Ejekel 26:14 - Maktub gə́ To gə Kəmee

¹⁴ N’a kari to asəna gə mbal gə́ to kari péd-péd bèe, i a tel to loo-naji-buraje, d’a tel rai gogo el ŋga. Mbata neḛ Njesigənea̰ nja m’pata, Mbaidɔmbaije gə́ Njesigənea̰ ɓa pa bèe.

Ejekel 26:14 ပူးပေါင်းရင်းမြစ်များ

Maktub gə́ wɔji dɔ Jɔb 12:14

Né gə́ yeḛ tuji lé dəw askəm tel gɔl gogo el, Dəw gə́ yeḛ udee kəi kara njekɔree godo tɔ.

Maktub gə́ wɔji dɔ Jɔb 40:8

See i a tuji rəwta-gaŋg ləm wa. See i a kila ta dɔm’g ɓa mba kɔr ne ta dɔi’g wa.

Esai 14:27

Né gə́ Njesigənea̰ gə́ njeboo-néje wɔji njaŋg lé See na̰ ɓa a kɔgee wa. Jia gə́ yeḛ tɔji lé See na̰ ɓa a kwa tel ne wa.

Esai 23:12

Yeḛ pana: Seḭ a raje rɔlel pai godo, Seḭ njéɓeeje gə́ Sido̰ gə́ d’ila rɔkul dɔ sí’g! Ḭje ta awje ɓee gə́ Kitim! Lée neelé kara seḭ a kiŋgaje loo-kwa-rɔ sí keneŋ el tɔ.

Ejekel 21:32

Né gə́ tuji, né gə́ tuji, n’a kar Jerusalem tel to né gə́ tuji! Nɛ néje neelé a teḛ el ya saar kar dəw gə́ ta sariya wɔji dəa lé a ree ndá n’a kɔm ta sariya dəa’g.

Ejekel 22:14

See seḭ a kwaje meḛ sí kɔgərɔ ləm, a karje ji sí ɓar mèr-mèr ləm tɔ mee ndɔje gə́ n’a gə ra sə sí né lé ya wa. Neḛ Njesigənea̰ ɓa m’pata ndá n’a ra née ya.

Ejekel 26:12

D’a kodo nébaoje ləi ləm, d’a kodo néndogoje ləi ləm, d’a təd ndògo-bɔrɔje ləi ləm, d’a tɔ kəije ləi gə́ maji péd-péd ləma, d’a kɔm kɔri-mbalje ləi gə kagje ləi gə nduji naŋgje ləi dan manje’g ləm tɔ.

Ejekel 30:12

N’a kar kəm-rəw-manje tudu kurum-kurum ləm, n’a kila ɓee meḛ ji njémeeyèrje’g ləm tɔ, n’a kar ji dəw-dɔ-ɓeeje tuji ɓee gə néje gə́ to keneŋ pugudu-pugudu. Neḛ Njesigənea̰ ɓa m’pa bèe.

Ejekel 47:10

Njékɔs-ka̰jije d’a kaar dɔ koŋgeeje’g, d’a naji buraje un kudee En-Gedi saar teḛ En-Eglayim, ka̰jije gə́ gə gel dee gel dee d’a to keneŋ asəna gə ka̰jije gə́ to baa-boo-kad gə́ boi bèe ndá d’a bula digi-digi.

Ejekel 5:13

Bèe ɓa n’a kar oŋg lə neḛ aw lée’g béréré ləm, n’a dal ne ba̰ gə boo-oŋg lə neḛ dɔ dee’d gə́ kédé-kédé ləma, n’a kar mee neḛ oso ne naŋg po̰ ləm tɔ. Yee ɓa d’a gər ne to gə́ neḛ Njesigənea̰ m’pata dan oŋg’d lə neḛ loo gə́ neḛ n’ɔm boo-oŋg lə neḛ dɔ dee’g ya.

Ejekel 5:15

Ɓee lé a to néboo-rɔkul, gə nékunda kogo ləm, a to nékwa kwɔji ne maree gə néɓəl ləm tɔ mbata ginkoji dəwje gə raŋg gə́ gugu dəa sub lé loo gə́ n’a gaŋg rəw-taje lə neḛ dəa’g gə oŋg ləm, gə boo-oŋg ləma, gə nékwɔji kəmkàrje gə́ kəbərə-kəbərə ləm tɔ. Neḛ Njesigənea̰ nja ɓa m’pata nee ya.

Ejekel 5:17

N’a kula gə ɓoo-boo gə daje gə́ majel dɔ sí’g kar dee tuji ŋgan síje kya̰ sí kari ba, yoo-koso gə kɔm məs d’a dəs mbuna sí’g, n’a kila rɔ dɔ sí’g tɔ. To neḛ Njesigənea̰ ɓa m’pata nee ya.

Malasi 1:4

Ɓó lé Edɔmje pana: Jeḛ lé ɓeeje lə sí tuji mba̰ nɛ j’a tel gɔl dee gogo ɓəi. Ndá Njesigənea̰ gə́ njeboo-néje lé pa togə́bè pana: Ɓó lé deḛ tel gɔl kara m’a kunda naŋg rab-rab ya. Ndá d’a ɓar dee dɔ naŋg gə́ némeeyèrje taa loo keneŋ pəl-pəl ləm, gə koso-dəwje gə́ mee Njesigənea̰ ḭ səa pu dɔ dee’g gə no̰ ləm tɔ.

Bula lə Israɛlje 23:19

Ala to dəw ɓa a pa taŋgɔm el ləm, Yeḛ to ŋgolə dəw ɓa a pata tel ne ndia el ləm tɔ. Ta gə́ yeḛ pa lé see yeḛ a ra née el wa. Né gə́ yeḛ wɔji njaŋg lé see yeḛ a ra karee ɔr njal el wa.

Matiyo 24:35

Dara gə naŋg nee d’a dəs wuduru gə lèlé ba nɛ ta ləm a kudu nda̰ bèe el.

Tel tura Godndu 13:16

Yen ŋga seḭ a tɔlje deḛ gə́ d’isi ɓee-boo’g neelé gə kiambas ləm, a tujije ɓee neelé gə néje lai gə́ to keneŋ pugudu ləma, seḭ a tɔlje nékulje lai gə kiambas ya ləm tɔ.