Ejekel 24:6 - Maktub gə́ To gə Kəmee

⁶ Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Meeko̰ a koso dɔ ɓee-boo gə́ njekilaməs’g! Yee to asəna gə jo-lar gə́ wɔməs gə́ ɔr el lé bèe! Odo kɔr daje gə́ keneŋ lé kára-kára gə goo na̰ goo na̰ Ɓó ɔr kəm dee el.

Ejekel 24:6 ပူးပေါင်းရင်းမြစ်များ

2 Samel 8:2

Yeḛ dum dɔ Moabje ndá yeḛ ar dee to naŋg ɓa yeḛ wɔji dee gə kúla. Yeḛ wɔji dee-deḛ gə́ loo joo mba kar dee d’wəi ləm, deḛ gə́ loo kára lé yee wɔji mba kya̰ dee kəmba ləm tɔ. Togə́bè ɓa Moabje d’ula ne dɔ dee gel Dabid’g ləm, deḛ d’uga ne dɔ rɔ dee d’aree ləm tɔ.

2 Mbaije 21:16

Tɔɓəi Manasə ɔm məs dəwje bula gə́ ta wa dɔ dee el lé naŋg saar ar məs taa loo mee Jerusalem’g pəl-pəl, lal tura ne goo kaiyaje gə́ yeḛ ɔs Judaje ar dee ra ne né gə́ majel kəm Njesigənea̰’g lé tɔ.

2 Mbaije 24:3

Né neelé teḛ togə́bè gə goo ndukun lə Njesigənea̰ ya kára ba, mbata yeḛ ndigi kɔs Judaje nea̰’g rəw mbata lə kaiyaje lai gə́ Manasə ra ləm,

2 Mbaije 24:4

gə məs deḛ gə́ ta kára kara wa dɔ dee el gə́ Manasə ɔm naŋg aree taa Jerusalem pəl-pəl lé ləm tɔ. Togə́bè ɓa Njesigənea̰ ndigi kar mée oso lemsé dɔ dee’g el ŋga.

Jeremi 2:22

Lée seḭ togoje rɔ sí gə sigiri Lée usuje ne rɔ sí yaa̰ ya kara Néra gə́ kori-kori lə sí nai rɔ sí’g nɔm’g ya, Mbaidɔmbaije gə́ Njesigənea̰ ɓa pa bèe.

Jeremi 6:29

Lel ndubu ar pər taa Ndá rɔm léḛ pe’d, Ndiri gə́ ndiri mba kar siḭyee teḛ lé Deḛ d’oo ne ndòo pi Siḭ lar teḛ mée’g el.

Ejekel 11:11

Ɓee-boo a to kasəna gə ŋgoro-pər mbata lə sí el ləm, seḭ kara a toje kasəna gə da gə́ mee ŋgoro ŋgəm’g el ləm tɔ, par gə́ rəw-nim-ɓee gə́ Israɛl’g lai lé ɓa n’a gaŋgta dɔ sí’g keneŋ.

Ejekel 11:3

Deḛ pana: Kàree teḛ el ɓəi! Ar sí n’raje kəije. Ɓee-boo to asəna gə ŋgoro-pər ndá jeḛ n’to j’asəna gə kɔr daje gə́ mée’g bèe.

Ejekel 22:12

Mee ɓee-boo’g ləi lé deḛ taa néndogo-gel mba kila ne məs. Deḛ d’ar dee tona dee né ndá d’wɔji maree dɔ’g ləm, taa manee dɔ’g ləm tɔ, deḛ buguru mar deeje mba taa né lə dee ləm, neḛ kara d’ar meḛ dee wəi dɔ neḛ’g ləm tɔ. Mbaidɔmbaije gə́ Njesigənea̰ ɓa pa bèe.

Ejekel 22:2

I ŋgon-dəw lé see i a gaŋgta wa. See i a gaŋgta dɔ ɓee-boo gə́ njékilaməsje d’isi keneŋ lé wa. Maji kari ar dee gər néra deeje lai gə́ mina̰ lé ɓa.

Ejekel 22:27

Ŋgan-mbaije lə dee gə́ mee ɓee-boo’g lé to d’asəna gə jagmjərje gə́ njétɔr-kwɔi-nékwaje lə dee, deḛ d’ɔm məs naŋg ləm, deḛ tɔl dəwje ləm tɔ gə mba tɔl ne mal kiŋga né gə goo rəbee el gə́ ra dee ŋgwɔd-ŋgwɔd lé.

