Ejekel 3:18 - Maktub gə́ To gə Kəmee

¹⁸ Loo gə́ n’a kula njemeeyèr pana: Yeḛ a kwəi! Ɓó lé m’a kulá taree el ləm, ɓó lé m’pata mba kar njemeeyèr lé uba goo rəw néra meeyèr ləa ya̰ mba kaji ne el ləm tɔ ndá njemeeyèr neelé a kwəi dan néra kori-korije’g ləa ya nɛ ta məsee a kwa dɔm kar neḛ n’dəjim gée ya.

Ejekel 3:18 ပူးပေါင်းရင်းမြစ်များ

Gḭ-Néje 2:17

Nɛ kag gə́ wɔji dɔ gər né gə́ maji əsé né gə́ majel lé i a sɔ ka̰dee el mbata mee ndəa gə́ i a sɔ ka̰dee ndá i a kwəi ya.

Gḭ-Néje 42:22

Rubḛ un ta ula dee pana: See ma m’ula sí el wa, m’pana: Raje meeyèr gə ŋgon neelé el. Nɛ seḭ mbad kooje. Togə́bè ɓa aa ooje məsee ɓa deḛ dəji sí gée nee ya.

2 Samel 4:11

Bèe ndá loo gə́ njémeeyèrje tɔl njemeekarabasur dan mee kəi’g ləa dɔ tira-tée’g lé ŋga ɓəd ɓəi ɓa see m’a tel dəji məsee ji sí’g gə mba tuji sí ne dɔ naŋg nee el wa.

2 Mbaije 1:4

Gelee gə́ nee ɓa Njesigənea̰ pa ne togə́bè pana: Dɔ tira gə́ i to keneŋ lé i a kuba naŋg kḭ tar el mbata i a gə kwəi ya. Tɔɓəi Eli ɔd aw.

Gosota-Kəmkàrje 14:32

Njemeeyèr lé néra majel ləa ɓa gə́ gin tuji ləa, Nɛ njemeekarabasur lé lé’d yoo kara Iŋga njo̰loo-kula-dəa keneŋ.

Esai 3:11

Nɛ meeko̰ a koso dɔ njémeeyèrje’g. D’a si dan majel’g Mbata d’a kiŋga né gə goo kandə néraje Gə́ ji dee ra lé tɔ.

Ejekel 18:13

ɓó lé yee wɔji né dɔ maree’g ɓa ar dee tona mba kiŋga ne manee dɔ’g ləm tɔ ndá see ŋgon neelé a si kəmba ya wa. Yeḛ a si kəmba el, yeḛ ra néje nee lai gə́ mina̰ ndá maji karee wəi! Maji kar ta məsee wa dəa-yeḛ ya.

Ejekel 18:20

Dəw gə́ ra kaiya ndá yeḛ nja ɓa a kwəi. Ta néra gə́ kori-kori lə bɔ ŋgonje lé ŋgon a kuba pəree el ləm, ta néra gə́ kori-kori lə ŋgon lé bɔbeeje a kuba pəree el ləm tɔ. Néra gə́ gə dɔ najee lə njera né gə́ gə dɔ najee lé a kwɔji dəa-yeḛ nja ləm, néra meeyèr lə njemeeyèr a kwɔji dəa-yeḛ nja ləm tɔ.

Ejekel 18:4

Aa ooje, dəwje lai to kamaje, ŋgon əsé bɔ ŋgon kara to kamaje joo bɔr, dəw gə́ ra kaiya lé ya ɓa a kwəi.

Ejekel 3:20

Ɓó lé njera né gə́ gə dɔ najee ya̰ goo nérea gə́ gə dɔ najee ra né gə́ majel ndá n’a kiya gum nea̰’g karee wəi ne, mbata m’ndəjee el ndá yeḛ a kwəi dan kaiya’g ləa tɔɓəi dəw a pata gə́ wɔji dɔ néra gə́ gə dɔ najee gə́ yeḛ ra lé el ŋga ndá n’a dəjim goo məsee.

Ejekel 33:12

Ma ŋgon-dəw lé maji kam m’ula ŋgalə koso-dəwje ləm m’pana: Néra gə́ gə dɔ najee lə njera né gə́ gə dɔ najee gə́ yeḛ ra kédé lé a kajee ndɔ kalta’g ləa el, meeyèr lə njemeeyèr gə́ yeḛ ra kédé a karee tuga loo oso ndɔ kɔs badm tel’g ləa el tɔ, togə́bè ɓa néra gə́ gə dɔ najee lə njera né gə́ gə dɔ najee gə́ yeḛ ra kédé lé a kaskəm karee si ne kəmba ndɔ kalta’g ləa el tɔ.

