Ejekel 24:9 - Maktub gə́ To gə Kəmee

⁹ Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Meeko̰ a koso dɔ ɓee gə́ njekilaməs’g! Neḛ kara n’a ra loo-roo-dəwje gə́ boo.

Ejekel 24:9 ပူးပေါင်းရင်းမြစ်များ

Esai 30:33

Un kudee ləw ba lé Deḛ gɔl loo-roo-dəwje, Deḛ gɔlee d’wɔji ne dɔ mbai gə́ Asiri, D’aree ur ləm, gə tad ləm tɔ, Loo-roo-dəwje neelé pər gə kagje taa loo keneŋ pəl-pəl, Kila kəmə pugudu lə Njesigənea̰ mbudu pər o̰ To gə́ kṵji pər gə́ kas gə́ teḛ bilim-bilim bèe.

Esai 31:9

Yeḛ gə́ to dɔ mbal lə dee a kaḭ gə kəm ɓəl ləm, Mbaije lə dee d’a kunda bala no̰ nétɔji’g ləm tɔ, Njesigənea̰ gə́ pər ləa to Sio̰’g ləm, Gə bwa-bṵda ləa to Jerusalem’g ləm tɔ lé ɓa pa bèe.

Ejekel 21:2

Ma ŋgon-dəw lé maji kam m’tel kəm gə́ dɔkɔl m’pata m’ila dɔ loo gə́ dɔkɔl’g! M’tegginta m’ila dɔ dəwje gə́ d’isi mee kag-kɔr gə́ to par gə́ dɔkɔl!

Ejekel 21:3

M’a kula kag-kɔr gə́ dɔkɔl pana: Maji kari oo ta lə Njesigənea̰! Mbaidɔmbaije gə́ Njesigənea̰ pa togə́bè pana: N’a gə kila pər dɔi’g ndá a roo kagje lai gə́ to təb gə kagje lai gə́ tudu tɔ. Kṵji pər gə́ teḛ bilim-bilim lé a kwəi nda̰ el ləm, kəm dee-deḛ lai gə́ dɔkɔl saar teḛ dɔgel lé a nəd kurum-kurum ləm tɔ.

Ejekel 22:2

I ŋgon-dəw lé see i a gaŋgta wa. See i a gaŋgta dɔ ɓee-boo gə́ njékilaməsje d’isi keneŋ lé wa. Maji kari ar dee gər néra deeje lai gə́ mina̰ lé ɓa.

Ejekel 22:31

Yen ŋga n’a kɔm boo-oŋg lə neḛ dɔ dee’g ləm, n’a roo dee dula-dula gə pər oŋg lə neḛ ləma, n’a kar ta néra deeje tel wa dɔ dee ləm tɔ. Mbaidɔmbaije gə́ Njesigənea̰ ɓa pa bèe.

Ejekel 24:10

Tuga kir dɔ na̰’d ula pər keneŋ Ndiri ne da lé maji ləm, Dusu kad keneŋ ləma, Ar siŋgaje iri yɔm-yɔm ləm tɔ.

Ejekel 24:5

Mbər ŋgon nékul gə́ maji wa, Tɔɓəi tɔs kag gel jo’g, Aree ndiri ɓugu-ɓugu Ar siŋgaje gə́ mee jo’g lé kara iri yɔm-yɔm.

Ejekel 24:6

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Meeko̰ a koso dɔ ɓee-boo gə́ njekilaməs’g! Yee to asəna gə jo-lar gə́ wɔməs gə́ ɔr el lé bèe! Odo kɔr daje gə́ keneŋ lé kára-kára gə goo na̰ goo na̰ Ɓó ɔr kəm dee el.

Nahum 3:1

Meeko̰ a koso dɔ ɓee-boo gə́ njékila məsje d’isi keneŋ ləm, Gə njétaŋgɔmje gə njéra né kərm-kərmje taa loo keneŋ pəl-pəl ləma, Gə deḛ gə́ d’ya̰ goo gayim lə dee el ləm tɔ.

Habakuk 2:12

Meeko̰ a koso dɔ yeḛ gə́ unda gin ɓee gə məs ləm, Gə tum gin ɓee-boo gə néra gə́ kori-kori ləm tɔ!

2 Njé gə́ Tesalonikə 1:8

Yeḛ a teḛ dan ndo̰ pər gə́ o̰ bilim-bilim mba kar deḛ gə́ gər Ala el ləm, gə deḛ gə́ taa tagə́maji lə Mbaidɔmbaije lə sí Jeju Kristi el ləm tɔ lé bea̰ a kɔs ta dee’g bɔsɔrɔ.

Jude 1:7

Tɔɓəi Sɔdɔm gə Gɔmɔr gə ɓeeje gə́ gugu dɔ deḛ gə́ d’ula rɔ dee dan kaiya’g d’ar mal néje gə́ mina̰ ula pər meḛ dee’g lé deḛje neelé bo̰ néra dee ɔs ta dee’g dan pər gə́ o̰ bilim-bilim gə́ to gə no̰. Ala unda dee no̰ sí’g unda rɔ dee ar sí j’oo, wɔji ne pia gə́ a gə ra sə sí lé ya tɔ kən.

Loo gə́ killa rea kəm Ja̰’g 14:20

Deḛ mbula kandə nduú neelé gaŋg ɓee-boo’g raga ndá məs ɓa ula yaa̰, wa ta kundaje loo-tɔ-kḛgəlé’g mbiriri saar ar kuruloo tɔl-dɔg gə dəa tɔl-misa̰.

Loo gə́ killa rea kəm Ja̰’g 16:19

Ɓee-boo lé kai rəa loo munda tɔɓəi ɓee-booje lə ginkoji dəwje gə raŋg tuji tɔ ndá mee Ala olé dɔ Babilɔn’g, ɓee-boo lé mba kar dee d’ai mán-nduú oŋg-boo ləa gə́ to mee ŋgo-kai-mán’g lé kar dee d’ai sɔd.

Loo gə́ killa rea kəm Ja̰’g 16:6

Mbata deḛ tɔl njémeendaje gə njéteggintaje ndá ɓasinè i ar dee d’ai məs dee. Deḛ nai keneŋ ho̰d ya.

Loo gə́ killa rea kəm Ja̰’g 21:8

Nɛ njérəmje ləm, gə njépole-magəje ləm, gə ram-dəwje ləm, gə njetɔl dəwje ləm, gə njémɔdkaiyaje ləm, gə njékərgosoje ləm, gə njépole-magəje ləma, gə njéŋgɔmje lai ləm tɔ lé deḛ nja d’a kiŋga loo lə dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé yee ɓa to gə́ yoo gə́ joo lé ya.