Ejekel 26:7 - Maktub gə́ To gə Kəmee

⁷ Mbata Mbaidɔmbaije gə́ Njesigənea̰ pa togə́bè pana: Aa ooje, neḛ n’a kar Nebukadnesar, mbai gə́ Babilɔn gə́ to mbai gə́ ur dɔ mbaije’g lé ḭ par gə́ dɔgel mba kaw rɔ gə Tirje gə kundaje, gə pusu-rɔje, gə njékal kundaje, gə koso-dəwje gə́ bula digi-digi.

Ejekel 26:7 ပူးပေါင်းရင်းမြစ်များ

Esdras 7:12

Ma Artajerjɛs, mbai gə́ to mbai dɔ mbaije lé m’ndaŋg maktub nee m’ar Esdras gə́ to njekinjanéməs gə njendaji-maktub gə bao-gər-gin-godndu Ala gə́ si dara lé...

Esai 10:8

Mbata deḛ pana: See ɓé-njérɔje lə neḛje lé D’as gə mbaije el wa.

Jeremi 25:22

M’ar mbaije lai gə́ Tir ləma, gə mbaije lai gə́ Sido̰ ləm, gə mbaije lai gə́ d’isi dɔgoré-loo gə́ dəb baa-boo-kad’g nu ləm tɔ lé d’ai.

Jeremi 25:9

aa ooje, n’a gə kula kula ɓar koso-dəwje lai gə́ d’isi dɔgel ləm, n’a kula kula kar kura lə neḛ Nebukadnesar, mbai gə́ Babilɔn ləm tɔ. N’a karee ree rɔ gə ɓee nee gə dəw-mee-ɓeeje gə́ keneŋ ləm, gə ginkoji dəwje gə raŋg gə́ nee lai gə́ gugu dəa ləm tɔ mba tuji dee pugudu ləm, mba kar dee tel gə́ néno̰ ləm, gə nékula sul dɔ’g ləma, gə nétuji gə́ to gə no̰ ləm tɔ. Njesigənea̰ ɓa pa bèe.

Jeremi 4:13

Aa ooje, njetujiloo lé Si ree gə́ nee asəna gə mum, Pusu-rɔje ləa d’aiŋgwɔd To gə́ lel-mal bèe ləm, Gɔl kundaje ləa wɔilɔ pélé-pélé To gə́ niŋgatə̰də bèe ləm tɔ. Meeko̰ oso dɔ sí’g mbata jeḛ n’tuji ŋga!

Jeremi 4:7

Toboḭ ḭ loo-kum’g unda loo teḛ ləm, Njetuji ginkoji dəwje gə raŋg lé Uba loo-tée ya̰ Si njaa gə mba tuji ɓee lə sí, Ɓee-booje lə sí d’a tuji pugudu-pugudu ləm, Dəw kára kara a nai keneŋ el ləm tɔ.

Jeremi 52:32

Yeḛ ulá ta gə meemaji ləm, yeḛ ar kalimbai ləa ur dɔ ka̰ mbaije gə́ d’isi səa Babilɔn ləm tɔ.

Jeremi 6:23

Deḛ d’odo ɓandaŋgje Gə ko̰ niŋgaje ləm, Deḛ to njémeemajelje Ɓó d’oo kəmtondoo el ləma, Ndu dee ɓar asəna gə baa-boo-kad bèe ləm tɔ. Deḛ d’uba kundaje D’isi pèrèrè gə mba rɔ To gə́ dəw gə́ kára ba bèe, Mba rɔ sə sí-seḭ gə́ síje Sio̰!

Ejekel 17:14

gə mba kar ɓeeko̰ ula dəa aw ŋguna-ŋguna lal ti rəa ləm, gə mba karee aa ne dɔ manrɔ ləa ila ne koji dɔ’g ləm tɔ.

Ejekel 23:24

Deḛ d’a kɔr rɔ kaw rɔ səi gə nérɔje, gə pusu-rɔje, gə ŋgan pusuje ləm, gə koso-dəwje ləm tɔ, d’a kḭ gə looje ɓəd-ɓəd gə dərje gə́ boi-boi ləm, gə ŋgan dərje ləma, gə dɔgugu-rɔje ləm tɔ gə mba ree rɔ ne səi. N’a kɔm rəwta-gaŋg ji dee’g kar dee gaŋg rəwta dɔi’g gə goo godnduje lə dee.

Ejekel 26:3

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa oo, i ɓee gə́ Tir lé n’aw səi gə ta! N’a gə kar ginkoji dəwje gə raŋg gə́ bula digi-digi d’ḭ mba rɔ səi asəna gə baa-boo-kad gə́ ar paŋgəm manee ḭ ne bèe.

Ejekel 28:7

aa oo, n’a kɔm dəw-dɔ-ɓeeje gə́ to ɓəl kədm-kədm unda dəwje gə́ raŋg dɔi’g, deḛ d’a tɔr kiambas lə dee tuji ne maji kəmkàr ləi ləm, d’a tibi yiro dɔ maji péd-péd’g ləi ləm tɔ.

Loo gə́ killa rea kəm Daniel’g 2:37

Ǝi mbai, i nja to mbai gə́ ur dɔ mbaije lai mbata Ala gə́ njesi mee dara’g ari ɓeeko̰ ləm, gə siŋgamoŋ ləm, gə tɔgmbaŋ ləma, gə rɔnduba ləm tɔ.

Loo gə́ killa rea kəm Daniel’g 2:47

Mbai lé un ta ula Daniel pana: Tɔgərɔ ya, Ala lə sí to magə gə́ ur dɔ magəje lai ləm, yeḛ to Mbai gə́ ur dɔ mbaije ləm tɔ. Yeḛ to njeriba dɔ néje gə́ to loo-kiya’g mbata i nja ɓa riba dɔ né gə́ to loo-kiya’g neelé gə́ raga.

Ojee 8:10

Lée deḛ lèbè kəm ginkoji dəwje gə raŋg gə nékarje kara Ɓasinè m’a mbo̰ dee dɔ na̰’d. Waga ndá d’a si dan némeeko̰’g gin nékodo gə́ wɔi’g Gə́ mbai dɔ njékaa dɔ dəb ɓeeko̰je D’a gə kunda dɔ dee’g.