Ejekel 33:6

Ɓó lé njeŋgəmloo oo to gə́ deḛ d’isi ree gə kiambas ɓa im to̰to̰ el ɓa koso-dəwje d’oo mbər ndəji lé el ar dee ree gə kiambas ree tɔl ne dəw kára ndá dèbee neelé a kudu mbata néra kori-kori ləa ya nɛ n’a tel dəji njeŋgəmloo ta məs dəw neelé gə́ wa dəa lé.

Ejekel 34:10

Mbaidɔmbaije gə́ Njesigənea̰ pa togə́bè pana: Aa ooje, n’aw gə njékul dəwje gə ta. N’a tel taa dəwje lə neḛ ji dee’g ləm, n’a kar dee d’ul dəwje lə neḛ el ŋga ləma, deḛ nja kara d’a kul rɔ dee-deḛ el ŋga ləm tɔ, n’a kɔr dəwje lə neḛ ta dee’g ndá d’a to nékwa lə dee el ŋga.

Bula lə Israɛlje 26:65

Mbata Njesigənea̰ pa kédé pana: D’a kwəi dɔdilaloo’g kar dəw kára kara a nai el nɛ Kaleb, ŋgolə Jepune ləm, gə Josué, ŋgolə Nun ləm tɔ ɓa d’a nai lé ya.

Lugu 13:3

Wah! bèe el. Nɛ ma nja m’ula sí təsərə ya, ɓó lé seḭ waje ndòo rɔ sí dɔ kaiya’g lə sí el ndá seḭje lai lé seḭ a kuduje bèe ya tɔ.

Lugu 13:5

Wah! bèe el. Nɛ ɓó lé seḭ waje ndòo rɔ sí dɔ kaiya’g lə sí el ndá seḭ a kuduje to gə́ deḛ bèe ya tɔ.

Tagə́maji gə́ Ja̰ ndang 8:21

Jeju ula dee tɔɓəi pana: M’a gə kɔd kaw ndá seḭ a saŋgmje nɛ seḭ a kwəije dan kaiya’g lə sí ya. Loo gə́ m’isi m’aw gə́ keneŋ lé seḭ a kasjekəm kilaje gɔl sí keneŋ el.

Tagə́maji gə́ Ja̰ ndang 8:24

Gelee gə́ nee ɓa ma m’ula sí ne m’pana: Seḭ a kwəije dan kaiyaje’g lə sí. Mbata ɓó lé seḭ ɔmje meḛ sí dɔm’g to gə́ ma lé m’to gə́ dəw gə́ bèe lé el ndá seḭ a kwəije dan kaiyaje’g lə sí ya.

Néra Njékaḭkulaje 2:40

Piɛrə pa taje gə́ raŋg bula ɔm dɔ’g ɓəi ndəji dee ne ləm, man dee ne ləm tɔ pana: Saaje rɔ sí rɔ ginkoji dəwje gə́ dɔ naŋg nee gə́ njéra néje gə́ yèr neelé ɓó gə ajije ne ya.

Néra Njékaḭkulaje 3:19

Bèe ndá waje ndòo rɔ sí dɔ kaiya’g lə sí ɔsje badm telje mba kar kaiya lə sí ɔr ndɔs-ndɔs ləm,

1 Timote 4:16

Unda kəmkàr dɔ rɔi’g ləm, gə dɔ ta gə́ i ndoo dee’g ləm tɔ. Ai məəi sam-sam dɔ’g mbata loo gə́ i ra togə́bè ndá i a kaji ne rɔi ləm, gə deḛ gə́ taa taree tai’g ləm tɔ.

1 Timote 5:22

Maji kari ḭ rad ila jii dɔ dəw’g el ləm, ɔm məəi gə mari na̰’d sad loo-kaiya’g ləa el ləm tɔ, i lé tɔs kəmi dɔ rɔi’g mba kar məəi àr ŋgad-ŋgad.

1 Samel 8:9

Maji kari oo ta lə dee ya nɛ ndəji ɓa ndəji dee kɔr ləm, ar dee gər né gə́ wɔji dɔ mbai gə́ a gə ko̰ dɔ dee lé ləm tɔ.