Ejekel 3:17 - Maktub gə́ To gə Kəmee

¹⁷ Ma ŋgon-dəw lé n’undam gə́ njeŋgəmloo mbata gel-bɔje lə Israɛl. M’a koo ta gə́ teḛ ta neḛ’g ndá m’a kula dee mbata lə neḛ.

Ejekel 3:17 ပူးပေါင်းရင်းမြစ်များ

2 Sôrta Gḭka Israɛlje 19:10

Ta gə́ rara gə́ to mbuna ŋgako̰ síje gə́ mee ɓee-booje’g lə deḛ gə́ d’a ree ne no̰ sí’d gə́ wɔji dɔ tɔl dəw ləm, əsé ndukun ləm, əsé godndu ləma, əsé torndu ləm tɔ lé seḭ a ribaje sə dee dəa təsərə gə mba kar ta wa ne dɔ dee no̰ Njesigənea̰’g el ləm, mba kar oŋg lə Njesigənea̰ ḭ ne səa pu dɔ sí-seḭ’g əsé dɔ ŋgako̰ síje’g el ləm tɔ. Yee ɓa gə́ né gə́ seḭ a raje gə mba kar ta wa ne dɔ sí el.

Pa gə́ ur dɔ paje 3:3

Njéŋgəmlooje gə́ d’aw gugu dɔ ɓee-boo lé D’iŋgam ndá m’dəji dee m’pana: See seḭ ooje yeḛ gə́ m’ndigee gə ŋgaw məəm bura lé el wa.

Pa gə́ ur dɔ paje 5:7

Njéŋgəmlooje gə́ d’aw njaa Gugu dɔ ɓee-boo lé d’iŋgam, Deḛ kundam d’am doo. Deḛ d’wam taa kubu-kila-dɔ’g ləm Deḛ gə́ to njéŋgəm ndògo-bɔrɔje-je lé.

Esai 21:6

Mbata Mbaidɔmbaije ulam ta togə́bè pana: Maji kam m’aw m’unda njeŋgəmloo Gə mba karee ila mber né gə́ yeḛ a gə koo.

Esai 21:8

Tɔɓəi yeḛ ra né wəl to gə́ toboḭ bèe pana: Neḛ n’aar dɔ kəi-kaar-kɔgərɔ’d Gə́ duu dɔ loo dan kàrá ləm, N’aar loo-ŋgəm-loo’g Loondul’g ləm tɔ.

Esai 52:8

Ndu njéŋgəmlooje lə sí ɓar wəl, Deḛ d’ɔr ndu dee gə́ tar ləm, Deḛ d’ɔr ndu dee gə́ tar na̰’d wəl Gə ndu pa kalrɔ ləm tɔ, Mbata kəm dee-deḛ ya d’oo ne To gə́ Njesigənea̰ tel gə njé gə́ Sio̰ mba̰.

Esai 56:10

Njékaa dɔ Israɛlje lai to gə́ njékəmtɔje Gə́ lal gosonégər, Deḛ lai to bisije gə́ gwɔb dee udu Gə́ d’askəm ro el, Deḛ to gə́ njénije Gə́ to naŋg ləm, D’unda ɓi ɓa dan kəm dee’g ləm tɔ.

Esai 58:1

Ɔr ndui gə́ tar ɓó əw el, Ar ndui ɓar to gə́ to̰to̰ bèe, Ila mbər ar koso-dəwje d’oo ne néra kori-korije lə dee ləm, Ar gel-bɔje lə Jakob d’oo ne kaiyaje lə dee ləm tɔ.

Esai 62:6

I ɓee gə́ Jerusalem, ma m’unda njéŋgəmlooje dɔ ndògo-bɔrɔje’g ləi, D’a si dɔ mundu dan kàrá əsé loondul’g el, Seḭ gə́ arje mee Njesigənea̰ olé dɔ Jerusalem’g lé Loo-kwa-rɔ lə sí godo!

Jeremi 1:7

Ndá Njesigənea̰ ilam keneŋ pana: Maji kari pana: M’nai ŋgon bèe lé el, Mbata a kaw rɔ deḛ lai Gə́ m’a kulai rɔ dee’g ləm, A pata néje lai gə́ m’un ndum dɔ’g m’ari lé ləm tɔ.

Jeremi 31:6

Mbata ndɔ gə́ a gə ree lé Njéŋgəmlooje d’a ra né wəl Dɔ mbal gə́ Eprayim pana: Ḭje tar ar sí j’awje Sio̰ Rɔ Njesigənea̰ Ala’g lə sí!

Jeremi 6:10

See na̰ ɓa m’a kulá ta Esé see na̰ ɓa m’a karee To njekɔrgoota ləm kar dee d’oo wa. Aa ooje, mbi dee udu jig-jig D’askəm kur mbi dee koo ne ta el. Aa ooje, ta lə Njesigənea̰ Tel to gə́ nérɔkul mbata lə dee ləm, Rɔ dee lel dee keneŋ el ləm tɔ.

