Ejekel 3:13 - Maktub gə́ To gə Kəmee

¹³ Ma m’oo kaa bag nékundaje gə́ tuga na̰’d gə́ ɓar kib-kib ləm, m’oo kaa gɔl pusuje gə́ ɓar mbɔr dee’g gururu-gururu ləma, gə kaa né gə́ ɓar ɗigi-ɗigi ləm tɔ.

Ejekel 3:13 ပူးပေါင်းရင်းမြစ်များ

2 Samel 5:24

Loo gə́ i oo kaa gɔl dəw gə́ ɓar dɔ sém kag-kɔlje’g ndá ɔs rɔi ɓad mbata to Njesigənea̰ ɓa njaa nɔḭ’g mba tuji njérɔje lə Pilistije lé ya.

1 Mbaije 7:30

Pusu kára ndá ra gɔleeje gə larkas as loo sɔ ləm, gə ŋgawlar ga̰dèje ləm tɔ, tɔɓəi dɔkum looje gə́ sɔ lé négəd bai-togo-rɔje gə́ léḛ lé to keneŋ gel bai-togo-rɔ gə́ boi’g no̰ néndajije gə́ pḛdé gə́ kédé lé tɔ.

Ejekel 1:15

Ma m’aa nékundaje neelé gərərə ndá aa oo, gɔl pusuje to naŋg mbɔr nékundaje’g lé no̰ kəm deeje gə́ sɔ-sɔ’g lé.

Ejekel 1:24

Ma m’oo kaa bag dee gə́ ɓar loo gə́ d’aw njaa lé asəna gə kaa mán-kaw bèe əsé asəna gə ndu Bao-siŋgamoŋ gə́ ɓar, to ndu gə́ ɓar birim-birim to gə́ kaa njérɔje bèe, loo gə́ d’aar naŋg ndá deḛ rəm gə bag dee gə́ naŋg tɔ.

Ejekel 10:5

Kaa bag Nékundaje gə́ dara ɓar saar teḛ mee gadloo gə́ raga asəna gə ndu Ala gə́ Bao-siŋgamoŋ loo gə́ yeḛ pata bèe.