Ejekel 3:7 - Maktub gə́ To gə Kəmee

⁷ Nɛ gel-bɔje lə Israɛl lé d’a ndigi koo ta ləm el mbata deḛ ndigi koo ta lə neḛ el tɔ.

Ejekel 3:7 ပူးပေါင်းရင်းမြစ်များ

Esai 3:9

Kəm dee-deḛ ya ɔr ta ila dɔ dee’g ləm, Néra majelje lə dee lé d’ila mberee wəl-wəl To gə́ ka̰ njé gə́ Sɔdɔm Ɓó d’iya dəa el ləm tɔ. Meeko̰ a koso dɔ dee’g Mbata deḛ d’wa dɔ gɔl néje gə́ majel Gə́ a gə tel koso dɔ dee-deḛ’g ya.

Esai 48:4

Mbata ma m’gər gao, Seḭ toje njédɔkədərəje ləm, Gwɔb sí to gə́ kag-lar ləma, Ŋgono̰ sí to gə́ larkas ləm tɔ.

Jeremi 3:3

Togə́bè ɓa ma m’ɔg ndi kər ləm, Ndi dɔ naḭ lal kər ləm tɔ, Nɛ seḭ ndoḭje kəm sí nda̰-nda̰ To gə́ ka̰ kaiya-dené bèe Ɓó seḭ ndigije kar rɔkul wa kəm sí el.

Jeremi 44:16

Jeḛ j’a kila koji dɔ ta kára kara gə́ i ula sí gə ri Njesigənea̰ lé el.

Jeremi 5:3

Njesigənea̰, see kəmi oo kankəmta el wa. I kunda dee nɛ rɔ dee to dee el saar, I tuji dee nɛ deḛ d’ɔs tandooje ləi rəw, D’ar ŋgono̰ dee kədərə unda kɔr mbal ləm, Deḛ mbad kɔs badm tel gə́ rɔi’g ləm tɔ.

Jeremi 6:10

See na̰ ɓa m’a kulá ta Esé see na̰ ɓa m’a karee To njekɔrgoota ləm kar dee d’oo wa. Aa ooje, mbi dee udu jig-jig D’askəm kur mbi dee koo ne ta el. Aa ooje, ta lə Njesigənea̰ Tel to gə́ nérɔkul mbata lə dee ləm, Rɔ dee lel dee keneŋ el ləm tɔ.

Jeremi 6:17

M’unda njéŋgəmlooje mbɔr sí’g dəb, Urje mbi sí gèŋ gə mba kooje ne ndu to̰to̰! Nɛ deḛ d’ilá keneŋ pana: Jeḛ j’a kurje mbi sí el.

Jeremi 7:27

Jeremi, ɓó lé i ula dee néje lai neelé ndá deḛ d’a kun mbi dee rəw dɔ’g, ɓó lé i ɓar dee gə ndui wəl ya kara d’a kilai keneŋ el ləm tɔ.

Ejekel 2:4

Deḛ to ŋganje gə́ kəm dee to gəsəsə ləm, meḛ dee ndər ləm tɔ, neḛ n’ulam gə́ rɔ dee’g mba kam m’ula dee m’pana: Mbaidɔmbaije gə́ Njesigənea̰ ɓa pa bèe.

Ejekel 24:7

Mbata məs gə́ deḛ d’ila lé To mee ɓee’g, Deḛ d’ɔm məs lé dɔ mbal gə́ raga ndəgəsə Ɓó d’ɔm dɔ naŋg’d ɓa D’a daa babur dɔ’g el.

Ejekel 3:6

To koso-dəwje gə́ bula digi-digi gə́ tapa dee kədərə ləm, dəw gər dɔ tapa dee el ləma, ma kara m’gər taje lə dee el ləm tɔ ɓa neḛ n’ulam rɔ dee’g bèe el. Ɓó lé n’ulam rɔ dee-deḛ’g ndá d’a koo ta ləm ya.

Ejekel 3:8

Aa oo, n’a kar kəm to jəgəgə gə mba kam m’ɔs ne kəm jəgəgə lə dee rəw ləm, n’a kar dɔm kədərə kam m’ɔs ne dɔkədərə lə dee-deḛ rəw ləm tɔ.

Jakari 7:11

Nɛ deḛ ndigi koo ta el ləm, deḛ d’ɔs bag dee gə́ tar gə kəsta ləma, d’ɔs mbi dee jigi d’udu nà d’a koo ne ləm tɔ.

Jakari 7:12

Deḛ d’ar meḛ dee kədərə to gə́ jər gə́ ɓaree diama̰ ləm, deḛ mbad koo godndu gə taje lə Njesigənea̰ gə́ njeboo-néje gə́ yeḛ ula dee gə ndilee gə ndu njéteggintaje ləa gə́ dɔtar lé ləm tɔ. Gelee gə́ nee ɓa Njesigənea̰ gə́ njeboo-néje ar oŋg-boo ḭ ne səa pu.

Lugu 10:16

Yeḛ gə́ oo ta lə sí ndá yeḛ oo ta ləm-ma ya tɔɓəi yeḛ gə́ ɔs sí-seḭ rəw lé ndá yeḛ ɔsm-ma rəw ya tɔ. Dəw gə́ ɔsm-ma rəw lé ndá yeḛ ɔs dəw gə́ njekulam lé rəw ya tɔ.

Lugu 13:34

Jerusalem, Jerusalem, i gə́ tila njéteggintaje gə́ d’ula dee rɔi’g gə kɔri-ər tɔl dee lé see gɔl ka̰da ɓa ma m’ndiŋga rɔm gə mba mbo̰ ŋgani gelm’g to gə́ ko̰ kṵja mbo̰ ne ŋganee gel bagee’d bèe nɛ seḭ ndigije el nee wa.

Lugu 19:14

Nɛ njéɓeeje ləa d’ə̰jee bəḭ-bəḭ ndá d’ula njékaḭkulaje gée’g mba kar dee pana: Jeḛ ndigi kar dəw neelé o̰ ɓee dɔ sí’g el.

1 Samel 8:7

Njesigənea̰ ula Samel pana: Maji kari aar gə koso-dəwje neelé dɔ taje lai gə́ d’a gə kulai’g lé ya. Mbata to i ɓa deḛ mbadi el, nɛ to ma ɓa deḛ mbadm gə mba kam m’o̰ ɓee dɔ dee’g el ŋga.