Ejekel 24:10 - Maktub gə́ To gə Kəmee

¹⁰ Tuga kir dɔ na̰’d ula pər keneŋ Ndiri ne da lé maji ləm, Dusu kad keneŋ ləma, Ar siŋgaje iri yɔm-yɔm ləm tɔ.

Ejekel 24:10 ပူးပေါင်းရင်းမြစ်များ

Gḭ-Néje 25:29

Ndɔ kára bèe Jakob si ula lɔ-mḭji. Esawu ḭ wala tel ree ndá dao yaa̰, nai lam bèe kar lab ɔree.

Jeremi 17:3

Neḛ n’aar dɔ mbal’g lə neḛ Gə loo-ndɔje gə́ keneŋ ləm, Gə dɔ némajije’g lə sí ləm, Gə dɔ nébaoje’g lə sí lai ləma, Gə dɔ looje lə sí gə́ ndəw’g ləm tɔ lé Gə́ né banrɔ gə mbata kaiya ra síje Gə́ seḭ raje dɔ naŋg ɓee’g lə sí bura lé.

Jeremi 20:5

Nébaoje lai gə́ to mee ɓee-boo’g neelé ləm, gə nékiŋgaje ləa lai gə́ dəwje d’inja təd bur ɓa d’iŋga lé ləm, gə néje ləa lai gə́ maji dum ləma, gə nébaoje lai gə́ to ka̰ mbaije gə́ Juda ləm tɔ lé n’a ɓugu dee meḛ ji njéba̰je’g lə dee kar dee d’odo d’aw ne Babilɔn.

Nɔ̰-ndôo gə́ wɔji dɔ Jerusalem 1:10

Njékula kəm dee ndooje lé Saa némajije lə dee Gə́ to ŋgonkəm dee lé lai-lai ya, Deḛ d’oo ginkoji dəwje gə raŋg Gə́ d’andə mee kəi’g lə deḛ gə́ to gə kəmee Nɛ deḛje neelé kédé lé i un ndui Ɔg dee ne loo kila gɔl dee Loo mbo̰ dɔ na̰’d ləi el lé.

Nɔ̰-ndôo gə́ wɔji dɔ Jerusalem 2:16

Njéba̰je ləi lai pata d’oma̰ ne səi ləm, Deḛ d’ur kɔl piu ləma, D’usɔ ŋgaŋ dee pəgərə-pəgərə dɔi’g ləm tɔ. Deḛ pa ne pana: Jeḛ n’tujeeje pugudu-pugudu mba̰! Ndɔ gə́ jeḛ j’isi ŋgina lé ree ndá Ndɔ lé ɓa nee ŋga.

Ejekel 24:11

Unda jo-lar gə́ mée to kari lé dɔ pər’g Mba karee nuŋga kəd-kəd Kar larkas gə́ rəa’g lé Taa pər làm-làm ləm, Mba kar kwɔməs ləa lé léḛ o̰ pər.

Ejekel 24:9

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Meeko̰ a koso dɔ ɓee gə́ njekilaməs’g! Neḛ kara n’a ra loo-roo-dəwje gə́ boo.