Ejekel 28:2 - Maktub gə́ To gə Kəmee

² I ŋgon-dəw lé, ula mbai gə́ njeko̰ dəb ɓeeko̰ gə́ Tir pana: Mbaidɔmbaije gə́ Njesigənea̰ pana: I beelé məəi’g pana: I to Ala. I si dɔ kalimbai’g lə Ala ŋgaw dan baa-boo-kadje’g! Nɛ i lé to dəw ɓó to Ala el. I un né gə́ məəi ndigi aree taa tor né gə́ mee Ala ndigi.

Ejekel 28:2 ပူးပေါင်းရင်းမြစ်များ

Gḭ-Néje 3:5

Nɛ Ala gər gao to gə́, mee ndɔ gə́ seḭ a sɔje ndá kəm sí a kinja ləm, seḭ a toje asəna gə Ala bèe gə mba gər ne né gə́ maji gə né gə́ majel ləm tɔ.

2 Sôrta Gḭka Israɛlje 26:16

Nɛ loo gə́ yeḛ tel to njesiŋgamoŋ ndá mée ɔsee ɓɔḭ-ɓɔḭ gə mba karee tuji ne. Yeḛ ra kaiya ɔs ne ta lə Njesigənea̰ Ala ləa rəw. Yeḛ ḭ gə dɔrea ya andə mee kəi’g lə Njesigənea̰ tuu néje gə́ ə̰də sululu dɔ loo-nékinjaməs’d gə́ to loo-tuu-néje gə́ ə̰də sululu lé.

Pakɔsje 9:20

Ǝi Njesigənea̰, maji kari ḭta! Maji kar dəw kára kara dum dɔi el! Maji kar ginkoji dəwje gə raŋg ree nɔḭ’g Gə mba kari gaŋg rəwta dɔ dee’g!

Gosota-Kəmkàrje 16:18

Kesta ɓa ɔr no̰ tuji ləm, Beelé ɓa ar dəw oso ləm tɔ.

Gosota-Kəmkàrje 18:12

Kédé ɓa kar tuji gə́ boo teḛ ɓəi lé Dəw ti rəa mée’g, Nɛ kula dɔ kédé ɓa rɔnduba orè gée ɓəi.

Esai 2:12

Mbata ndɔ lə Njesigənea̰ lə bao-rɔje to keneŋ Gə mba karee gaŋg ne ta dɔ dəw gə́ rara’g Gə́ to njebeelé gə njeti rəa ləm, Mba karee gaŋg ne ta dɔ dəw gə́ rara’d Gə́ unda dəa tar lé karee ula dəa ləm tɔ,

Esai 23:8

Ɓee gə́ Tir lé to njekai dəwje dɔguguje ləm, Njérab-néndogoje ləa to dəwje gə́ boo ləma, Njékaw gə́ loo-looje mba rab néndogo ləa To gə́ baoje gə́ d’ur dɔ baoje dɔ naŋg nee lai ləm tɔ. Ŋga see na̰ ɓa wɔji-kwɔji kar tuji Oso dɔ ɓee’g neelé wa.

Esai 31:3

Ejiptəje lé to dəwje ɓó to Ala el, Kundaje lə dee to gə́ kundaje ba ɓó to néje gə́ raŋg el. Loo gə́ Njesigənea̰ a kun jia kula ndiŋ ndá Njékaḭ bada dɔ dee’gje lé d’a kunda ndolé ləm, Deḛ gə́ yeḛ aa dɔ dee lé d’a koso ləm tɔ Kar dee d’a kudu lai guduru.

Esai 47:8

Seḭ njékərkəmlooje lé Ɓasinè maji kar sí reeje ooje, Seḭ síje lɔm, Seḭ paje meḛ sí’g pajena: Seḭ nja gə kar sí Ɓó dəw gə́ raŋg kára kara godo, Seḭ nja gə́ kar sí ba ləm, Seḭ a síje gə́ njékəisiŋgaje nda̰ el ləma, A lalje ŋganje nda̰ el ləm tɔ.

