Ejekel 3:11 - Maktub gə́ To gə Kəmee

¹¹ Maji kam m’aw rɔ deḛ gə́ d’wa dee ɓər gə́ to ŋgalə koso-dəwje ləm. M’a kula dee ta tɔɓəi lé deḛ d’oo əsé d’un mbi dee rəw dɔ’g kara m’a kula dee pana: Mbaidɔmbaije gə́ Njesigənea̰ ɓa pa togə́bè.

Ejekel 3:11 ပူးပေါင်းရင်းမြစ်များ

Teḛ-Raga 32:7

Ndá Njesigənea̰ ula Moyis pana: Ḭta, risi ur naŋg: mbata koso-dəwje ləi gə́ i ar dee d’unda loo mee ɓee gə́ Ejiptə teḛ lé deḛ tuji rɔ dee mba̰ ya.

Jeremi 29:20

Nɛ seḭ lé maji kar sí ooje ta lə Njesigənea̰, seḭ lai gə́ d’wa sí ɓər gə́ m’ar sí ḭje Jerusalem awje Babilɔn lé.

Ejekel 2:4

Deḛ to ŋganje gə́ kəm dee to gəsəsə ləm, meḛ dee ndər ləm tɔ, neḛ n’ulam gə́ rɔ dee’g mba kam m’ula dee m’pana: Mbaidɔmbaije gə́ Njesigənea̰ ɓa pa bèe.

Ejekel 2:5

Lée d’oo ta tam’g əsé d’un mbi dee rəw dɔ’g kara, mbata deḛ to gel-bɔje gə́ to njékɔsta-rəwje lé, d’a gər to gə́ njetegginta kára si mbuna dee’g ya.

Ejekel 2:7

M’a kula dee taje lə neḛ, lé d’oo əsé d’un mbi dee rəw dɔ’g kara to mbata to gə́ deḛ to njékɔsta-rəwje lé ya.

Ejekel 20:27

Gelee gə́ nee ɓa ma ŋgon-dəw lé maji kam m’pata m’ar gel-bɔje lə Israɛl ndá m’a kula dee pana: Mbaidɔmbaije gə́ Njesigənea̰ pa togə́bè pana: Bɔ síje-je d’ila ndɔl dɔ neḛ’g ya loo gə́ d’uba ne goo ndukunje gə́ wɔji dɔ neḛ d’ya̰.

Ejekel 3:10

Yeḛ ulam pana: Ma ŋgon-dəw lé maji kam m’tuga mbim m’oo ne taje lai gə́ n’a gə kulam ləm, maji kam m’taa gə məəm ləm tɔ.

Ejekel 3:12

Yen ŋga ndil unm am m’oo kaa né gə́ ɓar ɗigi-ɗigi goom’g pana: Maji kar dɔ rɔnduba lə Njesigənea̰ ai səgərə loo-siée’g!

Ejekel 3:15

Ma m’teḛ Tel-Abib rɔ deḛ gə́ d’wa dee gə́ ɓər d’aw sə dee d’ar dee d’isi mbɔr baa-boo gə́ Kebar’g ləm, gə loo gə́ deḛ d’isi keneŋ ləm tɔ. Ndá lée gə́ neelé m’isi dḭdiri mbuna dee’g as ndɔm siri.

Ejekel 3:27

Nɛ loo gə́ n’a kulam ta ndá n’a kar tam teḛ gə mba kam m’ula dee ne pana: Mbaidɔmbaije gə́ Njesigənea̰ pa togə́bè pana: Dəw gə́ ndigi koo ta lé ndá maji karee oo ya nɛ yeḛ gə́ ndigi koo ta el ndá maji karee oo el ya to mbata deḛ to gel-bɔje gə́ njékɔsta-rəwje ya.

Ejekel 33:12

Ma ŋgon-dəw lé maji kam m’ula ŋgalə koso-dəwje ləm m’pana: Néra gə́ gə dɔ najee lə njera né gə́ gə dɔ najee gə́ yeḛ ra kédé lé a kajee ndɔ kalta’g ləa el, meeyèr lə njemeeyèr gə́ yeḛ ra kédé a karee tuga loo oso ndɔ kɔs badm tel’g ləa el tɔ, togə́bè ɓa néra gə́ gə dɔ najee lə njera né gə́ gə dɔ najee gə́ yeḛ ra kédé lé a kaskəm karee si ne kəmba ndɔ kalta’g ləa el tɔ.

Ejekel 33:17

Ŋgalə koso-dəwje ləm pana: Rəw lə Mbaidɔmbaije to gə goo rəbee el. To deḛ ya ɓa rəw lə dee to gə goo rəbee el.

Ejekel 33:2

I ŋgon-dəw lé, pata ar ŋgalə koso-dəwje ləm ula dee pana: Loo gə́ m’ar dee ree gə kiambas dɔ ɓee gə́ kára’g nɛ koso-dəwje gə́ mee ɓee’g neelé d’ɔr dəw kára mbuna dee’g d’undá gə́ njeŋgəmloo ɓa

Ejekel 33:30

I ŋgon-dəw lé ŋgalə koso-dəwje ləi d’wɔji na̰ ta kaar ndògo-bɔrɔ’g gə tarəwkəije’g d’wɔji ne dɔi, deḛ d’ula na̰ ta gə́ yo gə́ nee ar nana kara ula ŋgokea̰ pana: Gə́ reeje ooje ta gə́ to ta gə́ ḭ rɔ Njesigənea̰’g.

Ejekel 37:18

Loo gə́ ŋgalə koso-dəwje ləi d’a dəji pana: See a kɔr gel né neelé kar sí el wa.

Loo gə́ killa rea kəm Daniel’g 12:1

Mee ndəa’g neelé Mikaɛl, mbai gə́ boi gə́ to njetaa dɔ dəwje ləi a kḭ tar. A to ndɔ néɓəŋgərəti ya. Un kudee mee ndɔ tum ginkoji dəwje gə raŋg’g saar ndəa’g neelé dəw oo gar néɓəŋgərəti gə́ togə́bè lé el. Mee ndəa’g neelé dəwje ləi gə́ ndaŋg ri dee mee maktub’g ɓa d’a kaji ya.

Loo gə́ killa rea kəm Daniel’g 6:13

Tɔɓəi d’ḭ d’aw no̰ mbai’g dəjee ta gə́ wɔji dɔ né kɔg loo ra né gə́ ka̰ mbai lé pana: See i ndaŋg né kɔg loo ra né rədədə mba kar mee ndɔje gə́ rɔ-munda lé nana ɓa gə́ a ra tamaji ta magə gə́ rara’g əsé ta dəw gə́ rara’g ɓó a ra tai-i mbai’g lé el ndá debee neelé d’a kilá mee bwa’g dan toboḭje’g ya, see i pa bèe el wa. Mbai lé ila dee keneŋ pana: Ta neelé to tɔgərɔ ya gə goo godndu Medəje gə Persəje gə́ dəw askəm telee ɓəd nda̰ el lé.

Tel tura Godndu 9:12

Njesigənea̰ ulam togə́bè pana: Ḭta risi kalaŋ ur naŋg, mbata koso-dəwje ləi gə́ i ar dee d’unda loo Ejiptə teḛ lé ra né gə́ mina̰. Deḛ d’ḭ kalaŋ d’uba rəw gə́ ma m’tɔji dee lé d’ya̰ ndá, deḛ léḛ larlɔr ndaji ne magə.