Ejekel 3:3 - Maktub gə́ To gə Kəmee

³ Yeḛ ulam pana: Ma ŋgon-dəw lé maktub gə́ kə́ na̰’d gə́ n’arm neelé maji kam m’ula məəm’g mér-mér m’ul ne rɔm. Ma m’usɔ ndá lel tam’g asəna gə ubu tə̰ji bèe.

Ejekel 3:3 ပူးပေါင်းရင်းမြစ်များ

Maktub gə́ wɔji dɔ Jɔb 23:12

Godndiaje gə́ teḛ təa’g lé ma m’uba m’ya̰ el, Taje gə́ teḛ təa’g lé ma m’ŋgəm məəm’g m’ra née tɔ.

Pakɔsje 119:103

Ǝi, taje ləi lé lel tam’g jula-jula Unda ubu tə̰ji gə́ lel tam’g bèe.

Pakɔsje 119:11

Ma lé m’wa məəm kɔgərɔ dɔ ta’g ləi Gə mba karm m’ra kaiya m’ɔsi ne rəw el.

Pakɔsje 119:97

Ǝi, ma lé m’unda godndui dan kəm’g dana bab! To né gə́ m’la̰ji toree məəm’g ndɔje kára-kára lai

Pakɔsje 19:10

Ɓəl Njesigənea̰ lé To né gə́ àr raŋg-raŋg ləm, to né gə́ to gə no̰ ləm tɔ, Rəwta-gaŋg lə Njesigənea̰ lé To tɔgərɔ ləm, to gə dɔ najee ləm tɔ.

Pakɔsje 19:11

To né gə́ to ŋgonkəm ur dɔ larlɔr ləm, ur dɔ larlɔr gə́ àr ŋgad-ŋgad ləm tɔ. To né gə́ rii gə́ ur dɔ ka̰ ubu tə̰ji gə́ ruba mee mbanee’g.

Jeremi 15:16

Ma m’taa taje ləi m’uru dee məəm’g, Taje ləi lé ar məəm lelm ləm, Am m’isi ne dan boo-rɔkal’g ləm tɔ Mbata rii ɓar dɔm’g, I Njesigənea̰, Ala lə njéboo-rɔje.

Jeremi 20:9

Ɓó lé m’pa məəm’g pana: M’a pata ləa el ŋga ləm, M’a pata ləa gə ria el ŋga ləm tɔ ndá Ta ləa o̰ məəm to gə́ pər bèe Mbuna siŋgarɔmje’g. Ma m’wa rɔm kɔgərɔ Gə mba kudee məəm’g nɛ lé godo.

Jeremi 6:11

Oŋg-boo lə Njesigənea̰ Rusu məəm njḭ-njḭ. M’askəm kwa ŋgaŋgee el, Maji kari ɓugu oŋg neelé dɔ ŋganje’d Gə́ d’aw mba̰-rəw’g ləm, Gə dɔ basaje gə́ mbo̰ dɔ na̰ ləm tɔ. Mbata oŋg neelé a kwa diŋgamje Gə denéje ləm, Dɔ ɓugaje gə dɔ dee Gə́ ləb dee bula ləm tɔ.

Ejekel 2:10

Yeḛ tudu maktub nee nɔm’g ndá ta no̰je, gə ta kim rɔje, gə ta no̰ sii mbigi-mbigije ɓa ndaŋg mée’g tereŋ ləm, gə giree’g tereŋ ləm tɔ.

Ejekel 2:8

Nɛ ma ŋgon-dəw lé maji kam m’oo ta gə́ n’a gə kulam lé! Maji kam m’to njekɔsta-rəw to gə́ gel-bɔje lə njékɔsta-rəwje neelé el! Maji kam m’teḛ tam m’usɔ ne né gə́ n’a gə karm lé ya.

Ejekel 3:4

Yeḛ ulam pana: Ma ŋgon-dəw lé maji kam m’aw rɔ gel-bɔje’g lə Israɛl ndá m’a kula dee taje lə neḛ.

Tagə́maji gə́ Ja̰ ndang 7:38

Yeḛ gə́ ɔm mée dɔm’g ndá mán a teḛ mée’g kaḭ kuji-kuji kula kasəna gə mán baa bèe, to gə́ pa taree mee maktub’g gə́ to gə kəmee lé tɔ.

Njé gə́ Kolosə 3:16

Maji kar ta lə Kristi gə́ to boo-nébao lé uru kəi meḛ sí’g. Ndooje na̰ ləm, ndəjije na̰ ləm tɔ gə kəmkàree lé gə pakɔsje ləm, gə pa pidije ləma, gə pa kula rɔnduba gə́ wɔji dɔ ndil sí ləm tɔ. Ɔsje pa gə meḛ sí bura arje Ala reaje ne oiyo mbata noji ləa gə́ rusu meḛ sí njḭ-njḭ lé tɔ.