Ejekel 16:49

Aa ooje, kaiya ra Sɔdɔm, ŋgokɔḭ gə́ dené lé ɓa nee: Yeḛ to njeti rəa ləm, yeḛ gə ŋganeeje gə́ dené d’isi dan némajije’g bèdèg ləm, d’isi gə́ majee lal kḛji ta dɔ’g ləm tɔ nɛ deḛ gəd deḛ gə́ d’isi dan nékəmndoo’g gə njé gə́ né lal dee lé el.

Ejekel 26:17

Deḛ d’un pa no̰ ndooi d’ulai ne pana: Ɗi togə́bè wa! See gelee ban ɓa i tuji pugudu bèe wa. I gə́ njé gə́ d’aḭ gə́ yo gə́ nee dɔ baa-boo-kad’g ree d’isi rɔi’g ləm, I gə́ to ɓee-boo gə́ njeriɓar Gə́ njé gə́ d’isi keneŋ to dəwje gə́ njésiŋgamoŋje dɔ baa-boo-kad’g ləm tɔ. Ɓee neelé gə dəwje gə́ d’isi keneŋ Gə́ d’aw d’ɔm ɓəl dɔ dəwje gə́ gugu dɔ deḛ lai lé tuji pugudu.

Ejekel 28:1

Njesigənea̰ ulam ta gə rɔtaje nee pana:

Ejekel 28:17

I beelé məəi’g mbata maji péd-péd ləi ləm, ndubarɔ ləi lé ari tuji ne kəmkàr ləi ləm tɔ, neḛ n’ɔsi n’ilai naŋg n’ari tel to né mbo̰ kəm dɔ’g lə mbaije ya.

Ejekel 28:9

No̰ njetɔli’g lé see i a pana: I to Ala nja tɔɓəi wa. I a to dəw ɓó a to Ala meḛ ji yeḛ gə́ a tɔli’g lé el.

Ejekel 29:3

Maji kari pa pana: Mbaidɔmbaije gə́ Njesigənea̰ pa togə́bè pana: Aa oo, i Parao̰, mbai gə́ Ejiptə lé n’aw səi gə ta, i ɓəgərə-mar gə́ aw to mee baa-boo’g ləi lé i pana: Baa-boo ləi to kaḭ-i ya, i nja ɓa gə́ njerea lé!

Ejekel 29:9

Ɓee gə́ Ejiptə a tel to dɔdilaloo gə́ wa ŋgɔ njag-njag ndá d’a gər to gə́ neḛ n’to Njesigənea̰ ya. Mbata yeḛ pana: Baa-boo lé to ka̰ neḛ, neḛ ɓa gə́ njerea.

Ejekel 31:10

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Mbata kagee ŋgal pur-pur ləm, mbata sémee teḛ tar dan barkəmeeje gə́ ndər siŋ-siŋ ləma, mbata ti gə́ yee ti rəa mbata ŋgal ləa ləm tɔ lé

Loo gə́ killa rea kəm Daniel’g 11:12

Koso-njérɔje neelé d’a ti rɔ dee ndá mbai lé a kəsta ti ne rəa tɔ. Yeḛ a kar koso-dəwje gə́ dum tura lé d’wəi ne ya nɛ yeḛ a kun baŋga el.

Loo gə́ killa rea kəm Daniel’g 11:36

Mbai lé a ra né to gə́ mée ndigi. Yeḛ a ti rəa ləm, a kɔs gaji rəa koo ne rəa gə́ njekur dɔ magəje lai ləm tɔ ndá yeḛ a pata néje gə́ dum kəm loo kɔs ne ta lə Ala gə́ njekur dɔ magəje lé rəw. Néreaje gə́ togə́bè lé a teḛ ne kɔr saar kar oŋgee wəi bém, saar kar né gə́ d’wɔji-kwɔji ra lé a kaw ne lée’g béréré ya.

