Ejekel 26:6 - Maktub gə́ To gə Kəmee

⁶ D’a tɔl ŋganeeje gə́ dené gə kiambas dɔ naŋg’d ləa. Bèe ɓa d’a gər ne to gə́ neḛ n’to Njesigənea̰ ya.

Ejekel 26:6 ပူးပေါင်းရင်းမြစ်များ

Jeremi 49:2

Gelee gə́ nee ɓa aa oo, Njesigənea̰ pana: Ndɔje gə́ a gə ree lé M’a kar kó-rɔ ɓar Dɔ Rabat’g lə Amo̰je, Yee a tel to kul-néje gə́ tuji ləm, Ɓee-booje gə́ wɔji dəa lé D’a roo dee dula-dula ləm tɔ, Yen ŋga Israɛlje d’a tɔb Deḛ gə́ tɔb dee kédé lé. Njesigənea̰ ɓa pa bèe.

Ejekel 16:46

Ŋgokɔḭ gə́ dené gə́ tɔg gə́ si dɔ jigeli’g lé to Samari gə ŋganeeje gə́ dené, tɔɓəi njegooi’d gə́ dené gə́ si dɔ jikɔli’g lé to Sɔdɔm gə ŋganeeje gə́ dené tɔ.

Ejekel 16:48

Neḛ n’to njesikəmba! Mbaidɔmbaije gə́ Njesigənea̰ ɓa pa bèe, Sɔdɔm, ŋgokɔḭ gə́ dené deḛ gə ŋganeeje gə́ dené lé ra né gə́ i seḭ gə ŋganije gə́ dené raje el.

Ejekel 16:53

N’a tel gə njé’g lə deḛ gə́ d’aw sə dee ɓee-ɓər’g ree sə dee, njé’g lə Sɔdɔm gə ka̰ ŋganeeje gə́ dené gə́ d’wa dee ɓər ləm, gə njé’g lə Samari gə ka̰ ŋganeeje gə́ dené gə́ d’wa dee ɓər ləma, gə njé’g ləi gə́ d’wa dee ɓər ləm tɔ,

Ejekel 25:11

N’a gaŋg rəwta dɔ Moabje’g ndá d’a gər to gə́ neḛ n’to Njesigənea̰ ya.

Ejekel 25:14

N’a dal ba̰ lə neḛ dɔ Edɔmje’g gə ji koso-dəwje lə neḛ gə́ Israɛl ndá d’a ra gə Edɔmje gə goo oŋg lə neḛ gə boo-oŋg lə neḛ, bèe ɓa d’a gər ne dalba̰ lə neḛ. Mbaidɔmbaije gə́ Njesigənea̰ ɓa pa bèe.

Ejekel 25:17

N’a dal ba̰je gə́ to ɓəl dɔ dee’g kar bo̰ néra dee ɔs ta dee’g gə goo boo-oŋg. Loo gə́ n’a dal ba̰ lə neḛ dɔ dee’g ndá d’a gər to gə́ neḛ n’to Njesigənea̰ ya.

Ejekel 25:5

N’a kar ɓee-boo gə́ Raba to loo-kaar-jambalje ləm, n’a kar ɓee lə Amo̰je to loo-to-badje ləm tɔ. Bèe ɓa seḭ a gərje ne to gə́ neḛ n’to Njesigənea̰.

Ejekel 25:7

aa ooje, n’a kula ji neḛ ndiŋ gə́ dɔ sí’g ləm, n’a kar sí tel toje nékwaje lə ginkoji dəwje gə raŋg ləm, n’a kar sí uduje bo̰ mbuna koso-dəwje’g ləm, n’a kar ri sí godo mbuna ɓeeje’g ləma, n’a tuji sí pugudu-pugudu ləm tɔ. Bèe ɓa seḭ a gərje ne to gə́ neḛ n’to Njesigənea̰.

Ejekel 26:8

Yeḛ a tɔl ŋganije gə́ dené gə kiambas dɔ naŋg’d ləi, yeḛ a ra kəi-kumje ləm, yeḛ a kuba dɔndalje ləma, yeḛ a kunda dərje mba rɔ ne səi ləm tɔ.