Ejekel 26:10 - Maktub gə́ To gə Kəmee

¹⁰ Kundaje ləa gə́ bula digi-digi lé d’a tur koor dɔi’g ləm, kaa gɔl njékalkṵdaje gə́ ɓar ləm, gə gɔl pusuje ləma, gə pusu-rɔje ləm tɔ lé a kar ndògo-bɔrɔje ləi lé yə loo gə́ yeḛ a kandə gə tarəwkɔgje ləi to gə́ d’andə ne mee ɓee-boo gə́ dum dəa gə rɔ bèe.

Ejekel 26:10 ပူးပေါင်းရင်းမြစ်များ

Jeremi 39:3

Yen ŋga deḛ lai gə́ to ŋgan-mbaije lə mbai gə́ Babilɔn lé d’aw kəm dee gə́ kédé d’aw d’isi tarəwkɔg’d gə́ ria lə Dana-bab lé. Deḛ lé ri dee ɓa nee: Nergal-Sareser ləm, Samgar-Nebu ləm, gə Sarsekim, mbai dɔ njékaa dɔ néje ləm, gə Nergal-Sareser, mbai dɔ bao-gosɔnégərje ləma, gə ŋgan-mbaije gə́ raŋg lai gə́ to ŋgan-mbaije lə mbai gə́ Babilɔn ləm tɔ.

Jeremi 4:13

Aa ooje, njetujiloo lé Si ree gə́ nee asəna gə mum, Pusu-rɔje ləa d’aiŋgwɔd To gə́ lel-mal bèe ləm, Gɔl kundaje ləa wɔilɔ pélé-pélé To gə́ niŋgatə̰də bèe ləm tɔ. Meeko̰ oso dɔ sí’g mbata jeḛ n’tuji ŋga!

Jeremi 47:3

Mbata kaa ŋgo gɔl kundaje ləa Gə́ siŋga dee to kɔgərɔ-kɔgərɔ Gə́ ɓar ləm, Gə mbata gir pusu-rɔje ləa Gə gir gɔl pusu-rɔje gə́ ɓar ləm tɔ, Ndá bɔ ŋganje d’ɔm rəd Gə́ dɔ ŋgan deeje’g el Mbata ji dee unda ndolé.

Ejekel 23:24

Deḛ d’a kɔr rɔ kaw rɔ səi gə nérɔje, gə pusu-rɔje, gə ŋgan pusuje ləm, gə koso-dəwje ləm tɔ, d’a kḭ gə looje ɓəd-ɓəd gə dərje gə́ boi-boi ləm, gə ŋgan dərje ləma, gə dɔgugu-rɔje ləm tɔ gə mba ree rɔ ne səi. N’a kɔm rəwta-gaŋg ji dee’g kar dee gaŋg rəwta dɔi’g gə goo godnduje lə dee.

Ejekel 26:15

Mbaidɔmbaije gə́ Njesigənea̰ pata togə́bè ar ɓee gə́ Tir pana: Kaa koso ləi gə́ ɓar loo gə́ yoo-dəwje to naŋg rib-rib mee ɓee’g lé a kar deḛ gə́ d’isi dɔgoré-looje’g lé ndəb-ndəb pəd-pəd.

Ejekel 26:7

Mbata Mbaidɔmbaije gə́ Njesigənea̰ pa togə́bè pana: Aa ooje, neḛ n’a kar Nebukadnesar, mbai gə́ Babilɔn gə́ to mbai gə́ ur dɔ mbaije’g lé ḭ par gə́ dɔgel mba kaw rɔ gə Tirje gə kundaje, gə pusu-rɔje, gə njékal kundaje, gə koso-dəwje gə́ bula digi-digi.

Ejekel 26:9

Yeḛ a tɔs ndògo-bɔrɔje ləi gə njor ləa ləm, yeḛ a tuga gadloo-kaar-kɔgərɔje ləi gə́ duu dɔ loo gə tinaje ləa ləm tɔ.

Ejekel 27:28

Loo gə́ ndu no̰ lə njékwa ŋgaw-batoje ləi ɓar ndá Naŋgəra gə́ to ta baa-boo-kadje’g Gə́ gugu dɔi lé unda bala.

Jujé 6:20

Yen ŋga koso-dəwje lé d’ɔm lul rɔ u-u-u ləm, njékinjanéməsje kara d’im to̰to̰ ləm tɔ. Loo gə́ koso-dəwje d’oo ndu to̰to̰ gə́ ɓar ndá deḛ d’ɔm lul rɔ u-u-u gə ndu dee gə́ boi ndá ndògo-bɔrɔ lé təd unda naŋg rib, koso-dəwje lé nana kara andə aw mee ɓee’g dəa gə́ kédé njoroŋ. Deḛ taa ɓee-boo neelé tɔ.

Jujé 6:5

Tɔɓəi loo gə́ d’a kim to̰to̰ gaji badə karee ɓar ləm, loo gə́ seḭ a kooje ndu to̰to̰ gə́ ɓar lé ləm tɔ ndá koso-dəwje lai d’a kɔr ndu dee gə́ tar kɔm lul rɔ u-u-u. Togə́bè ɓa ndògo-bɔrɔ gə́ gugu gir ɓee neelé a kunda naŋg rib ndá koso-dəwje lé nana kara a kandə mee ɓee’g dəa gə́ kédé njoroŋ.