Ejekel 27:18 - Maktub gə́ To gə Kəmee

¹⁸ Njé gə́ Damas lé seḭ sə deeje toje njéndogo gə na̰ néje gə mbata boo-néje ləi gə́ bula ləm, gə mbata némajije lai gə́ i si danee’g bèdèg lé ləm tɔ. Deḛ to njé ree gə mán-nduú gə́ Helbo̰ ləm, gə bḭ badje gə́ ndá ləm tɔ.

Ejekel 27:18 ပူးပေါင်းရင်းမြစ်များ

Gḭ-Néje 14:15

Yeḛ gə njérɔje ləa lé deḛ kai na̰ gə kudu dee kudu dee gə mba rɔ gə njéba̰je lə dee lé loondul’g. Ndá yeḛ dum dee ləm, yeḛ kor dee saar teḛ Soba gə́ to par gə́ dɔgel lə ɓee gə́ Damas ləm tɔ.

Gḭ-Néje 15:2

Abram tel ilá keneŋ pana: Mbaidɔmbaije gə́ Njesigənea̰, see ɗi ɓa i a kam wa. Ma lé m’aw kari ba lal koji ŋgon. Njekwa-nénduba mee kəi’g ləm lé yeḛ ɓa to Eliéjer gə́ Damas.

Esai 7:8

Mbata ko̰ɓee gə́ Aram ɓa to Damas Ar Resin ɓa to mbai dɔ Damas tɔ. Nai as ləb rɔ-misa̰-giree-mi Ndá Eprayimje d’a tel to gə́ koso-dəwje el ŋga.

Jeremi 49:23

Ta gə́ wɔji dɔ njé gə́ Damas. Deḛ gə́ d’isi ɓee-booje Gə́ Amat gə Arpad lé D’isi gə rɔkul, Mbata deḛ d’oo sorta gə́ majel ndá Deḛ d’unda bala, To asəna gə baa-boo-kad Gə́ turu tuma̰-tuma̰ Gə́ askəm tel to ndiŋ el bèe.

Ejekel 27:19

Un kudee Ujal lé njé gə́ Bedan gə njé gə́ Jaban to njé ree gə néje gə́ d’ɔm loo-rab-néndogoje’g ləi, larndul gə́ ndiri pəd ləm, gə ŋgwɔi-kag gə́ ə̰də sululu ləma, gə mu kwaa gə́ ə̰də sululu ləm tɔ lé deḛ mbél ne səi néndogoje ləi.

Ejekel 27:33

Loo gə́ nérabje ləi d’ḭ dan baa-boo-kadje’g teḛ raga Ndá i ar meḛ boo-koso-dəwje ndan tub-tub ləm, Némajije ləi gə nérabje ləi gə́ taa rɔi pəl-pəl lé ɓa I ar mbaije gə́ dɔ naŋg nee Tel to ne baoje ləm tɔ.

Néra Njékaḭkulaje 9:2

Yeḛ aḭ haar aw rɔ ŋgɔ-njekinjanéməs’g dəjee maktub gə mba kaw ne kəi-kiŋga-na̰je’g gə́ to Damas, bèe ɓa ɓó lé yeḛ a kiŋga diŋgamje əsé denéje gə́ d’un rəw goo Mbaidɔmbaije’g ndá yeḛ a twa dee tɔ dee gə kúla kaw sə dee Jerusalem.