Ejekel 26:12 - Maktub gə́ To gə Kəmee

¹² D’a kodo nébaoje ləi ləm, d’a kodo néndogoje ləi ləm, d’a təd ndògo-bɔrɔje ləi ləm, d’a tɔ kəije ləi gə́ maji péd-péd ləma, d’a kɔm kɔri-mbalje ləi gə kagje ləi gə nduji naŋgje ləi dan manje’g ləm tɔ.

Ejekel 26:12 ပူးပေါင်းရင်းမြစ်များ

2 Sôrta Gḭka Israɛlje 32:27

Ejekias iŋga nébaoje gə rɔnduba yaa̰. Yeḛ ra kəi-nébaoje gə́ wɔji dɔ larnda, gə larlɔr, gə jərje gə́ gad dee to yaa̰, gə néje gə́ ə̰də sululu, gə dərje, gə néje lai gə́ gad dee to yaa̰.

2 Sôrta Gḭka Israɛlje 36:10

Ləb gə́ gogo ndá mbai Nebukadnesar wá ləm, yeḛ odo nékulaje gə́ gad dee to yaa̰ gə́ to mee kəi’g lə Njesigənea̰ ləm tɔ lé aw ne Babilɔn.

Esai 23:11

Njesigənea̰ ula jia ndiŋ dɔ baa-boo-kad’g, Yeḛ ar ɓeeko̰je yə, Yeḛ un ndia mba kar kəi-kaar-kɔgərɔje gə́ Kana̰ tuji.

Esai 23:8

Ɓee gə́ Tir lé to njekai dəwje dɔguguje ləm, Njérab-néndogoje ləa to dəwje gə́ boo ləma, Njékaw gə́ loo-looje mba rab néndogo ləa To gə́ baoje gə́ d’ur dɔ baoje dɔ naŋg nee lai ləm tɔ. Ŋga see na̰ ɓa wɔji-kwɔji kar tuji Oso dɔ ɓee’g neelé wa.

Esai 32:12

Deḛ kunda kaar dee no̰ ne Loo gə́ meḛ dee olé dɔ loo-ndɔje gə́ kédé gə́ maji yaa̰ ləm, Gə ndɔ-nduúje gə́ andə njim-njim kédé ləm,

Jeremi 25:34

Seḭ njékul dəwje, Ɔrje ndu sí gə́ tar no̰je ne! Seḭ njékɔrno̰ koso-dəwje, Rogoje dan buu’g! Mbata ndɔje gə́ ka̰ kar dee Gaŋ gwɔb sí teḛ mba̰. N’a tɔ sí pɔs-pɔs asəna gə jo-gɔr bèe.

Jeremi 52:14

Njérɔje gə́ Kalde lai gə́ d’aw gə mbai dɔ njéŋgəmlooje lé təd ndògo-bɔrɔ gə́ gugu dɔ Jerusalem lé kərm-kərm.

Ejekel 26:5

Yee a tel to loo-naji-buraje, mbata neḛ nja m’pata, Mbaidɔmbaije gə́ Njesigənea̰ ɓa pa bèe. Yee a tel to nékwa lə ginkoji dəwje gə raŋg ya.

Ejekel 28:8

D’a kɔsi kalaŋ kilai mee bwa’g ndá i a kwəi to gə́ deḛ gə́ tɔs dee pib-pib tɔl dee d’ɔm dee dan baa-boo-kadje’g bèe.

Loo gə́ killa rea kəm Daniel’g 11:8

Yeḛ a kodo magəje lə dee ləm, gə néndajije lə dee gə́ léḛ gə larndul ləma, gə némajije lə dee gə́ ra gə larnda gə larlɔr ləm tɔ ndá a kaw ne sə dee Ejiptə gə́ nébanrɔ. Tɔɓəi mee ləbje gə́ na̰je yeḛ a si əw gə mbai gə́ dɔgel lé.

Ojee 13:15

Lée nékiŋgaje lə Eprayimje to yaa̰ mbuna ŋgako̰ deeje’g kara Lel gə́ a kḭ bər lé a kula dɔ dee’g ləm, Lel lə Njesigənea̰ a kḭ dɔdilaloo’g kula ləm tɔ Ndá kəm-rəw-manje lə dee d’a tudu kurum-kurum ləm, Manje lə dee gə́ d’aḭ kuji-kuji kara d’a kyi tə-tə ləma, Kəi-nébaoje gə́ néje gə́ to ŋgonkəm dee to keneŋ lé D’a kunda deḛ lai gə́ nébanrɔ kaw ne ləm tɔ.

Amɔs 5:11

Bèe ndá to gə́ seḭ tubaje njéndooje naŋg ləm, Seḭ waje koje lə dee taaje ləma, Seḭ undaje kəije gə mbalje gə́ tɔl dee ləm tɔ Nɛ seḭ a síje keneŋ el, Seḭ waje ndɔ-nduúje gə́ maji yaa̰ Nɛ seḭ a kaije mán dee el tɔ.

Nahum 2:9

Ninibə lé kédé to asəna gə duu-mán gə́ mán aar keneŋ bèe Nɛ aa oo, manje d’yi tə-tə. Deḛ pana: Aarje naŋg, aarje naŋg! ... Nɛ dəw kára kara ɔm rəd el.

Jakari 7:14

Neḛ n’sané dee mbuna ginkoji dəwje gə raŋg’d Gə́ deḛ gər dee el ləm, Ɓee lə dee tel to dɔnduba tor dee’g Ar dəw kára kara dəs keneŋ aw Esé tel keneŋ el ləm tɔ. Ɓee gə́ maji dum lé deḛ d’aree tel to dɔdilaloo ya.