Ejekel 26:3 - Maktub gə́ To gə Kəmee

³ Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa oo, i ɓee gə́ Tir lé n’aw səi gə ta! N’a gə kar ginkoji dəwje gə raŋg gə́ bula digi-digi d’ḭ mba rɔ səi asəna gə baa-boo-kad gə́ ar paŋgəm manee ḭ ne bèe.

Ejekel 26:3 ပူးပေါင်းရင်းမြစ်များ

Pakɔsje 107:25

Yeḛ pata ar lel-boo ula Ar paŋgəm mán baa-boo-kad tuga ne poŋgm-poŋgm.

Esai 5:30

Mee ndəa’g neelé ndu a ɓar mbɔree’g koma̰ ne səa To gə́ ndi gə́ ree gə lel-boo dan baa-boo’g bèe, Loo gə́ dəw aa dɔ naŋg ndá A koo loo lai ndul njudu-njudu Kar néurti gə némeekundayel ɓa D’a taa tor na̰ Ndá mum gə́ ndul njudu-njudu ɓa A taa loo mee dara’g pəl-pəl ya.

Jeremi 21:13

Njesigənea̰ pana: Aa ooje, seḭ gə́ síje ɓee-boo Gə́ to kəm wəl-loo’g Dɔ kɔr mbal gə́ ndag-loo’g lé Neḛ n’aw sə sí gə ta. To seḭ gə́ pajena: See na̰ ɓa a ree koma̰ sə sí wa, See na̰ ɓa a kandə kaw mee loo-si sí’g wa.

Jeremi 25:22

M’ar mbaije lai gə́ Tir ləma, gə mbaije lai gə́ Sido̰ ləm, gə mbaije lai gə́ d’isi dɔgoré-loo gə́ dəb baa-boo-kad’g nu ləm tɔ lé d’ai.

Jeremi 50:31

Aa oo, i gə́ njebeelé lé m’aw səi gə ta! Mbata ndɔ ləi teḛ mba̰, To kàr kar bo̰ nérai ɔs tai’g, Mbaidɔmbaije gə́ Njesigənea̰ Le bao-rɔje ɓa pa bèe.

Jeremi 50:42

Deḛ d’odo ɓandaŋgje Gə ŋgan niŋgaje, Deḛ to njémeemajelje ləm, D’oo kəmtondoo el ləm tɔ. Deḛ tuba kundaje, Deḛ d’isi pèrèrè gə mba rɔ To gə́ dəw gə́ kára ba bèe, D’a gə rɔ sə sí-seḭ gə́ Babilɔn Gə́ toje asəna gə ŋgoma̰də!

Jeremi 51:42

Baa-boo-kad ḭ turu dɔ Babilɔn Ar paŋgəm manee Gə́ turu tuma̰-tuma̰ lé turu dəa pubug.

Jeremi 6:23

Deḛ d’odo ɓandaŋgje Gə ko̰ niŋgaje ləm, Deḛ to njémeemajelje Ɓó d’oo kəmtondoo el ləma, Ndu dee ɓar asəna gə baa-boo-kad bèe ləm tɔ. Deḛ d’uba kundaje D’isi pèrèrè gə mba rɔ To gə́ dəw gə́ kára ba bèe, Mba rɔ sə sí-seḭ gə́ síje Sio̰!

Ejekel 21:3

M’a kula kag-kɔr gə́ dɔkɔl pana: Maji kari oo ta lə Njesigənea̰! Mbaidɔmbaije gə́ Njesigənea̰ pa togə́bè pana: N’a gə kila pər dɔi’g ndá a roo kagje lai gə́ to təb gə kagje lai gə́ tudu tɔ. Kṵji pər gə́ teḛ bilim-bilim lé a kwəi nda̰ el ləm, kəm dee-deḛ lai gə́ dɔkɔl saar teḛ dɔgel lé a nəd kurum-kurum ləm tɔ.

Ejekel 26:19

Mbata Mbaidɔmbaije gə́ Njesigənea̰ pa togə́bè pana: Loo gə́ n’a kari to ɓee-boo gə́ to nduba piu-piu asəna gə ɓee-booje gə́ dəwje godo keneŋ bèe lé, loo gə́ n’a kar ɓul mán ḭ turu dɔi kar manje gə́ boo-boo d’a turu dɔi yal-yal ndá

Ejekel 27:26

Njélel batoje ləi d’ari nun dɔ boo-manje’g, Lel ḭ bər tədi njigi-njigi ŋgaw dan baa-boo-kadje’g.

