Ejekel 27:3 - Maktub gə́ To gə Kəmee

³ A kula ɓee gə́ Tir pana: Ǝi, i gə́ to ta baa-boo-kad’g, i gə́ seḭ gə koso-dəwje gə́ bula gə́ d’isi dɔgoré-looje’g toje njéndogo gə na̰ néje lé Mbaidɔmbaije gə́ Njesigənea̰ pa togə́bè pana: I ɓee gə́ Tir, i gə́ pana: I to maji péd-péd lé

Ejekel 27:3 ပူးပေါင်းရင်းမြစ်များ

Pakɔsje 50:2

Mee ɓee gə́ Sio̰ gə́ ndoolé keḭ-keḭ lé Rɔnduba lə Ala ndogó jol-jol keneŋ.

Pakɔsje 83:7

Deḛ gə́ d’isi mee kəi-kubuje’g lə Edɔmje, gə Ismaelje ləm, Gə Moabje, gə Hagareje ləm,

Gosota-Kəmkàrje 31:14

Yeḛ to asəna gə bato lə njérab-néje ləm, Yeḛ ḭ gə nésɔ ləa loo gə́ əw’g ɓa ree ne ləm tɔ.

Esai 23:11

Njesigənea̰ ula jia ndiŋ dɔ baa-boo-kad’g, Yeḛ ar ɓeeko̰je yə, Yeḛ un ndia mba kar kəi-kaar-kɔgərɔje gə́ Kana̰ tuji.

Ejekel 16:15

Nɛ i ɔm məəi dɔ ma̰də’g ləi ndá riɓar ləi ari ra ne kaiya. I ar njédəstarje lai taa kaiya raije ndá i ya̰ rɔi yag ar dee.

Ejekel 26:12

D’a kodo nébaoje ləi ləm, d’a kodo néndogoje ləi ləm, d’a təd ndògo-bɔrɔje ləi ləm, d’a tɔ kəije ləi gə́ maji péd-péd ləma, d’a kɔm kɔri-mbalje ləi gə kagje ləi gə nduji naŋgje ləi dan manje’g ləm tɔ.

Ejekel 26:17

Deḛ d’un pa no̰ ndooi d’ulai ne pana: Ɗi togə́bè wa! See gelee ban ɓa i tuji pugudu bèe wa. I gə́ njé gə́ d’aḭ gə́ yo gə́ nee dɔ baa-boo-kad’g ree d’isi rɔi’g ləm, I gə́ to ɓee-boo gə́ njeriɓar Gə́ njé gə́ d’isi keneŋ to dəwje gə́ njésiŋgamoŋje dɔ baa-boo-kad’g ləm tɔ. Ɓee neelé gə dəwje gə́ d’isi keneŋ Gə́ d’aw d’ɔm ɓəl dɔ dəwje gə́ gugu dɔ deḛ lai lé tuji pugudu.

Ejekel 27:4

Dɔ naŋg ləi to ŋgaw dan baa-boo-kadje’g, Njéraije lé rai d’ari maji péd-péd.

Loo gə́ killa rea kəm Ja̰’g 18:3

Mbata ginkoji dəwje gə raŋg lai d’ai oŋg-boo, yee ɓa gə́ mɔdkaiya ləa gə́ mbaije gə́ dɔ naŋg nee ra səa lé tɔ. Njételkəmlarje kara nébaoje lə dee ur dɔ maree’g gə́ kédé-kédé gə goo nébao lə kaiya-dené gə́ turu dɔ loo lé.