Ejekel 26:17 - Maktub gə́ To gə Kəmee

¹⁷ Deḛ d’un pa no̰ ndooi d’ulai ne pana: Ɗi togə́bè wa! See gelee ban ɓa i tuji pugudu bèe wa. I gə́ njé gə́ d’aḭ gə́ yo gə́ nee dɔ baa-boo-kad’g ree d’isi rɔi’g ləm, I gə́ to ɓee-boo gə́ njeriɓar Gə́ njé gə́ d’isi keneŋ to dəwje gə́ njésiŋgamoŋje dɔ baa-boo-kad’g ləm tɔ. Ɓee neelé gə dəwje gə́ d’isi keneŋ Gə́ d’aw d’ɔm ɓəl dɔ dəwje gə́ gugu dɔ deḛ lai lé tuji pugudu.

Ejekel 26:17 ပူးပေါင်းရင်းမြစ်များ

2 Samel 1:19

Ai seḭ Israɛlje, njésiŋgamoŋje lə sí ya to naŋg dɔdərloo’g tereŋ kən! Ŋga bao-rɔje yḛ̀ d’ɔm dee naŋg to gə́ ban wa.

Esai 14:12

Ǝi, i lé ya ḭ dara oso wa I gə́ to kérèmé gə́ ndɔḭ wər-wər ləm, Gə ŋgolə duji-lookàr ləm tɔ! I lé d’undai d’ilai naŋg, I gə́ kédé to njedum dɔ ginkoji dəwje gə raŋg’g lé ya wa!

Esai 23:4

I ɓee-boo gə́ Sido̰, maji kar rɔkul dəb dɔi’g I gə́ to siŋgamoŋ lə baa-boo-kad! Mbata baa-boo-kad lé pa togə́bè pana: Ndóo ram el ləm, M’oji ŋgon el ləm tɔ, M’odo ŋganje gə́ diŋgam ləm M’ar njé gə́ dené tɔg el ləm tɔ.

Esai 23:8

Ɓee gə́ Tir lé to njekai dəwje dɔguguje ləm, Njérab-néndogoje ləa to dəwje gə́ boo ləma, Njékaw gə́ loo-looje mba rab néndogo ləa To gə́ baoje gə́ d’ur dɔ baoje dɔ naŋg nee lai ləm tɔ. Ŋga see na̰ ɓa wɔji-kwɔji kar tuji Oso dɔ ɓee’g neelé wa.

Jeremi 48:39

See tuji gə́ ban ɓa bèe wa. Maji kar sí tuma̰je ŋgururu-ŋgururu! See tel gə́ Moabje tel gir dee d’ila gə rɔkul bèe lé gelee ban wa. Moab lé tel to nékula sul dɔ’g ləm, gə néɓəl ləm tɔ kəm deḛ lai gə́ gugu dəa sub lé.

Jeremi 50:23

Deḛ guree rug-rug ləm, D’iree njigi-njigi ləm tɔ! Babilɔn lé tuji pugudu Mbuna ginkoji dəwje gə raŋg’g!

Jeremi 6:26

Seḭ koso-dəwje ləm, Ulaje kubu-kwa-ndòo rɔ sí’g Rogoje ne babur’g, Waje ne ndòo to gə́ dəw Gə́ wa ne ndòo ŋgon kára bèe ləm, No̰je gə mán kəm sí’g Siije ne mbigi-mbigi ləm tɔ, Mbata njetujiloo a gə kuba sí naŋg bus.

Jeremi 7:29

Maji kar sí ndisaje yiŋga dɔ sí Gə́ ŋgal pɔ-pɔ ɔmje əw ləm, Ubaje dɔ looje gə́ ndəw, Ɔsje pa no̰ ndòo ləm tɔ. Mbata Njesigənea̰ mbad Ginkoji dəwje gə́ d’ɔs gin oŋg-boo ləa lé ila dee əw.

Jeremi 9:20

Mbata yoo andə kəmbolè kəije’g lə sí ləm, Yee andə mee kəi-mbaije’g lə sí ləm tɔ, Yee tɔl ŋganje mba̰-rəwje’g ləm, Yee tɔl basaje ndaa-looje’g ləm tɔ.

Nɔ̰-ndôo gə́ wɔji dɔ Jerusalem 1:1

Ɗi togə́bè wa. Ɓee-boo gə́ kédé dəwje taa loo keneŋ pəl-pəl lé Tel to dɔ nduba wa. Yee tel to asəna gə njekəisiŋga bèe! Kédé yee ur dɔ ɓeeje lə ginkoji dəwje gə raŋg lai ləm, Ria ɓar yaa̰ mbuna ɓeeko̰je’g lai ləm tɔ Nɛ yee tel to asəna gə njera kula kari ba ŋga!

