Ejekel 24:1 - Maktub gə́ To gə Kəmee

¹ Mee ləb gə́ njekɔm’g jinaikara lé naḭ gə́ njekɔm’g dɔg ra ndɔ dɔg ndá Njesigənea̰ ulam ta gə rɔtaje nee pana:

Ejekel 24:1 ပူးပေါင်းရင်းမြစ်များ

2 Mbaije 24:12

Yen ɓa Jojakḭ, mbai gə́ Juda lé teḛ aw rɔ mbai gə́ Babilɔn’g, yeḛ gə kea̰je ləm, gə kuraje ləa ləm, gə mbaije ləa ləma, gə njékulaje ləa gə́ boo-boo ləm tɔ. Ndá mbai gə́ Babilɔn wa dee ɓər mee ləb ko̰ɓee ləa gə́ njekɔm’g jinaijoo lé.

Jeremi 39:1

Mee naḭ gə́ njekɔm’g dɔg mee ləb gə́ njekɔm’g jinaikara gə́ Sedesias, mbai gə́ Juda o̰ ne ɓee lé ndá, Nebukadnesar mbai gə́ Babilɔn ree gə njérɔje ləa lai d’aḭ ne dɔ Jerusalem sub gə rɔ.

Jeremi 52:4

X Ləb ko̰ɓee lə Sedesias gə́ njekɔm’g jinaikara mee ndɔ dɔg lə naḭ gə́ njekɔm’g dɔg lé Nebukadnesar, mbai gə́ Babilɔn aw gə njérɔje ləa aw mba k’aw rɔ ne gə Jerusalem. Deḛ d’wa loo-si dee no̰ ɓee’g ndá deḛ d’uba dɔndalje gugu ne dəa sub.

Ejekel 1:2

Loo gə́ naḭ ra ndɔ mi lé, ləbee neelé to ləb gə́ njekɔm’g mi gə́ d’aw ne gə mbai Jojakḭ ɓee-ɓər’g lé ndá,

Ejekel 20:1

Ndɔ dɔg lə naḭ gə́ njekɔm’g mi mee ləb gə́ njekɔm’g siri’g lé ŋgatɔgje lə Israɛlje gə́ na̰je ree mba dəji Njesigənea̰ ta ndá d’isi naŋg nɔm’g.

Ejekel 23:49

D’a kar ta néra kaiya lə sí tel wa dɔ sí ləm, néra kaiya lə magə-poleje lə sí lé seḭ a kubaje pəree ləm tɔ. Bèe ɓa seḭ a gərje ne to gə́ neḛ n’to Mbaidɔmbaije gə́ Njesigənea̰ lé.

Ejekel 24:2

I ŋgon-dəw lé, ndaŋg ndɔ neelé mee maktub’g, to ndɔ gə́ ɓogənè lé ya! Mbai gə́ Babilɔn un kudu kaḭ dɔ Jerusalem sub gə rɔ ya.

Ejekel 26:1

Ndɔ naḭ gə́ dɔtar mee ləb gə́ njekɔm’g dɔg-giree-kára lé Njesigənea̰ ulam ta gə rɔtaje nee pana:

Ejekel 29:1

Mee ləb gə́ njekɔm’g dɔg lé naḭ gə́ njekɔm’g dɔg ra ndɔ dɔg-giree-joo ndá Njesigənea̰ ulam ta gə rɔtaje nee pana:

Ejekel 29:17

Mee ləb gə́ njekɔm’g rɔ-joo-giree-siri lé to ndɔ kára mee naḭ gə́ dɔtar lé ndá Njesigənea̰ ulam ta gə rɔtaje nee pana:

Ejekel 31:1

Mee ndɔ gə́ dɔtar gə́ mee naḭ gə́ njekɔm’g munda mee ləb gə́ njekɔm’g dɔg-giree-kára lé Njesigənea̰ ulam ta gə rɔtaje nee pana:

Ejekel 32:1

Ndɔ gə́ dɔtar gə́ mee naḭ gə́ njekɔm’g dɔg-giree-joo mee ləb gə́ njekɔm’g dɔg-giree-joo lé Njesigənea̰ ulam ta gə rɔtaje nee pana:

Ejekel 32:17

Ləb gə́ njekɔm’g dɔg-giree-joo lé loo gə́ naḭ gə́ dɔg-giree-joo ra ndɔ dɔg-giree-mi ndá Njesigənea̰ ulam ta gə rɔtaje nee pana:

Ejekel 33:21

Ləb gə́ njekɔm’g dɔg-giree-joo goo kwa gə́ d’wa sí d’aw sə sí ɓee-ɓər’g lé loo gə́ naḭ gə́ njekɔm’g dɔg ra ndɔ mi ndá dəw kára gə́ ḭ Jerusalem aḭ lé ree iŋgam ulam pana: Deḛ dum dɔ ɓee-boo lé mba̰!

Ejekel 40:1

Mee ləb gə́ njekɔm’g rɔ-joo-giree-mi goo kwa gə́ d’wa sí d’aw sə sí ɓee-ɓər’g, ndɔ dɔg mee ləb gə́ sigi’g, to ləb dɔg-giree-sɔ gə́ orè goo tuji gə́ Jerusalem tuji lé mee ndəa gən ya Njesigənea̰ ila jia dɔm’g unm ne aw səm mee ɓee gə́ Israɛl.

Ejekel 8:1

Mee ləb gə́ njekɔm’g misa̰ lé naḭ gə́ njekɔm’g misa̰ ra ndɔ mi loo gə́ ma m’isi mee kəi’g ləm ləm, ŋgatɔgje gə́ Juda d’isi nɔm’g ləm tɔ ndá Mbaidɔmbaije gə́ Njesigənea̰ ila jia dɔm’g.

Jakari 8:19

Njesigənea̰ gə́ njeboo-néje pa togə́bè pana: Kɔg mee ɓoo gə́ mee naḭ gə́ njekɔm’g sɔ ləm, gə naḭ gə́ njekɔm’g mi ləm, gə naḭ gə́ njekɔm’g siri ləma, gə naḭ gə́ njekɔm’g dɔg ləm tɔ lé a tel to ndɔ kalrɔ gə ndɔ rɔlel gə naḭ gə́ ka̰ ra rɔlel mbata lə koso-dəwje gə́ Juda. Nɛ maji kar sí undaje kankəmta gə meekulɔm ɓa dan kəm sí’g.