Ejekel 26:1 - Maktub gə́ To gə Kəmee

¹ Ndɔ naḭ gə́ dɔtar mee ləb gə́ njekɔm’g dɔg-giree-kára lé Njesigənea̰ ulam ta gə rɔtaje nee pana:

Ejekel 26:1 ပူးပေါင်းရင်းမြစ်များ

Jeremi 39:2

Ndɔ jinaikara mee naḭ gə́ njekɔm’g sɔ mee ləb ko̰ɓee’g lə Sedesias gə́ njekɔm’g dɔg-giree-kára lé ndá deḛ mbudu kəm ndògo-bɔrɔ gə́ mee ɓee-boo’g.

Ejekel 1:2

Loo gə́ naḭ ra ndɔ mi lé, ləbee neelé to ləb gə́ njekɔm’g mi gə́ d’aw ne gə mbai Jojakḭ ɓee-ɓər’g lé ndá,

Ejekel 20:1

Ndɔ dɔg lə naḭ gə́ njekɔm’g mi mee ləb gə́ njekɔm’g siri’g lé ŋgatɔgje lə Israɛlje gə́ na̰je ree mba dəji Njesigənea̰ ta ndá d’isi naŋg nɔm’g.

Ejekel 25:17

N’a dal ba̰je gə́ to ɓəl dɔ dee’g kar bo̰ néra dee ɔs ta dee’g gə goo boo-oŋg. Loo gə́ n’a dal ba̰ lə neḛ dɔ dee’g ndá d’a gər to gə́ neḛ n’to Njesigənea̰ ya.

Ejekel 26:2

I ŋgon-dəw lé to gə́ Tirje pata dɔ Jerusalem’g pana: Bèe ya ɓa! Bèe ya ɓa lé, ɓee gə́ to tarəwkəi lə koso-dəwje lé təd ar dəwje tel kəm dee gə́ dɔ síjeḛ’g. Yee ɓa j’a kar néje taa rɔ síjeḛ pəl-pəl mbata yee lé to dɔ nduba!

Ejekel 27:27

Nékiŋgaje ləi, gə loo-rab-néndogoje ləi, gə nérabje, Gə njérakula mee batoje’g ləi, gə njékwa ŋgabeeje ləi, Gə njégɔl kəm batoje ləi, Gə njérakula rab néje ləi, Gə njérɔje ləi lai gə́ d’isi mee ɓee’g ləi, Gə koso-dəwje lai gə́ bula digi-digi gə́ d’isi mee ɓee’g ləi lé D’wəi ŋgaw dan baa-boo-kadje’g ndɔ tuji’g ləi.

Ejekel 28:1

Njesigənea̰ ulam ta gə rɔtaje nee pana:

Ejekel 29:1

Mee ləb gə́ njekɔm’g dɔg lé naḭ gə́ njekɔm’g dɔg ra ndɔ dɔg-giree-joo ndá Njesigənea̰ ulam ta gə rɔtaje nee pana:

Ejekel 29:17

Mee ləb gə́ njekɔm’g rɔ-joo-giree-siri lé to ndɔ kára mee naḭ gə́ dɔtar lé ndá Njesigənea̰ ulam ta gə rɔtaje nee pana:

Ejekel 30:20

Ndɔ gə́ njekɔm’g siri mee naḭ gə́ dɔtar mee ləb gə́ njekɔm’g dɔg-giree-kára lé Njesigənea̰ ulam ta gə rɔtaje nee pana:

Ejekel 8:1

Mee ləb gə́ njekɔm’g misa̰ lé naḭ gə́ njekɔm’g misa̰ ra ndɔ mi loo gə́ ma m’isi mee kəi’g ləm ləm, ŋgatɔgje gə́ Juda d’isi nɔm’g ləm tɔ ndá Mbaidɔmbaije gə́ Njesigənea̰ ila jia dɔm’g.

Ojee 9:13

Loo gə́ m’un kəm m’oo loo gə́ əw par gə́ Tir ndá M’oo Eprayimje gə́ d’isi loo gə́ maji dum’g, Nɛ Eprayimje d’a kaw gə ŋgan deeje par gə́ rɔ njetɔl dee’g.

Amɔs 1:9

Njesigənea̰ ɓa pa togə́bè pana: Gə mbata kaiya ra Tirje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ d’ɔm koso-dəwje bula ji Edɔmje’d gə́ ɓərje Lal kar meḛ dee olé dɔ manrɔ’g lə ŋgako̰ deeje Gə́ deḛ man ne rɔ dee d’ar dee lé.

Jakari 9:2

Ta neelé wɔji dɔ Amat Gə́ to rəw-nim-ɓee gə́ Damas ləma, Gə dɔ Tir gə Sido̰ Gə́ gosɔkəmkàr lə dee to yaa̰ lé ləm tɔ.