Ejekel 28:4 - Maktub gə́ To gə Kəmee

⁴ Gə goo kəmkàr gə gosonégər ləi lé ɓa i iŋga ne nébaoje ləm, i mbo̰ ne larlɔr gə larnda mee kəi-nébaoje’g ləi ləm tɔ,

Ejekel 28:4 ပူးပေါင်းရင်းမြစ်များ

Gosota-Kəmkàrje 18:11

Nébao lə bao lé To asəna gə ɓee-boo ləa gə́ siŋgá tɔ, Gə goo takə̰ji ləa lé Yeḛ ée asəna gə ndògo-bɔrɔ gə́ ḭ gə́ tar yaa̰ bèe.

Njekillamber 9:11

Ma m’tel m’oo dɔ naŋg nee ya ɓəi. To gə́ ŋgwɔd lé To gə mba njékaḭgwɔd kalaŋje ba el ləm, Rɔ lé kara wɔji dɔ bao-rɔje ba el ləm, Nésɔ lé wɔji dɔ njékəmkàrje ba el ləm, Nékiŋga kara wɔji dɔ njégosonégərje ba el ləma, Riɓar kara wɔji dɔ bao-gosɔnégərje ba el ləm tɔ. Mbata néje lai teḛ dɔ dee’g Gə goo ndəaje gə kàreje ɓa.

Esai 10:13

Mbata yeḛ pana: Gə goo siŋgamoŋ lə ji neḛ ɓa Neḛ n’ra ne né ləm, Gə goo kəmkàr lə neḛ ya, Mbata neḛ n’to njegosonégər ləm tɔ, Yee ɓa neḛ n’rəm ne gə rəw-nimje lə koso-dəwje ləm, N’taa ne nébaoje lə dee lé ləm tɔ. Tɔɓəi n’wa deḛ gə́ d’isi dɔ kalimbaije’g lé M’ɓugu dee naŋg Asəna gə bao-rɔ bèe.

Jeremi 49:4

See gelee ban ɓa Seḭ ɔsje gaji rɔ sí dɔ kəm wəl-looje’g lə sí wa. Kəm wəl-loo lə sí aw tuji, Seḭ gə́ toje asəna gə ŋgama̰dje gə́ njédumje Gə́ ɔmje meḛ sí dɔ nébaoje’g lə sí pajena: See na̰ ɓa a ree rɔ sə sí wa.

Ejekel 27:33

Loo gə́ nérabje ləi d’ḭ dan baa-boo-kadje’g teḛ raga Ndá i ar meḛ boo-koso-dəwje ndan tub-tub ləm, Némajije ləi gə nérabje ləi gə́ taa rɔi pəl-pəl lé ɓa I ar mbaije gə́ dɔ naŋg nee Tel to ne baoje ləm tɔ.

Ejekel 29:3

Maji kari pa pana: Mbaidɔmbaije gə́ Njesigənea̰ pa togə́bè pana: Aa oo, i Parao̰, mbai gə́ Ejiptə lé n’aw səi gə ta, i ɓəgərə-mar gə́ aw to mee baa-boo’g ləi lé i pana: Baa-boo ləi to kaḭ-i ya, i nja ɓa gə́ njerea lé!

Loo gə́ killa rea kəm Daniel’g 5:11

Dəw kára gə́ ndil magəje gə́ to gə kəmee to mée’g lé si mee ɓeeko̰’g ləi. Mee ndəa’g lə bɔbije lé d’iŋga ta gə́ àr gə gosonégər rəa’g ləm, gə kəmkàr gə́ wa bua kəmkàr lə magəje ləm tɔ. Togə́bè ɓa mbai Nebukadnesar gə́ to bɔbije lé unee undá gə́ mbai dɔ njéra némɔrije ləm, gə njétən kéréméje ləm, gə dɔ Kaldeje ləma, gə dɔ njénékooje ləm tɔ.

Habakuk 1:16

Gelee gə́ nee ɓa deḛ d’inja ne nékinjaməs d’ar buraje lə dee ləm, Deḛ roo ne néje gə́ ə̰də sululu d’ar bura-masaŋ lə dee ləm tɔ. Mbata mbɔl dɔ dee ɓa kɔr naḭ ubu lə dee to ne keneŋ ləm, Nésɔ lə dee gə́ lel ta’g lé Taa ne rɔ dee pəl-pəl ləm tɔ.