Ejekel 19:1

Ma lé maji kam m’ɔr ndum gə́ tar m’ɔs pa no̰ ndòo mbaije gə́ njékaa dɔ dəb ɓeeko̰je gə́ Israɛl

Ejekel 19:14

Pər ḭ barkəmeeje’g Roo ka̰dee dula-dula, Barkəmeeje gə́ siŋ na̰’d siŋ-siŋ Gə mba tel to kag-mbai lə mbaije lé godo. Yee nee ɓa to pa no̰ ndòo ndá Yee ɓa d’a no̰ ne ndòo ya.

Ejekel 32:16

Yee ɓa to pa no̰ ndòo gə́ d’a kɔs, ŋgalə ginkoji dəwje gə raŋg gə́ dené d’a kɔs pa no̰ ndòo neelé. D’a karee wɔji ne dɔ Ejiptə gə dɔ njé’g ləa gə́ bula digi-digi lé. Mbaidɔmbaije gə́ Njesigənea̰ ɓa pa bèe.

Ejekel 32:2

I ŋgon-dəw lé, un pa no̰ ndòo Parao̰, mbai gə́ Ejiptə! A kulá pana: I lé to tana gə ŋgon toboḭ mbuna ginkoji dəwje gə raŋg’g, I to tana gə mar dan baa-boo-kadje’g ləm, I al uru dan mán baa’g ləi ləm, I bugulu manje gə gɔlije ləma, I tuga paŋgəm maneje puguju-puguju ləm tɔ.

Ejekel 32:23

Dɔɓar dee to godə loo’g naŋg kɔrɔg ndá koso-njérɔje ləa gə́ bula digi-digi lé kara dɔɓar dee aḭ dəa sub tɔ. Deḛ lai d’wəi yoo-kiambas ya. Deḛ gə́ to njékɔm ɓəl-boo mee ɓee’g lə njé gə́ d’isi kəmba lé.

Ejekel 32:27

Njé gə́ tɔl dee mbuna njépole-magəje’g lé to na̰’d gə bao-rɔje el, deḛ d’aw loo-si njé gə́ d’wəi’g gə nérɔje lə dee na̰’d ləm, deḛ gəd dɔ dee gə kiambasje lə dee ləma, ta néra kori-korije lə dee wa dɔ sḭgarɔ deeje. Mbata deḛ to néɓəl-boo gə́ njeboo-néje mee ɓee’g lə njé gə́ d’isi kəmba lé.

Joɛl 1:18

Nékulje d’ula hè-hè ləm, Maŋg-kosoje d’ila mbir-mbir ləm tɔ Mbata mu sɔ dee godo. Badə-kosoje kara kəm dee to ndòo yaa̰ tɔ.

Abdias 1:5

Ɓó lé njéɓogoje əsé gayim-ɓogoje ree kəi ləi loondul’g ndá D’a tujii pugudu! Nɛ see d’a kodo néje karee as dee ɓa el wa. Ɓó lé njétḭja nduúje ree rɔi’g ndá See yee gə́ ka̰ ɓuru ba ya ɓa d’a kya̰ el wa.

Misee 2:4

Mee ndəaje’g neelé d’a pata gə goso taji sí ne ləm, D’a kɔr ndu dee gə́ tar wəl no̰ ne sii ne mbigi-mbigi ləm tɔ. D’a pana: Jeḛ lai n’tujije pugudu ya! Yeḛ kai né lə koso-dəwje lə neḛ ar njé gə́ raŋg! Ɗi togə́bè wa. Yeḛ ɔr né neelé ji neḛ’g. Yeḛ kai loo-ndɔje lə sí ar njeba̰ lé.

Soponi 2:15

Aa ooje, yee ɓa gə́ ɓee-boo gə́ dəwje gə́ keneŋ d’isi dan rɔlel’g Nda ne meḛ dee kaḭ dɔ rɔ dee’g Ra né meḛ dee’g pana: Neḛ ya ɓó né gə́ raŋg godo, to neḛ ya! Ɗi togə́bè wa. Yee tuji pugudu ŋga. Yee tel to loo-to daje gə́ wala! Deḛ lai gə́ dəs mbɔree’g lé D’a kur kɔl piu jeŋ ne ji dee.

Jujé 19:29

Gée gə́ gogo yee tel par gə́ Rama saar teḛ ɓee-boo lə Tir gə́ siŋgá to ləm, par gə́ Hosa ləm tɔ mba kunda ŋgaŋgee baa-boo-kad’g par gə́ dɔ naŋg Akjib’g.