Ejekel 26:16 - Maktub gə́ To gə Kəmee

¹⁶ Ŋgan-mbaije lai gə́ njékaa dɔ dəb ɓeeko̰je gə́ d’isi ta baa-boo-kad’g lé d’ḭ dɔ kalimbaije’g lə dee d’ur naŋg. Deḛ tɔr kubuje lə dee gə́ boi yul-yul rɔ dee’g ləm, deḛ tɔr kubuje lə dee gə́ d’ɔs ndaji ta’g ləm tɔ. Deḛ ɓiri rɔ dee gə ɓəl ndá rəm d’isi naŋg. Ɓəl-boo dəb dɔ dee’g gə mee kàrje lai ləm, ɓəl unda dee badə gaŋg dee mbata né gə́ yeḛ aree teḛ dɔi’g ləm tɔ.

Ejekel 26:16 ပူးပေါင်းရင်းမြစ်များ

Maktub gə́ wɔji dɔ Jɔb 8:22

Njéba̰je ləi d’a si gə rɔkul ləm, Njémeeyèrje d’a sané kad-kad ləm tɔ.

Pakɔsje 109:18

Maji kar ndɔl wa dəa to gə́ kubu gə́ dəw dolè ne rəa bèe ləm, Maji karee andə mée’g to gə́ mán ləma, To gə́ ubu andə ne mee sḭgareaje’g bèe ləm tɔ.

Pakɔsje 109:29

Maji kar kəm sɔḭ wa kəm njékoma̰ səmje Asəna gə kubu bèe ləm, Maji kar dee dolè rɔ dee gə rɔkul Asəna gə kubu gə́ ŋgal yududu bèe ləm tɔ!

Pakɔsje 132:18

N’a kar rɔkul dəb dɔ njéba̰je’g ləa rigim ləm tɔ, Nɛ dəa-yeḛ lé dɔgugu ləa a ndogó keneŋ kɔr jol-jol.

Pakɔsje 35:26

Maji kar deḛ lai gə́ d’al rɔ dee dɔ nékəmndoo’g ləm lé Nai gə rɔkul ya! Maji kar deḛ gə́ d’ḭ səm kara Rɔkul-boo dəb dɔ dee’g bigim to!

Teḛ-Raga 15:15

Mbaije gə́ Edɔm ndəb pəd-pəd, Bao-rɔje gə́ Moab d’unda bala tigi-tigi, Njé gə́ Kana̰ lai lé rɔ dee wəi sululu.

Esai 3:26

Denéje d’a no̰ kwa ne ndòo yoo tarəwkɔgje gə́ Sio̰, Némajije d’a godo rɔ dee’g ndá d’a si naŋg kari ba.

Esai 41:5

Deḛ gə́ d’isi dɔgoré-looje’g d’ée Ndá d’isi ne dan ɓəl’g ləm, Deḛ gə́ d’isi gwɔi naŋg’d kara D’unda bala ləm tɔ, Deḛ rəm pər ree nee ya.

Esai 47:1

Gə́ rəm si naŋg dan babur’g I ɓee gə́ Babilɔn Gə́ kédé to asəna gə ŋgoma̰də bèe! Gə́ rəm si dɔ naŋg’d lal kalimbai, I ɓee gə́ Kalde Gə́ to asəna gə ŋgon dené lé tɔ. D’a kooi asəna gə ŋgoma̰də Gə́ ma̰də yaa̰ gə njekərkəmloo el ŋga.

Esai 52:2

Ḭje tar kundaje kor rɔ sí’g! Ḭje tar síje dɔ loo-si sí’g, Seḭ gə́ Jerusalem! Tuduje kúla gə́ to gwɔs sí’g, Seḭ ŋgalə Sio̰ gə́ toje ɓərje lé!

Jeremi 48:39

See tuji gə́ ban ɓa bèe wa. Maji kar sí tuma̰je ŋgururu-ŋgururu! See tel gə́ Moabje tel gir dee d’ila gə rɔkul bèe lé gelee ban wa. Moab lé tel to nékula sul dɔ’g ləm, gə néɓəl ləm tɔ kəm deḛ lai gə́ gugu dəa sub lé.

Nɔ̰-ndôo gə́ wɔji dɔ Jerusalem 2:10

Ŋgatɔgje lə ŋgoma̰də gə́ Sio̰ lé D’isi dɔ mundu, Deḛ tuga kor d’ɔm dɔ dee’g ləm, Deḛ d’ula kubu-kwa-ndòo ɓa rɔ dee’g ləm tɔ, Ŋgama̰dje gə́ Jerusalem lai lé D’ula dɔ dee naŋg.

Ejekel 16:10

Neḛ n’ari ula kubuje gə́ d’ɔs ndaji ta’g ləm, n’ula négɔl ndar gə́ ndər gɔli’g ləm tɔ, tɔɓəi neḛ n’tɔ ɓəri gə ta-kubu gə́ d’ṵji gə kúla palégal ləm, n’ila kubu gə́ bḭ-maji dɔi’g ləm tɔ.