Loo gə́ killa rea kəm Daniel’g 11:37

Yeḛ a ndəb gə mbata lə magəje lə bɔbeeje-je el ləm, əsé gə mbata lə magəpole gə́ lel denéje el ləm tɔ. Yeḛ a ndəb gə mbata lə magə kára kara el mbata yeḛ a kɔs gaji rəa koo ne rəa gə́ njekur dɔ dee’g lai ya.

Habakuk 2:4

Aa ooje, dəw neelé ti rəa Ar ta néra gə́ danasur godo mée’g, Nɛ njemeekarabasur lé meekun ləa ɓa yeḛ a si ne kəmba.

Soponi 2:15

Aa ooje, yee ɓa gə́ ɓee-boo gə́ dəwje gə́ keneŋ d’isi dan rɔlel’g Nda ne meḛ dee kaḭ dɔ rɔ dee’g Ra né meḛ dee’g pana: Neḛ ya ɓó né gə́ raŋg godo, to neḛ ya! Ɗi togə́bè wa. Yee tuji pugudu ŋga. Yee tel to loo-to daje gə́ wala! Deḛ lai gə́ dəs mbɔree’g lé D’a kur kɔl piu jeŋ ne ji dee.

Jakari 9:2

Ta neelé wɔji dɔ Amat Gə́ to rəw-nim-ɓee gə́ Damas ləma, Gə dɔ Tir gə Sido̰ Gə́ gosɔkəmkàr lə dee to yaa̰ lé ləm tɔ.

Lugu 14:9

ɓa yeḛ gə́ njeɓar sí ɓar nésɔ lé a ree keneŋ ndá a kulai pana: Ya̰ loo gə́ nee ar dəw gə́ nee. Bèe ɓa i a kḭ gə rɔkul kaw loo-si gə́ gir dee’g gogo.

Tel tura Godndu 8:14

meḛ sí dɔ rɔ sí’g nà a tije rɔ sí karje meḛ sí wəi dɔ Njesigənea̰ Ala’g lə sí, yeḛ gə́ ar sí undaje loo mee ɓee gə́ Ejiptə, mee kəi kula ɓər’g teḛje lé,

2 Njé gə́ Tesalonikə 2:4

Diŋgam gə́ njeyèr lé yeḛ nja ɓa gə́ njeba̰ gə́ a kuba loo kḭ naji loo gə Ala ləm, gə né gə́ rara gə́ dəwje d’wa meḛ dee’g ləma, a ra saar kuru ne mee kəi-Ala’g ɓa a tar rəa pana: Neḛ nja gə́ Ala ləm tɔ.

1 Timote 3:6

Njekaa dɔ Eglisə lé maji karee to njemeekun gə́ sigi el nà banelə a kḭ ti rəa koso ne gin ta gə́ deḛ d’ila dɔ njekurai’g lé.

1 Piɛrə 5:5

Seḭ basaje kara osoje kul no̰ ŋgatɔgje’g lə sí. Seḭ lai lé ulaje dɔ sí arje na̰, mbata Ala lé ɔs njébeeleje rəw, Nɛ yeḛ wa noji gə njekula dɔ deeje.

Loo gə́ killa rea kəm Ja̰’g 17:3

Ndil unm aw səm dɔdilaloo’g. M’oo dené si gir da-kas’g, da lé ri néndɔlje taa rəa pəl-pəl. Dəa siri ləm, gajee dɔg ləm tɔ.

Loo gə́ killa rea kəm Ja̰’g 18:7

Kɔs gə́ yeḛ ɔs gaji rəa ɓa uru ne dan némajije gə́ d’al dɔ loo sula ɓəi lé areeje uga gə néurti gə kəmndooyoo togə́bè tɔ. Mbata yeḛ ə̰ji ta mée’g pana: N’isi n’to mbai gə́ dené ləm, neḛ n’to gə́ dené nduba el ləm, kəmndooyoo a teḛ dɔ neḛ’g el ŋga ləm tɔ.