Ejekel 24:7 - Maktub gə́ To gə Kəmee

⁷ Mbata məs gə́ deḛ d’ila lé To mee ɓee’g, Deḛ d’ɔm məs lé dɔ mbal gə́ raga ndəgəsə Ɓó d’ɔm dɔ naŋg’d ɓa D’a daa babur dɔ’g el.

Ejekel 24:7 ပူးပေါင်းရင်းမြစ်များ

1 Mbaije 21:19

I a kulá pana: Njesigənea̰ pa togə́bè pana: See i to njetɔl-dəw gə njeɓogo el wa. Tɔɓəi i a kulá pana: Njesigənea̰ pa togə́bè pana: Loo gə́ bisije to̰ məs Nabot keneŋ lé ya, bisije d’a to̰ məsi-i keneŋ togə́bè tɔ.

Maktub gə́ wɔji dɔ Jɔb 16:18

Ǝi naŋg, maji kari ɔn dɔ məsm el ləm, Maji kar ndu no̰ ləm ɔr njal ləm tɔ.

Esai 26:21

Mbata aa ooje, Njesigənea̰ ḭ loo-siée’g unda loo teḛ Mba gaŋgta dɔ dəwje gə́ dɔ naŋg nee Gə́ to njéra né kori-korije. Bèe ɓa naŋg a kinja gə məs gə́ ɔm dəa’g gə́ raga Ɓó yee a lɔm dɔ deḛ gə́ tɔl dee lé el ŋga.

Esai 3:9

Kəm dee-deḛ ya ɔr ta ila dɔ dee’g ləm, Néra majelje lə dee lé d’ila mberee wəl-wəl To gə́ ka̰ njé gə́ Sɔdɔm Ɓó d’iya dəa el ləm tɔ. Meeko̰ a koso dɔ dee’g Mbata deḛ d’wa dɔ gɔl néje gə́ majel Gə́ a gə tel koso dɔ dee-deḛ’g ya.

Jeremi 2:34

Saar kar ta kubuje lə sí gə́ rɔ sí’g ya Məs dəwje gə́ kari ba gə́ ta wa dɔ dee el lé Wa keneŋ mbəgə-mbəgə Ɓó to məs deḛ gə́ seḭ teḛje Dɔ dee’g wai loo-saŋg-denéje’g lé el.

Jeremi 6:15

D’a si gə rɔkul Mbata deḛ ra né gə́ mina̰, Rɔkul ra dee el ləm, sɔḭ wa kəm dee el ləm tɔ, Gelee gə́ nee ɓa d’a koso na̰’d Gə deḛ gə́ d’oso lé ləm, M’a tɔs dee tila dee Loo gə́ m’a kar bo̰ néra dee ɔs ta dee’g ləm tɔ, Njesigənea̰ ɓa pa bèe.

Ejekel 22:4

Ta wa dɔi mbata njé’g ləi d’ila məs ləm, d’ar rɔ dee mina̰ gə magəje gə́ deḛ ra dee ləm tɔ. Nérai gə́ togə́bè ar ndɔje ləi tel nai ne gwɔji. Gelee gə́ nee ɓa neḛ n’teli ne gə́ néboo-rɔkul lə ginkoji dəwje gə raŋg ləm, gə nékula sul dɔ’g lə ɓeeje lai ləm tɔ.

Ejekel 23:45

Nɛ diŋgamje gə́ njéra né gə́ gə dɔ najee lé d’a gaŋgta dɔ dee’g to gə́ gaŋg ne ta dɔ denéje gə́ njémɔdkaiyaje’g ləm, to gə́ deḛ gaŋgta dɔ deḛ gə́ njékilaməsje’g ləm tɔ, mbata deḛ to denéje gə́ njémɔdkaiyaje ləm, məs wa ji dee mbəgə-mbəgə ləm tɔ.

Ləbije 17:13

Ɓó lé dəw kára mbuna Israɛlje’g əsé mbuna dəw-dɔ-ɓeeje gə́ d’isi dan dee’g kara gə́ aw ndo̰ ɓa wa da əsé yel gə́ kəm sɔ ndá yeḛ a kɔm məsee naŋg ləm, a daa naŋg dɔ’g ləm tɔ.

Soponi 1:17

N’a kɔm dəwje dan néɓəŋgərətije’g ləm, N’a kar dee njaa asəna gə njékəmtɔje bèe ləm tɔ Mbata deḛ ra kaiya d’ɔs ne ta lə Njesigənea̰ rəw, N’a saga məs dee naŋg to gə́ babur bèe ləm, N’a kɔm dakasrɔ dee dɔ ɓiri-ɓisi’g ləm tɔ.

Tel tura Godndu 12:16

Nɛ né kára ba lé seḭ a sɔje məs el: seḭ a kɔmeje naŋg to gə́ mán bèe ya.

Tel tura Godndu 12:24

Seḭ a sɔje məsee el: seḭ a kɔmeje naŋg to gə́ mán bèe.