Ejekel 27:30 - Maktub gə́ To gə Kəmee

³⁰ D’a ra né wəl-wəl dɔi’g ləm, D’a ra né pénéné-pénéné ləm tɔ. D’a saa babur kɔm dɔ dee’g ləm, D’a nduburu gururu-gururu dan bu’g ləm tɔ,

Ejekel 27:30 ပူးပေါင်းရင်းမြစ်များ

2 Samel 1:2

Ndɔ gə́ njekɔm’g munda ndá dəw kára ḭ loo-si njérɔje’g lə Sawul. Kubuje gə́ rəa’g ŋgisi ləm, kor wa dəa lub-lub ləm tɔ. Loo gə́ yeḛ ree aar no̰ Dabid’g ndá yeḛ oso naŋg bəbərə dəb kəmee naŋg.

Maktub gə́ wɔji dɔ Jɔb 2:12

Loo gə́ deḛ nai əw ya ɓəi ndá d’un kəm dee d’ée ndá deḛ gəree el. Deḛ d’ɔr ndu dee gə́ tar wəl no̰ ne ləm, deḛ til kubuje lə dee gə́ boi yul-yul rɔ dee’g ləma, deḛ tuga kor d’ɔm dɔ dee’g ləm tɔ.

Maktub gə́ wɔji dɔ Jɔb 2:8

Togə́bè Jɔb un seŋgəre ŋgə ne rəa ləm, si ne dan bu’g ləm tɔ.

Maktub gə́ wɔji dɔ Jɔb 42:6

Gelee gə́ nee ɓa ma m’gaŋgta dɔ rɔm’g m’wa ne ndòo rɔm Dan babur’g ləm, gə dan bu pər’g ləm tɔ.

Jeremi 25:34

Seḭ njékul dəwje, Ɔrje ndu sí gə́ tar no̰je ne! Seḭ njékɔrno̰ koso-dəwje, Rogoje dan buu’g! Mbata ndɔje gə́ ka̰ kar dee Gaŋ gwɔb sí teḛ mba̰. N’a tɔ sí pɔs-pɔs asəna gə jo-gɔr bèe.

Jeremi 6:26

Seḭ koso-dəwje ləm, Ulaje kubu-kwa-ndòo rɔ sí’g Rogoje ne babur’g, Waje ne ndòo to gə́ dəw Gə́ wa ne ndòo ŋgon kára bèe ləm, No̰je gə mán kəm sí’g Siije ne mbigi-mbigi ləm tɔ, Mbata njetujiloo a gə kuba sí naŋg bus.

Nɔ̰-ndôo gə́ wɔji dɔ Jerusalem 2:10

Ŋgatɔgje lə ŋgoma̰də gə́ Sio̰ lé D’isi dɔ mundu, Deḛ tuga kor d’ɔm dɔ dee’g ləm, Deḛ d’ula kubu-kwa-ndòo ɓa rɔ dee’g ləm tɔ, Ŋgama̰dje gə́ Jerusalem lai lé D’ula dɔ dee naŋg.

Ejekel 26:17

Deḛ d’un pa no̰ ndooi d’ulai ne pana: Ɗi togə́bè wa! See gelee ban ɓa i tuji pugudu bèe wa. I gə́ njé gə́ d’aḭ gə́ yo gə́ nee dɔ baa-boo-kad’g ree d’isi rɔi’g ləm, I gə́ to ɓee-boo gə́ njeriɓar Gə́ njé gə́ d’isi keneŋ to dəwje gə́ njésiŋgamoŋje dɔ baa-boo-kad’g ləm tɔ. Ɓee neelé gə dəwje gə́ d’isi keneŋ Gə́ d’aw d’ɔm ɓəl dɔ dəwje gə́ gugu dɔ deḛ lai lé tuji pugudu.

Junas 3:6

Ta neelé aw saar oso mbi mbai gə́ Ninibə’g pad ndá yeḛ ḭ dɔ kalimbai’g ləa, ɔr kubu ləa gə́ boi yul lé rəa’g ya̰ ula kubu-kwa-ndòo rəa’g rəm si ne dan bu’g gə kəmndoo.

Misee 1:10

Maji kar sí ilaje mberee mee ɓee gə́ Gat’g el ləm, No̰je mee ɓee gə́ Ako’g el ləm tɔ! Maji kar sí síje dan babur’g mee ɓee gə́ Bet-Leapra’g.

1 Samel 4:12

Mee ndəa gə́ neelé ya dəw gə́ Bḛjami kára ḭ loo-rɔ’g aḭ pəd-pəd teḛ Silo, ndá kubuje ləa til hao̰-hao̰ ləm, kor wa dəa lururu ləm tɔ.