Ejekel 24:8 - Maktub gə́ To gə Kəmee

⁸ Gə mba tɔji dee boo-oŋg lə neḛ ləm, Gə mba dal ne ba̰ lə neḛ ləm tɔ lé N’ɔm məs dee dɔ mbal gə́ raga ndəgəsə Gə mba kar né on dəa el.

Ejekel 24:8 ပူးပေါင်းရင်းမြစ်များ

2 Mbaije 22:17

Mbata deḛ d’uba nee d’ya̰ neḛ ləm, deḛ roo néje gə́ ə̰də sululu d’ar magəje ləm tɔ gə mba kar oŋg ḭ ne sə neḛ mbata néje lai gə́ deḛ ra gə ji dee lé, yee ɓa oŋg lə neḛ gə́ to asəna gə pər gə́ a kwəi nda̰ el bèe lé to dɔ looje’g neelé gə mbəa.

2 Mbaije 24:4

gə məs deḛ gə́ ta kára kara wa dɔ dee el gə́ Manasə ɔm naŋg aree taa Jerusalem pəl-pəl lé ləm tɔ. Togə́bè ɓa Njesigənea̰ ndigi kar mée oso lemsé dɔ dee’g el ŋga.

2 Sôrta Gḭka Israɛlje 34:25

Mbata deḛ d’ubam d’ya̰m d’aw tuu néje gə́ ə̰də sululu d’ar magəje, d’ar oŋg ḭ ne səm pu dɔ néje lai gə́ deḛ ra dee gə ji dee lé ndá oŋg ləm gə́ m’ɔm dɔ loo’g neelé a kwəi nda̰ el.

Esai 26:21

Mbata aa ooje, Njesigənea̰ ḭ loo-siée’g unda loo teḛ Mba gaŋgta dɔ dəwje gə́ dɔ naŋg nee Gə́ to njéra né kori-korije. Bèe ɓa naŋg a kinja gə məs gə́ ɔm dəa’g gə́ raga Ɓó yee a lɔm dɔ deḛ gə́ tɔl dee lé el ŋga.

Jeremi 7:18

Ŋganje d’odo kir ləm, bɔ deeje yel ne pər ləma, denéje loḭ nduji ləm tɔ gə mba ra ne mbə kar magə gə́ ɓaree mbai gə́ dené gə́ pən dara’g ləm, gə mba kun ne nékarje gə́ ka̰ tər naŋg kar magəje gə́ raŋg ləm tɔ gə mba kar məəm ḭ ne səm pu wa.

Jeremi 7:20

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa ooje, m’a kar oŋg ləm gə oŋg-boo ləm taa loo gə́ neelé yal-yal. A kɔm dɔ dəwje’g, gə dɔ daje’g, gə dɔ kagje gə́ mee ndɔje’g, gə dɔ kandə néje gə́ naŋg nee tɔ, oŋg neelé a ko̰ to gə́ pər bèe ndá a kwəi nda̰ el.

Ejekel 22:4

Ta wa dɔi mbata njé’g ləi d’ila məs ləm, d’ar rɔ dee mina̰ gə magəje gə́ deḛ ra dee ləm tɔ. Nérai gə́ togə́bè ar ndɔje ləi tel nai ne gwɔji. Gelee gə́ nee ɓa neḛ n’teli ne gə́ néboo-rɔkul lə ginkoji dəwje gə raŋg ləm, gə nékula sul dɔ’g lə ɓeeje lai ləm tɔ.

Ejekel 23:45

Nɛ diŋgamje gə́ njéra né gə́ gə dɔ najee lé d’a gaŋgta dɔ dee’g to gə́ gaŋg ne ta dɔ denéje gə́ njémɔdkaiyaje’g ləm, to gə́ deḛ gaŋgta dɔ deḛ gə́ njékilaməsje’g ləm tɔ, mbata deḛ to denéje gə́ njémɔdkaiyaje ləm, məs wa ji dee mbəgə-mbəgə ləm tɔ.

Ejekel 5:13

Bèe ɓa n’a kar oŋg lə neḛ aw lée’g béréré ləm, n’a dal ne ba̰ gə boo-oŋg lə neḛ dɔ dee’d gə́ kédé-kédé ləma, n’a kar mee neḛ oso ne naŋg po̰ ləm tɔ. Yee ɓa d’a gər ne to gə́ neḛ Njesigənea̰ m’pata dan oŋg’d lə neḛ loo gə́ neḛ n’ɔm boo-oŋg lə neḛ dɔ dee’g ya.

Soponi 1:17

N’a kɔm dəwje dan néɓəŋgərətije’g ləm, N’a kar dee njaa asəna gə njékəmtɔje bèe ləm tɔ Mbata deḛ ra kaiya d’ɔs ne ta lə Njesigənea̰ rəw, N’a saga məs dee naŋg to gə́ babur bèe ləm, N’a kɔm dakasrɔ dee dɔ ɓiri-ɓisi’g ləm tɔ.

Matiyo 7:2

Mbata ta gə́ seḭ gaŋgje lé nja tɔ d’a gaŋg ne ta dɔ sí’g ləm, nékwɔji né gə́ seḭ wɔjije ne né lé nja tɔ d’a kwɔji ne né kar sí tɔ.

1 Njé gə́ Kɔrḭtə 4:5

Togə́bè ɓa maji kar sí gaŋgje ta dɔ mar síje’g kédé el. Ŋginaje saar ndɔ ree lə Mbaidɔmbaije, yeḛ gə́ a riba dɔ néje lai gə́ loondul dəb dɔ’g bigim lé ləm, a kila takə̰ji lə dəwje kɔd-kɔd gə́ raga ləm tɔ. Ndəa neelé nana kara a kiŋga pidi gə́ goso dəa gə́ a kḭ rɔ Ala’g ya.

Loo gə́ killa rea kəm Ja̰’g 18:16

ndá d’a pana: Nékɔb gə́ ban ɓa to ɓəl bèe wa! Nékɔb gə́ ban ɓa to ɓəl bèe wa! Ɓee-boo gə́ garee godo gə́ d’ula kubu gə́ d’ṵji gə kúla palégal gə kubu gə́ ndul piro-piro gə kubu gə́ kas njir-njir rəa’g ləm, gə́ ɗɔi rəa gə́ larlɔr ləm, gə jərje gə́ gad dee to yaa̰ ləma, gə mərkwɔji ləm tɔ. Mee kàree gə́ kára ba ya nébaoje gə́ tur dɔ loo lé tuji keneŋ pugudu.