Jeremi 6:17

M’unda njéŋgəmlooje mbɔr sí’g dəb, Urje mbi sí gèŋ gə mba kooje ne ndu to̰to̰! Nɛ deḛ d’ilá keneŋ pana: Jeḛ j’a kurje mbi sí el.

Ejekel 11:25

Ma m’ula deḛ gə́ d’wa dee ɓər lé taje lai gə́ Njesigənea̰ riba səm dəa lé ya.

Ejekel 11:4

Gelee gə́ nee ɓa ma ŋgon-dəw lé maji kam m’tegginta m’wɔji ne dɔ dee, maji kam m’tegginta ya.

Ejekel 2:7

M’a kula dee taje lə neḛ, lé d’oo əsé d’un mbi dee rəw dɔ’g kara to mbata to gə́ deḛ to njékɔsta-rəwje lé ya.

Habakuk 2:1

Ma lé m’isi loo-kula-ŋgəm-loo’g ləm, Ma m’aar dɔ kəi gə́ ŋgal gə́ duu dɔ loo. Ma m’isi kəmba mba koo né gə́ Njesigənea̰ a gə kulam ləm, Gə ta gə́ m’a gə kilá keneŋ dɔ né gə́ m’dəjee’g lé ləm tɔ.

Ajee 1:13

Tɔɓəi Aje, njekaḭkula lə Njesigənea̰ ula koso-dəwje gə goo ndukun lə Njesigənea̰ pana: Neḛ nja n’a nai sə sí ya, Njesigənea̰ ɓa pa bèe.

Matiyo 3:7

Loo gə́ yeḛ oo Parisiḛje gə Saduseḛje bula ree rəa’g mba karee ra dee batɛm lé ndá yeḛ ula dee pana: Seḭ ŋgan li-meewaije, see na̰ ɓa ndoo sí mba kar sí aḭje oŋg gə́ a gə ree lé wa.

1 Njé gə́ Kɔrḭtə 12:28

Yee ɓa Ala unda ne gin Eglisə, ar deḛ gə́ dɔtar lé to njékaḭkulaje ləm, njékɔm dee’g jooje to njéteggintaje ləma, njékɔm dee’g mṵdaje to njḛ́gɔ-négərje ləm tɔ, njékorè goo deeje gə́ raŋg lé to njéra némɔrije ləm, gə deḛ gə́ d’iŋga nénoji mba kida ne rɔko̰ rɔ dəwje’g ləm, gə njéla gə mar deeje gə́ d’odo nékodoje gə́ wɔi dee ləm, gə deḛ gə́ d’askəm kɔr no̰ mar deeje ləma, gə deḛ gə́ gər pa takɔji dəwje gə́ ɓəd-ɓəd ləm tɔ.

1 Njé gə́ Kɔrḭtə 4:14

Ta neelé ma m’ndaŋg gə mba kila ne rɔkul dɔ sí’g el: nɛ ma m’oo sí gə́ ŋganəmje gə́ m’unda sí dan kəm’g ɓa m’ndəji sí ne mbeḛ-mbeḛ gə mbəa.

2 Njé gə́ Kɔrḭtə 5:11

Jeḛ gə́ n’gər loo ɓəl Mbaidɔmbaije lé jeḛ j’oma̰ gə dəwje mba kar dee d’un ne meḛ dee. Ala gər ndaa sí gao ləm, məəm to yel gə́ dɔ sí’g m’pana: Seḭ nja kara ta gə́ meḛ sí’g ɓa ar sí gərje ne ndaa síjeḛ gao ləm tɔ.

2 Njé gə́ Kɔrḭtə 5:20

Bèe ndá jeḛ lé n’to njenai gə dəwje mba Kristi, jeḛ n’taa ndu Ala m’pa ne ta j’ar dee pana: Jeḛ n’ra ndòo rɔ sí’g gə ri Kristi, maji kar sí ɔmje na̰’d yəg gə Ala ya.

Njé gə́ Kolosə 1:28

Yeḛ nja ɓa j’ula sí ta ləa ləm, jeḛ n’tɔg ne dəwje lai ləma, jeḛ ndoo ne dəwje lai gə kəmkàree ləm tɔ gə mba kar deḛ lai tel ne maji d’ɔr njoroŋ gin Kristi’g ɓa j’aw ne sə dee no̰ Ala’g ɓəi.

1 Njé gə́ Tesalonikə 5:14

Ŋgako̰ síje, jeḛ n’ra ndòo rɔ sí’g ɓəi: maji kar sí ndəjije deḛ gə́ d’aw kori-kori ləm, ulaje diŋgam meḛ deḛ gə́ meḛ dee təd mán ləm, gədje njémeembɔrèje ləma, ilaje meḛ sí po̰ dɔ dəwje’g lai ləm tɔ.

Ǝbrəje 13:17

Ilaje ŋgonkoji dɔ njékɔrno̰ síje’g gə́ d’aḭ bada dɔ sí’g, ḭje kalaŋ-kalaŋ no̰ dee’g, mbata loo gə́ d’a kula njea taree ndá d’a kulá gə ŋgaŋ kogo. Ɓó lé d’a kulá taree gə rɔkim ndá lé a maji dɔ sí’g el.