gə́ Etiopi pəl-pəl loo gə́ yoo-dəwje a to rib-rib mee ɓee gə́ Ejiptə’g ləm, loo gə́ d’a taa nébaoje ləa ləma, d’a kar gin ɓee neelé tuji pugudu-pugudu ləm tɔ.

Ejekel 30:4 ပူးပေါင်းရင်းမြစ်များ

Esai 16:7

Gelee gə́ nee ɓa Moabje tuma̰ ne ŋgururu-ŋgururu dɔ rɔ dee’g, Ar dee-deḛ lai ya no̰ ne togə́bè tɔ. Seḭ imje rɔ sí dɔ tuji gə́ oso dɔ Kir-Hareset’g Areeje al dɔ sí sula.

Esai 18:1

Ǝi dɔ naŋg, i gə́ kaa bagije ɓar Dɔ baaje gə́ Etiopi lé!

Esai 19:2

Njesigənea̰ pana: M’a kɔs kudu dəw gə́ Ejiptə karee ḭ gə dəw gə́ Ejiptə maree Ndá ŋgako̰ na̰je d’a rɔ gə na̰ ləm, Baokuraje lə na̰ d’a rɔ gə na̰ ləm, Ɓee-boo a rɔ gə ɓee-boo maree ləma, Ɓeeko̰ a rɔ gə ɓeeko̰ maree ləm tɔ.

Esai 20:3

Bèe ɓa Njesigənea̰ pa pana: To gə́ kura ləm Esai njaa ne gə kudee dum ləm, gə gɔlee kari ba ləm tɔ lé, né gə́ a gə teḛ mee ləbje munda gə́ a gə ree lé a to nétɔji ləm gə né gə́ teḛ kédé ar dee d’oo ləm tɔ gə mbata lə Ejiptəje gə Etiopije tɔ.

Jeremi 46:9

Seḭ kundaje, ar sí j’awje! Seḭ pusu-rɔje, ar sí j’ɔsje rɔ sí ɓad! Seḭ njésiŋgamoŋje, Maji kar sí teḛje gə́ raga Deḛ gə́ Etiopi gə Put Gə́ gər loo kwa dər maji lé ləm, Gə deḛ gə́ Lud Gə́ gər goso rɔ gə ɓandaŋg maji ləm tɔ!

Jeremi 50:15

Ɔmje lul rɔ u-u-u gə looje ɓəd-ɓəd dəa’g! Yeḛ ula jia ndiŋ, Gin ɓee gə́ tum lé Gaḭ wəgələ-wəgələ ləm, Ndògo-bɔrɔje ləa təd kərm-kərm ləm tɔ, Mbata to dalba̰ lə Njesigənea̰. Maji kar sí dalje ba̰ lə sí dəa’g. Raje səa to gə́ yeḛ ra to!

Ejekel 28:23

N’a kula gə yoo-koso mee ɓee’g ləm, n’a kar məs ula naŋg mba̰-rəwje’g ləa ləm tɔ, d’a kḭ gə looje ɓəd-ɓəd ree gə kiambas tɔl dee ne kɔm dee naŋg rib-rib mee ɓee’g, bèe ɓa d’a gər to gə́ neḛ n’to Njesigənea̰ ya.

Ejekel 29:12

N’a kar ɓee gə́ Ejiptə tel to dɔ nduba mbuna ɓeeje gə́ tuji pugudu-pugudu’g ləm, ɓee-booje ləa d’a kwa ŋgɔ njag-njag mbuna ɓee-booje gə́ wa ŋgɔ njag-njag ləm tɔ as ləb rɔ-sɔ. N’a tila Ejiptəje mbuna ginkoji dəwje gə raŋg’g ləm, n’a sané dee kad-kad mee ɓeeje’g ɓəd-ɓəd ləm tɔ.

Ejekel 29:19

Gelee gə́ nee ɓa Mbaidɔmbaije gə́ Njesigənea̰ pa ne ta togə́bè pana: Aa oo, neḛ n’ar Nebukadnesar, mbai gə́ Babilɔn ɓee gə́ Ejiptə. Yeḛ a taa nébaoje gə́ keneŋ ləm, yeḛ a kunda dee banrɔ ləma, yeḛ a kodo nébanrɔje gə́ keneŋ ləm tɔ, yee ɓa a to nékoga-dɔ-ji njérɔje ləa ya.

Ejekel 29:8

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa oo, n’a kar dee ree rɔ səi gə kiambas ndá n’a tuji ne dəwje gə daje gə́ mee ɓee’g ləi lé pugudu-pugudu.

Ejekel 38:5

Njérɔje gə́ Persə, gə Etiopi, gə Put lé deḛ lai gə́ d’wa dərje ji dee’g ji dee’g ləm, gə d’ula dɔgugu-rɔ dɔ dee’g ləm tɔ lé sə dee na̰’d.

Loo gə́ killa rea kəm Daniel’g 11:43

Yeḛ a taa nébaoje gə́ ra gə larlɔr gə larnda ləm, gə néje lai gə́ gad dee to yaa̰ gə́ to ɓee gə́ Ejiptə ləm tɔ kar dee to kea̰-yeḛ. Libije gə Etiopije d’a ndɔm na̰ gée’g tɔ.

Soponi 2:12

Seḭ Etiopije kara N’a kar sí wəije yoo-kiambas tɔ.