Ejekel 26:21

N’a kari tel to né gə́ kari ba ndá i a godo. D’a sa̰gi nɛ d’a kiŋgai gogo el ya saar gə no̰, Mbaidɔmbaije gə́ Njesigənea̰ ɓa pa bèe.

Ejekel 28:17

I beelé məəi’g mbata maji péd-péd ləi ləm, ndubarɔ ləi lé ari tuji ne kəmkàr ləi ləm tɔ, neḛ n’ɔsi n’ilai naŋg n’ari tel to né mbo̰ kəm dɔ’g lə mbaije ya.

Ejekel 31:15

Mbaidɔmbaije gə́ Njesigənea̰ pa togə́bè pana: ndɔ gə́ yeḛ aw loo-si njé gə́ d’wəi’g lé neḛ n’ar kwa-ndòo-yoo taa loo pəl-pəl ləm, neḛ n’aḭ ŋgaŋ ɓul mán gə mbata ləa ləma, n’ɔg ne baaje loo kula ləm tɔ. Manje gə́ boo-boo rəm d’aar naŋg ləm neḛ n’ar Liba̰ si dan meeko̰’g gə mbata ləa ləma, kagje lai gə́ mee wala’g tudu kurum-kurum ləm tɔ.

Ejekel 32:10

N’a kar koso-dəwje bula d’wa dɔ dee jiim mbata ləi ləm, ɓəl-boo a kunda mbaije lə dee badə gaŋg dee mbata ləi ləm tɔ loo gə́ n’a tɔji dee kiambas lə neḛ, gə kàrje lai lé deḛ d’a kunda bala tigi-tigi keneŋ mbata kəmə lə dee, nana kara a kunda bala mbata kəmə ləa-ləa ndɔ tuji’g ləi.

Ejekel 7:27

Mbai wa ndòo yoo ləm, Ɓəl unda mbai gə́ njekaa dɔ dəb ɓeeko̰ badə gaŋgee ləma, Ji koso-dəw-mee-ɓeeje unda bala tigi-tigi ləm tɔ. N’a ra sə dee gə goo rəw-kaw deeje ləm, N’a gaŋgta dɔ dee’g gə goo néra deeje ləm tɔ, Yee ɓa d’a gər ne to gə́ neḛ n’to Njesigənea̰ ya.

Ejekel 7:8

Ɓasinè nai lam bèe n’a gə kila boo-oŋg lə neḛ dɔ sí’g ləm, n’a kar oŋg lə neḛ aw lée’g béréré dɔ sí’g ləm tɔ, n’a gaŋgta dɔ sí’g gə goo rəw-kawje lə sí ləm, n’a kar ta néra síje lai gə́ mina̰ lé wa dɔ sí ləm tɔ!

Loo gə́ killa rea kəm Daniel’g 5:6

Yen ŋga mbai lé kəmee tel to ɓəd ləm, takə̰jije ləa ar mée tila ŋgaḭla-ŋgaḭla ləm tɔ. Bəgərəje tɔr ar kəjeje d’unda bala pad-pad.

Ojee 11:10

D’a njaa goo Njesigənea̰’d Gə́ ndia ɓar to gə́ ndu no̰ lə toboḭ bèe lé, Mbata ndia a ɓar wəl ndá Ŋganeeje d’a kḭ kel tura-baa-boo’d gə́ nu kaḭ ree ne.

Junas 3:6

Ta neelé aw saar oso mbi mbai gə́ Ninibə’g pad ndá yeḛ ḭ dɔ kalimbai’g ləa, ɔr kubu ləa gə́ boi yul lé rəa’g ya̰ ula kubu-kwa-ndòo rəa’g rəm si ne dan bu’g gə kəmndoo.

Ajee 2:22

N’a tɔs kalimbai ɓeeko̰je tila ləm, n’a tuji siŋgamoŋ lə ɓeeko̰je lə ginkoji dəwje gə raŋg ləm, n’a tɔs pusu-rɔje gə dee gə́ d’isi dɔ’g tila dee ləma, kundaje gə njékaw rɔ gə kundaje lé d’a tɔl na̰ ləm tɔ.

1 Piɛrə 5:5

Seḭ basaje kara osoje kul no̰ ŋgatɔgje’g lə sí. Seḭ lai lé ulaje dɔ sí arje na̰, mbata Ala lé ɔs njébeeleje rəw, Nɛ yeḛ wa noji gə njekula dɔ deeje.

Loo gə́ killa rea kəm Ja̰’g 18:9

Mbaije gə́ dɔ naŋg nee lai gə́ ndal səa mɔdkaiya ləm, d’uru səa na̰’d dan némajije gə́ d’al dɔ loo sula ləm tɔ lé d’a no̰ gə mán-no̰ kəm dee’g sii ne mbigi-mbigi mbata ləa loo gə́ d’a koo sa pər gə́ rée lé.