Ejekel 23:4 - Maktub gə́ To gə Kəmee

⁴ Yeḛ gə́ tɔg ria lə Ohola, yeḛ gə́ ndɔḭ ria lə Oholiba, deḛ to gə́ kamaje ya ndá deḛ d’oji ŋganje gə́ diŋgam gə njé gə́ dené d’am ya. Ohola wɔji dɔ Samari, Oholiba wɔji dɔ Jerusalem tɔ.

Ejekel 23:4 ပူးပေါင်းရင်းမြစ်များ

1 Mbaije 12:20

Loo gə́ Israɛlje lai d’oo to gə́ Jeroboam tel ree ndá deḛ d’ula kula ɓaree loo-mbo̰-dɔ-na̰’g lə koso-dəwje, d’undá gə́ mbai lə Israɛlje lai. Deḛ gə́ d’un goo gin bauje lə Dabid lé to njé gə́ ginkoji’g lə Judaje ya kára ba tɔ.

1 Mbaije 8:29

Maji kar kəmi to dɔ kəi’g neelé loondul’g gə dan kàrá ləm, gə dɔ loo gə́ i pana: Yee nee ɓa rim a to keneŋ lé ləm tɔ. Maji kari tuga mbi oo ne tamaji gə́ kura ləi ra lée’g neelé.

Pakɔsje 76:2

Ala ar dee gəree mee ɓee gə́ Juda gao ləm, Ria kara ɓar mḭ mee ɓee gə́ Israɛl’g ya ləm tɔ.

Jeremi 3:6

Njesigənea̰ ulam ta mee ndəa gə́ Jojias to ne mbai lé pana: See i oo né gə́ Israɛlje gə́ to majikojije el lé ra wa. Deḛ d’aw dɔ mbalje gə́ ndəw’g ləm, gə gel kagje lai gə́ to təb ləm tɔ ndá lée neelé deḛ ra né asəna gə néra kaiya-dené bèe keneŋ.

Jeremi 3:7

Ndá ma m’pana: Gə goo néje nee lai lé deḛ d’a tel ree rɔm’g ɓəi. Nɛ deḛ tel ree rɔm’g el. Tɔɓəi ŋgako̰ deeje gə́ dené gə́ to Judaje gə́ to njéhulaije lé kara d’oo njai ya tɔ.

Ejekel 16:20

Ŋganije gə́ diŋgam gə njé gə́ dené gə́ i oji dee am lé i tḭja dee gə́ məs ar magəje gə mba kar dee to nésɔje lə dee. See kya̰ rɔi yag dan kaiya’g neelé asi el wa.

Ejekel 16:40

D’a ree gə dəw-bulaje mba kiŋgai ne ləm, d’a tilai gə kɔri-ər ləma, d’a ga̰gi mbidi-mbidi gə kiambas ləm tɔ,

Ejekel 16:46

Ŋgokɔḭ gə́ dené gə́ tɔg gə́ si dɔ jigeli’g lé to Samari gə ŋganeeje gə́ dené, tɔɓəi njegooi’d gə́ dené gə́ si dɔ jikɔli’g lé to Sɔdɔm gə ŋganeeje gə́ dené tɔ.

Ejekel 16:8

Neḛ n’dəs mbɔri’g péd ndá neḛ n’aa loo n’ooi nɛ aa oo, kàree ləi teḛ mba̰, to kàr taa ŋgaw ləi ŋga. Neḛ n’teḛ ta kubu lə neḛ gə́ ŋgal yududu n’ila dɔi’g n’o̰ ne kudi gə́ to dum lé. Neḛ n’un ndu neḛ n’ari gə mba kɔm səi na̰’d sad ləm, neḛ manrɔ neḛ n’ari ləm tɔ, Mbaidɔmbaije gə́ Njesigənea̰ ɓa pa bèe ndá seḭ toje ka̰ neḛje ya.

Ejekel 23:3

Deḛ ra kaiya mee ɓee gə́ Ejiptə, deḛ ra kaiya gə ma̰də dee ba ya, lé neelé ɓa dəwje mam mbà dee keneŋ ləm, mbudu dɔ kum dee keneŋ ləm tɔ.

Ejekel 23:36

Njesigənea̰ dəjim pana: I ŋgon-dəw lé see i a gaŋgta dɔ Ohola gə Oholiba’g wa. Maji kari ula dee ta néra deeje gə́ mina̰ təsərə!

Ejekel 23:44

Deḛ d’aw rəa’g to gə́ d’aw ne rɔ kaiya-dené’g bèe. Togə́bè ɓa d’aw ne rɔ Ohola gə Oholiba’g, denéje neelé gə́ to ram-denéje lé.

Ejekel 23:5

Ohola uba goo ndukun ləa ya̰ ar mal njéto səaje gə́ to Asirije gə́ to njéboataɓeeje ləa o̰ mée lèm-lèm.

Ojee 1:3

Togə́bè ɓa Ojee aw taa ne Gomer, ŋgolə Diblayim gə́ dené gə́ dené ləa. Yeḛ taa kèm ndá oji səa ŋgon gə́ diŋgam.

Ojee 2:7

Ko̰ deeje ra néra kaiya-dené, Yeḛ gə́ əskèm dee lé ula ne sul dɔ rəa’g Mbata yeḛ pana: N’a kaw goo njéto sə neḛje’d Gə́ d’ar neḛ muru gə mán-kai ləm, Gə kubu gə́ bḭ-maji gə kubu gə́ d’ṵji gə kúla palégal ləma, Gə ubu gə́ ka̰ ndèm gə nékai ləm tɔ.

Tagə́maji gə́ Ja̰ ndang 4:22

Seḭ lé né gə́ seḭ gərje ginee el lé ɓa seḭ waje meḛ sí’g, nɛ jeḛ lé né gə́ jeḛ n’gər ginee njai-njai ɓa j’wá meḛ sí’g mbata kaji lé ḭ ɓee lə Jibje.

Njé gə́ Rɔmə 7:4

Togə́bè, ŋgakɔmje, kwəi gə́ seḭ wəije gə Kristi na̰’d lé ta godndu ɔr dɔ sí’g mba kar sí sije ne kəmba mbata lə dəw gə́ raŋg, yeḛ gə́ teḛ dan njé gə́ d’wəi’g, ɓó gə mba kar sí j’andə ne gə kandə sí gə́ maji mbata lə Ala ya.