Ejekel 28:22

A pana: Mbaidɔmbaije gə́ Njesigənea̰ pa togə́bè pana: I ɓee gə́ Sido̰ lé aa oo, neḛ n’aw səi gə ta! D’a kula rɔnduba dɔ neḛ’g mee ɓee’g ləi ndá d’a gər to gə́ neḛ n’to Njesigənea̰ loo gə́ n’a gaŋg rəw-taje lə neḛ dɔi’g ləm, loo gə́ n’a riba dɔ meenda lə neḛ mee ɓee’g neelé ləm tɔ.

Ejekel 29:10

Gelee gə́ nee ɓa aa oo, neḛ n’aw səi-i gə baa-boo ləi gə ta tɔɓəi n’a kar ɓee gə́ Ejiptə tel to dɔdilaloo gə́ wa ŋgɔ njag-njag un kudee Migdɔl saar teḛ Sienə ləm, gə saar teḛ rəw-nimje gə́ Etiopi ləm tɔ.

Ejekel 38:3

I a pana: Mbaidɔmbaije gə́ Njesigənea̰ pa togə́bè pana: Aa oo, i Gɔg, mbai gə́ njekaa dɔ dəb ɓeeko̰je gə́ Ros, gə Mesek, gə Tubal lé n’aw səi gə ta.

Ejekel 5:8

ndá yee gə́ bèe ɓa Mbaidɔmbaije gə́ Njesigənea̰ pa ne ta togə́bè pana: Aa ooje, neḛ n’aw sə sí gə ta tɔɓəi n’a gə gaŋgta dɔ sí’g kəm ginkoji dəwje gə raŋg’g.

Misee 4:11

Ɓasinè lé ginkoji dəwje gə raŋg Mbo̰ na̰ gə mba rɔ sə sí mba̰. Deḛ pana: Maji kar dee d’ula sul dɔ sí’g ləm, Maji kar kəm neḛje oo tuji lə Jerusalem ləm tɔ!

Nahum 2:12

Ɓee-boo gə́ to asəna gə loo-to toboḭ to ra wa, Gə loo-sɔ-né lə ŋgan toboḭje ləma, Gə loo gə́ toboḭ, gə ko̰ toboḭ, gə ŋganeeje d’aw keneŋ Gə́ ar dəw kára kara gə́ njekar dee ɓəl godo ləm tɔ lé See to ra wa.

Nahum 3:5

Njesigənea̰ gə́ njeboo-néje lé pana: Aa ooje, neḛ n’aw sə sí gə ta. N’a tusu kubuje lə sí rɔ sí’g saar teḛ ne kəm sí gə́ tar ləm, N’a kar ginkoji dəwje gə raŋg d’oo meembaa sí ləma, N’a kar ɓeeko̰je d’oo rɔkul lə sí ləm tɔ.

Jakari 14:2

Ma mbo̰ ginkoji dəwje gə raŋg lai Gə mba kar dee rɔ gə Jerusalem, D’a taa ɓee-boo ləm, d’a buu mee kəije buu-buu ləm, D’a kur dɔ denéje’g ləm tɔ, Ges dəwje gə́ mee ɓee-boo’g lé D’a kaw ɓər, Nɛ ges koso-dəwje gə́ nai lé D’a tuji deḛ lai mee ɓee-boo’g el.

Jakari 9:4

Aa ooje, Mbaidɔmbaije a dum dɔ dee ləm, A ɓugu siŋgamoŋ lə dee dan baa-boo’g ləma, A roo ɓee lé dula-dula ləm tɔ.

Lugu 21:25

Néje a teḛ dan kəm kàr’g ləm, gə dan kəm naḭ’g ləma, gə dan kéréméje’g ləm tɔ. Dɔ naŋg neelé néɓəŋgərəti a ra ginkoji dəwje gə raŋg loo gə́ baa-boo gə paŋgəm mán d’a no̰ mbiao̰-mbiao̰ ndá deḛ lé d’a gər né gə́ kəm ra lé el.