Ejekel 26:8 - Maktub gə́ To gə Kəmee

⁸ Yeḛ a tɔl ŋganije gə́ dené gə kiambas dɔ naŋg’d ləi, yeḛ a ra kəi-kumje ləm, yeḛ a kuba dɔndalje ləma, yeḛ a kunda dərje mba rɔ ne səi ləm tɔ.

Ejekel 26:8 ပူးပေါင်းရင်းမြစ်များ

2 Samel 20:15

Deḛ d’aḭ dɔ Seba mee ɓee-boo gə́ Abel-Bet-Maaka sub gə rɔ ndá d’uba dɔndal d’aree ndəw asəna gə dɔ ndògo-bɔrɔ ɓa deḛ rɔ ne ɓee-boo neelé. Njérɔje lai gə́ d’aw gə Joab lé d’ɔs ndògo-bɔrɔ d’aree təd oso.

Jeremi 32:24

Aa oo, d’uba dɔndalje mba taa ne ɓee-boo lé. Ɓee-boo neelé a koso meḛ ji Kaldeje gə́ ree rɔ səa ndá d’a dum dee gə kiambas ləm, gə ɓoo-boo ləma, gə yoo-koso ləm tɔ. Ta gə́ i pa lé aw lée’g béréré ari oo ya.

Jeremi 52:4

X Ləb ko̰ɓee lə Sedesias gə́ njekɔm’g jinaikara mee ndɔ dɔg lə naḭ gə́ njekɔm’g dɔg lé Nebukadnesar, mbai gə́ Babilɔn aw gə njérɔje ləa aw mba k’aw rɔ ne gə Jerusalem. Deḛ d’wa loo-si dee no̰ ɓee’g ndá deḛ d’uba dɔndalje gugu ne dəa sub.

Jeremi 6:6

Mbata Njesigənea̰ gə́ njeboo-néje ɓa pa togə́bè pana: Tugaje kagje ləm, Ubaje dɔndalje ləm tɔ rɔje ne gə Jerusalem. To ɓee-boo gə́ kəm kar bo̰ nérea Ɔs təa’g ya, Mbata kula kəm loo ndòo ɓa O̰ ɓee keneŋ.

Ejekel 21:22

Neḛ kara n’a kunda ji neḛ tɔ, n’a kar boo-oŋg lə neḛ aw ne lée’g béréré, to neḛ Njesigənea̰ ɓa m’pata.

Ejekel 26:6

D’a tɔl ŋganeeje gə́ dené gə kiambas dɔ naŋg’d ləa. Bèe ɓa d’a gər ne to gə́ neḛ n’to Njesigənea̰ ya.

Ejekel 26:9

Yeḛ a tɔs ndògo-bɔrɔje ləi gə njor ləa ləm, yeḛ a tuga gadloo-kaar-kɔgərɔje ləi gə́ duu dɔ loo gə tinaje ləa ləm tɔ.

Habakuk 1:10

Deḛ d’ula sul dɔ mbaije’g ləm, D’oo dəwje gə́ boo lé gə́ nékogo ləm tɔ, Deḛ kogo dɔ kəi-kaar-kɔgərɔje’g lai lé D’oo gə́ né el ləm, Deḛ d’uba dɔndalje taa dee ne ləm tɔ,

Lugu 19:43

Mbata ndɔje gə́ njéba̰je ləi d’a teḛ dɔi’g kuru bwa gugu ne dɔi sub ləm, d’a gugu giri sub ləma, d’a kudu dɔi jigi-jigi ləm tɔ lé kàree a teḛ ndá d’a tujii pugudu gə ŋganije gə́ d’isi səi lé na̰’d.