Ejekel 27:13 - Maktub gə́ To gə Kəmee

¹³ Njé gə́ Jaban, gə njé gə́ Tubal, gə njé gə́ Mesek lé seḭ sə deeje toje njéndogo gə na̰ néje. Deḛ to njé ree gə ɓərje, gə nékulaje gə́ ra gə larkas ree mbél ne səi néndogoje ləi.

Ejekel 27:13 ပူးပေါင်းရင်းမြစ်များ

Gḭ-Néje 10:2

Ri ŋgalə Japet ɓa nee: Gomer, Magɔg, Madai, Jaban, Tubal, Mesek gə Tiras.

Gḭ-Néje 10:4

Ri ŋgalə Jaban ɓa nee: Elisa, Tarsis, Kitim gə Dodanim.

1 Sôrta Gḭka-Israɛlje 1:5

Ri ŋgalə Japet ɓa nee: Gomer, Magɔg, Madai, Jaban, Tubal, Mesek gə Tiras.

1 Sôrta Gḭka-Israɛlje 1:7

Ŋgalə Jaban ɓa ri dee to nee: Elisa, gə Tarsisa, gə Kitim, gə Rodanim.

Pakɔsje 120:5

Kisi gə́ m’isi Mesek lé ləm, Gə kisi gə́ m’isi mbuna kəi-kubuje’g lə njé gə́ Kedar ləm tɔ lé Kəm to ne ndòo keneŋ yaa̰.

Esai 66:19

m’a kar nétɔji to mbuna dee’g ndá m’a kula njé’g lə dee gə́ nai lé rɔ ginkoji dəwje gə raŋg’g: deḛ gə́ to njérɔ-ɓandaŋgje lé d’a kaw Tarsis, gə Pul, gə Lud ləm, deḛ gə́ ta ləm oso mbi dee’g el saar ar dee d’oo rɔnduba ləm el ləm tɔ lé ndá d’a kaw Tubal, gə Jaban gə dɔgoré-looje gə́ to əw ləm tɔ, d’a kila mber rɔnduba ləm mbuna ginkoji dəwje gə raŋg’g.

Ejekel 27:12

Njé gə́ Tarsis lé seḭ sə deeje toje njéndogo gə na̰ néje mbata némajije lai gə́ i si danee’g bèdèg. Deḛ to njé ree gə larndaje, gə larndulje, gə kulumje, gə rɔmje d’unda dee loo-rab-néje’g ləi.

Ejekel 27:19

Un kudee Ujal lé njé gə́ Bedan gə njé gə́ Jaban to njé ree gə néje gə́ d’ɔm loo-rab-néndogoje’g ləi, larndul gə́ ndiri pəd ləm, gə ŋgwɔi-kag gə́ ə̰də sululu ləma, gə mu kwaa gə́ ə̰də sululu ləm tɔ lé deḛ mbél ne səi néndogoje ləi.

Ejekel 32:26

Lée nee ɓa mbaije gə́ Mesek, gə Tubal, gə njé’g lə deḛ gə́ bula digi-digi to keneŋ ar dɔɓarje lə deḛ gugu dɔ dee sub. Njétar-Alaje neelé d’wəi yoo-kiambas mbata deḛ to njékɔm ɓəl-boo mee ɓee’g lə njé gə́ d’isi kəmba lé.

Ejekel 39:1

I ŋgon-dəw lé maji kari tegginta wɔji ne dɔ Gɔg! A pana: Mbaidɔmbaije gə́ Njesigənea̰ pa togə́bè pana: Aa oo, i Gɔg, mbai gə́ njekaa dɔ dəb ɓeeko̰ gə́ Ros, gə Mesek, gə Tubal lé neḛ n’aw səi gə ta.

Loo gə́ killa rea kəm Daniel’g 10:20

Yeḛ dəjim pana: Ree gə́ ma m’ree rɔi’g lé see i gər ginee wa. Ɓasinè m’a gə tel kaw rɔ gə mbai gə́ Persə lé. Loo gə́ m’a kaw ndá aa oo, mbai lə Grekje a ree tɔ.

Loo gə́ killa rea kəm Daniel’g 11:2

Ɓasinè m’a gə kar kəmi inja dɔ kankəmta’g ya. Aa oo, mbaije gə́ Persə munda d’a kḭ taa tor na̰ munda ya ɓəi. Yeḛ gə́ njekɔm dee’g sɔ lé a mbo̰ nébaoje kar dee d’ur dɔ ka̰ dee-deḛ lai. Loo gə́ mbɔl dɔ nébaoje ləa lé siŋgá a to ne yaa̰ ndá yeḛ a sula deḛ lai kar dee d’ɔm səa na̰’d mba rɔ ne gə ɓeeko̰ lə Grekje.

Loo gə́ killa rea kəm Daniel’g 8:21

Bàl bya̰ lé wɔji dɔ mbai lə Grekje. Gajee gə́ boi gə́ uba mbuna kəmeeje’g lé yee ɓa wɔji dɔ mbai gə́ dɔtar.

Joɛl 3:3

M’a kar néje gə́ dumkoo teḛ mee dara’g gə dɔ naŋg’d nee Məs ləm, gə pər ləma, sa pər gə́ uba ŋgɔg-ŋgɔg ləm tɔ.

Loo gə́ killa rea kəm Ja̰’g 18:13

gə gobo ləm, gə kandə kamnaḭ gə́ ə̰də lel ləm, gə né gə́ ə̰də sululu ləm, gə timbá ləm, gə no̰ kag gə́ ə̰də sululu ləm, gə mán-nduú ləm, gə ubu ləm, gə nduji gə́ ndá léréré ləm, gə koje ləm, gə bɔ maŋgje ləm, gə badje ləm, gə kundaje ləm, gə pusuje ləma, gə ɓərje gə dəwje bura ləm tɔ.