Ejekel 3:26 - Maktub gə́ To gə Kəmee

²⁶ N’a kar ndo̰m tia̰ mee kilm’g gə mba kam m’tel m’to njegwɔbkudu mba karm m’askəm ndaŋg dee el mbata deḛ to gel-bɔje gə́ njékɔsta-rəwje.

Ejekel 3:26 ပူးပေါင်းရင်းမြစ်များ

Pakɔsje 137:6

Ɓó lé m’ar məəm olé teḛ dɔi’g el ləm, Esé m’ar Jerusalem to gin rɔlel ləm gə́ gəd el ləm tɔ ndá Maji kar ndo̰m tia̰ ŋgadŋgəm’g mbiao̰ ləm tɔ.

Pakɔsje 51:15

Njékalta tai’gje lé m’a ndoo dee rəw-kabije Ndá njékaiyaje d’a kɔs badm tel ree rɔi’g tɔ.

Esai 1:2

Dara, oo ta! Naŋg, ur mbii oo! Mbata Njesigənea̰ pata pana: Ma m’odo ŋganje m’ar dee tɔg Nɛ deḛ d’ḭ d’ɔsm rəw.

Jeremi 1:17

Nɛ i lé maji kari ḭta ɔm mina̰ wuri’g Ula dee ta néje lai gə́ m’a gə kulai lé. Unda bala no̰ dee’g el Nà ma nja m’a kari unda bala no̰ dee’g

Nɔ̰-ndôo gə́ wɔji dɔ Jerusalem 2:9

Tarəwkɔgje ləa lai təd kərm-kərm ləm, Yeḛ təd pəgərəje ləa jané dee kad-kad ləm tɔ. Mbai ləa gə ŋgan-mbaije ləa lé D’isi mbuna ginkoji dəwje gə raŋg’g, Godndu godo. Njéteggintaje kara Njesigənea̰ Riba sə dee dɔ némḭdije kára kara el tɔ.

Ejekel 12:2

Ma ŋgon-dəw lé m’isi mbuna dəwje gə́ to njékɔsta-rəwje gə́ kəm dee to keneŋ mba kar dee d’oo ne loo ya nɛ d’oo ne loo el ləm, mbi dee to keneŋ mba kar dee d’oo ne ta ya nɛ d’oo ne ta el ləm tɔ, mbata deḛ to gel-bɔje gə́ to njékɔsta-rəwje.

Ejekel 12:3

Ma ŋgon-dəw lé maji kam m’wa dɔ gɔl nékawmbá ləm, m’unda loo m’teḛ m’aw kəm dee’g dan kàrá ya! M’ḭ loo’g ləm gə́ m’isi keneŋ lé kəm dee’g ya m’aw loo gə́ raŋg’d, banelə a kar dee gər to gə́ deḛ to dəwje gə́ to njékɔsta-rəwje ya.

Ejekel 24:27

Mee ndəa’g neelé tam a teḛ kam m’pata gə dəw neelé ndá m’a pata ɓó m’a si mundu el ŋga. M’a to nétɔji mbata lə dee ndá deḛ d’a gər to gə́ neḛ n’to Njesigənea̰ ya.

Ejekel 33:22

Ɓad ɓa kar njekaḭ lé ree ɓəi ndá ji Njesigənea̰ to dɔm’g kàrkemetag, ndá Njesigənea̰ ar tam teḛ loo gə́ njekaḭ lé ree teḛ rɔm’g gə ndɔ lé. Tam teḛ am m’pata ɓó m’isi mundu el ŋga.

Loo gə́ killa rea kəm Daniel’g 10:15

Loo gə́ yeḛ sí ulam taje neelé bèe-bèe ndá ma m’tuga kəm naŋg m’isi mundu.

Ojee 4:17

Eprayimje lé to njérḛ́ dɔ magə-poleje’g rḛ́-rḛ́, ndá maji kar sí uba deeje ya̰ deeje.

Ojee 4:4

Yen! maji kar dəw kára kara maḭta el ləm, Tila ŋgisa dɔ maree’g el ləm tɔ Mbata koso-dəwje lə sí to d’asəna Gə deḛ gə́ kɔl gə njékinjanéməsje bèe ya.

Amɔs 5:10

Dəw gə́ ndaŋg dee tarəwkɔg’d lé D’wá gə meḛ dee ləm, Yeḛ gə́ ɔr ta gə́ tɔgərɔ kara Deḛ d’ə̰jee bəḭ-bəḭ ləm tɔ.