Ejekel 27:6 - Maktub gə́ To gə Kəmee

⁶ Deḛ ra haije ləi gə kag-sɛnəje gə́ Basan ləm, Deḛ ra bəgərəjə ləi gə ŋgaŋ-kər gə́ gaŋg mbuna kag-warəm Gə́ d’ḭ ne dɔgoré-looje gə́ Kitim ləm tɔ.

Ejekel 27:6 ပူးပေါင်းရင်းမြစ်များ

Gḭ-Néje 10:4

Ri ŋgalə Jaban ɓa nee: Elisa, Tarsis, Kitim gə Dodanim.

Esai 2:13

Gə mba karee gaŋgta dɔ kag-sɛdrəje’d Gə́ Liba̰ gə́ ŋgal ɗéréŋ-ɗéréŋ ləm, Gə mba karee gaŋgta dɔ kag-sɛnəje’g lai Gə́ to Basan ləm,

Esai 23:1

Ndərta gə́ pa wɔji dɔ ɓee gə́ Tir. Seḭ batoje gə́ Tarsis, no̰je siije mbigi-mbigi Mbata ɓee gə́ Tir lé tuji: Kəije godo ləm, Loo-Kandə keneŋ godo ləm tɔ! Sorta neelé d’ḭ ne ɓee gə́ Kitim Ɓa ree d’ula dee.

Esai 23:12

Yeḛ pana: Seḭ a raje rɔlel pai godo, Seḭ njéɓeeje gə́ Sido̰ gə́ d’ila rɔkul dɔ sí’g! Ḭje ta awje ɓee gə́ Kitim! Lée neelé kara seḭ a kiŋgaje loo-kwa-rɔ sí keneŋ el tɔ.

Jeremi 2:10

Awje dɔgoré-looje gə́ Kitim, Aw aaje loo ooje! Ulaje kula Kedar, tenje maji ooje Ndá tenje ooje See gar néra gə́ togə́bè lé to keneŋ ya wa.

Jeremi 22:20

Ubaje dɔ sém mbal gə́ Liba̰ Raje ne né wəl ləm, Paje gə ndu sí gə́ tar ɓəgəgə Arje loo gə́ Basan ləma, Arje ndu sí ɓar dɔ sém loo Gə́ Abarim ləm tɔ! Mbata deḛ lai gə́ d’unda sí dan kəm dee’g lé Tuji pugudu.

Loo gə́ killa rea kəm Daniel’g 11:30

Njé gə́ Kitim d’a ree gə bato-rɔje mba rɔ ne səa ndá mée a kila kas karee rəm gə gée. Tɔɓəi mée a kḭ səa pu dɔ manrɔ gə́ to gə kəmee’g ndá yeḛ a tel rɔ səa gogo ɓəi. Tel ləa gə́ gogo lé yeḛ a kɔm na̰’d sad gə deḛ gə́ d’uba manrɔ gə́ to gə kəmee d’ya̰ lé.

Jakari 11:2

Seḭ kag-siprɛsje, maji kar sí no̰je siije mbigi-mbigi Mbata kag-sɛdrəje lé toso ləm, Kagje gə́ ŋgal pur-pur lé tuji mba̰ ləm tɔ. Seḭ kag-sɛnəje gə́ Basan lé Maji kar sí no̰je siije mbigi-mbigi Mbata kag-kɔrje gə́ dəw askəm kandə keneŋ el lé Tuji mbad-mbad.

Bula lə Israɛlje 21:33

Deḛ d’ɔs tel d’un rəw gə́ aw gə́ Basan. Ɔg, mbai gə́ Basan, teḛ tila kəm dee gə koso-dəwje ləa lai mba rɔ sə dee ko̰ɓee gə́ Edrei.

Bula lə Israɛlje 24:24

Nɛ to-larje gə́ boo-boo d’a kḭ Kitim ree Ndá d’a kar Asirije d’oso kas ləm, D’a kar Ǝbrəje kara d’oso kas ləm tɔ Tɔɓəi yeḛ nja kara d’a tujee pugudu tɔ.