Ejekel 22:3

A pana: Mbaidɔmbaije gə́ Njesigənea̰ pa togə́bè pana: I ɓee-boo gə́ d’ɔm məs naŋg keneŋ gə mba kar ndɔ ləa teḛ ne ləm, gə́ ra magə-poleje mba kari ar rɔi mina̰ ne ləm tɔ lé!

Ejekel 24:3

Maji kari un gosota pa ar gel-bɔje gə́ to njékɔsta-rəwje lé ula dee ne pana: Mbaidɔmbaije gə́ Njesigənea̰ pa togə́bè pana: Wa dɔ gɔl jo-lar unda dɔ pər’d Ɔm mán keneŋ.

Ejekel 24:9

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Meeko̰ a koso dɔ ɓee gə́ njekilaməs’g! Neḛ kara n’a ra loo-roo-dəwje gə́ boo.

Joɛl 3:3

M’a kar néje gə́ dumkoo teḛ mee dara’g gə dɔ naŋg’d nee Məs ləm, gə pər ləma, sa pər gə́ uba ŋgɔg-ŋgɔg ləm tɔ.

Abdias 1:11

Mee ndəa gə́ seḭ aarje nea̰’g lé Mee ndəa gə́ dəwje gə́ to dəw-dɔ-ɓeeje D’wa bao-rɔje lə dee ɓər ləm, Dəw-dɔ-ɓeeje d’andə tarəwɓee’g lə dee ləma, D’un Jerusalem D’ɔs ne na̰ mbarè dɔ’g ləm tɔ lé Seḭ kara raje to gə́ deḛ ra sə dee bèe ya tɔ.

Junas 1:7

Deḛ kára-kára lai d’ula na̰ ta gə́ yo gə́ nee pana: Gə́ reeje, ar sí n’raje né asəna gə téḛ bèe gə mba koo see na̰ ɓa ar tuji neelé oso dɔ sí’g wa. Deḛ ra né neelé ndá oso dɔ Junas’g ya ɗəgərə.

Misee 7:2

Dəw gə́ njemeemaji godo mee ɓee’g ləm, Dəw gə́ njera nédanasur godo mbuna dəwje’g ləm tɔ, Deḛ lai d’um loo gə mba kila məs, Ar nana kara iya gum gə mba kwa ne ŋgokea̰.

Nahum 3:1

Meeko̰ a koso dɔ ɓee-boo gə́ njékila məsje d’isi keneŋ ləm, Gə njétaŋgɔmje gə njéra né kərm-kərmje taa loo keneŋ pəl-pəl ləma, Gə deḛ gə́ d’ya̰ goo gayim lə dee el ləm tɔ.

Nahum 3:10

Lée togə́bè kara dəw-mee-ɓeeje gə́ keneŋ d’aw sə dee ɓee-ɓər’g ləm, Ŋganeeje kara kunda dee vaga-vaga tɔl dee tɔ-rəwje’g lai ləm, Deḛ ra né asəna gə téḛ dɔ dəwje gə́ boo’d ge keneŋ ləma, Mbaije lə dee kara deḛ tɔ dee gə kúla larje ləm tɔ.

Matiyo 23:35

mba kar məs njémeekarabasurje gə́ un kudee ka̰ Abel’g saar teḛ ne ka̰ Jakari gə́ to ŋgolə Baraki gə́ seḭ tɔleeje dan mee kəi-Ala’g no̰ loo-nékinjaməs’g lé wa dɔ sí ya.

Tel tura Godndu 23:13

Seḭ a kɔrje kəm loo gir loo-si sí’g raga ndá lé neelé ɓa seḭ a telje wala keneŋ.

Jujé 10:22

Yen ŋga Juje pana: Ɔrje ta bolè mbal arje mbaije gə́ mi neelé d’unda loo teḛ raga ndá reeje sə dee rɔm’g nee.

Loo gə́ killa rea kəm Ja̰’g 17:6

Ma m’oo dené lé, məs deḛ gə́ to gə kəmee ləm, gə ka̰ njékɔrgootaje lə Jeju gə́ d’wəi mbata ləa ləm tɔ tɔl dené lé asəna gə mán-nduú gə́ mḭ gə́ ai.

Loo gə́ killa rea kəm Ja̰’g 18:24

mbata d’iŋga məs deḛ gə́ to gə kəmee gə ka̰ njéteggintaje gə ka̰ deḛ gə́ i goré gwɔs dee dɔ naŋg neelé lé mee ɓee’g ləi ləm tɔ.