Ejekel 22:7 - Maktub gə́ To gə Kəmee

⁷ Loo gə́ mee ɓee-boo’g ləi lé dəwje d’ə̰ji bɔ deeje gə ko̰ deeje bəḭ-bəḭ ləm, d’ula kəm dəw-dɔ-ɓee ndòo ləma, deḛ buguru ŋgonal gə njekəisiŋga ləm tɔ.

Ejekel 22:7 ပူးပေါင်းရင်းမြစ်များ

Pakɔsje 94:5

Njesigənea̰, deḛ neelé tal koso-dəwje ləi naŋg ras-ras ləm, Deḛ gə́ to nédɔji ləi lé d’orè dɔ dee naŋg més ləm tɔ.

Pakɔsje 94:6

Njekəisḭga gə dəw-dɔ-ɓee lé Deḛ goré gwɔb dee ləm, Ŋganalje lé kara Deḛ kunda dee vaga-vaga tɔl dee ya ləm tɔ.

Teḛ-Raga 20:12

I a təd kag bauije gə kɔḭije mba kar dɔ naŋg nee gə́ Ala ləi gə́ Njesigənea̰ ari si keneŋ lé yeḛ a kɔm ndɔje ləi dɔ maree’g kari ya.

Teḛ-Raga 21:17

Dəw gə́ ɔr gə bɔbeeje əsé kea̰je ndá debee neelé d’a tɔlee gə́ tɔl ya.

Teḛ-Raga 23:9

Seḭ a raje né gə́ kədərə gə dəw-dɔ-ɓee el, né gə́ ra dəw-dɔ-ɓeeje lé seḭ gərje gao mbata seḭ kara seḭ toje dəw-dɔ-ɓeeje mee ɓee gə́ Ejiptə kédé tɔ.

Gosota-Kəmkàrje 20:20

Ɓó lé dəw ila ndɔl dɔ bɔbeeje’g əsé dɔ kea̰je’g ndá Pərndɔ ləa a kwəi misi dan loondul gə́ ndul njudu-njudu’g.

Gosota-Kəmkàrje 30:11

Ginkoji dəwje gə́ na̰je d’isi gən Gə́ to njekila ndɔl dɔ bɔ deeje’g ləm, D’ila riɓar dɔ ko̰ deeje’g el ləm tɔ.

Gosota-Kəmkàrje 30:17

Dəw gə́ ndaji ndu bɔbeeje kogo ne ləm, Ŋgonkoji gə́ kəm kila dɔ kea̰je’g kara Yeḛ ula sul dɔ’g ləm tɔ lé Ga̰-ga̰je gə́ d’isi mbuna kəm-rəw-manje’g mbuna mbalje’g lé D’a tɔr guburu kəmee ləm, ŋgan niŋgatə̰dəje d’a səa ləm tɔ.

Esai 1:17

Ndooje loo ra né gə́ maji ləm, Ndolèje goo néra gə́ gə dɔ najee ləm, Aaje dɔ yeḛ gə́ d’ula kəmee ndòo ləm, Ɔrje kəmta lə ŋgonal gə goo rəbee ləma, Aḭje bada dɔ njekəisiŋga’g ləm tɔ.

Esai 1:23

Mbaije lə sí to njékɔsta-rəwje ləm, Gə njékɔm na̰’d gə njéɓogoje ləm tɔ. Deḛ lai ndigi néndogo-gel ləm, D’aiŋgwɔd goo nédɔji dee’g ləm, Deḛ d’ɔr kəmta lə ŋgonal Gə goo rəbee el ləma, Deḛ d’ya̰ loo d’ar njekəisiŋga Ree gə ta ləa rɔ dee’g el ləm tɔ.

Jeremi 7:6

ɓó lé seḭ ulaje kəm dəw-dɔ-ɓee gə ŋgonal gə njekəisiŋga ndòo el ləm, ɓó lé seḭ ilaje məs yeḛ gə́ ta wa dəa el lé naŋg loo gə́ nee’g el ləma, ɓó lé seḭ ndolèje goo magəje gə mba kiŋgaje ne némeeko̰ el ləm tɔ ndá

Ejekel 18:12

ɓó lé yeḛ buguru njenékəmndoo gə njendoo ləm, ɓó lé yeḛ taa né gə ɓogo ləm, ɓó lé yeḛ tel gə nékɔsnaŋ ar njea el ləm, ɓó lé yeḛ un kəmee aa ne magəje gərərə ra ne néje gə́ mina̰ jɔmri-jɔmri ləma,

Ejekel 22:25

Njéteggintaje lə dee d’ula njuma̰ meḛ na̰’d dan mee ɓee-boo’g neelé. To gə́ toboḭ gə́ inja ne miḭ hər-hər gaŋg ne nékwa ləa lé deḛ kara tɔl dəwje ləm, taa nébaoje gə néje gə́ maji dum gə́ ka̰ dee-deḛ ləma, d’ar bula lə njékəisiŋgaje ḭ dɔ maree’d gə́ kédé-kédé dan mee ɓee-boo’g neelé ləm tɔ.

Ejekel 22:29

Koso-dəwje gə́ mee ɓee’g d’ya̰ rɔ dee yag dan néra gə́ kərm-kərm’g ləm, deḛ ɓogo ləm, deḛ d’oré dɔ njénékəmndooje gə njéndooje naŋg ləma, deḛ buguru dəw-dɔ-ɓeeje dɔ néje gə́ wɔji dɔ dee’g ləm tɔ.

Ləbije 20:9

Ɓó lé dəw gə́ rara ɓa taji bɔbeeje əsé kea̰je ndá kəm tɔlee gə́ tɔl ya, mbata yeḛ taji bɔbeeje əsé kea̰je ndá ta məsee a kwa dəa-yeḛ ya.

Jakari 7:10

Ulaje kəm njékəisiŋgaje gə ŋganalje Esé njéndooje əsé mbáje ndòo el ləm, Wɔjije-kwɔji ra gə na̰ majel el ləm tɔ.

Malasi 3:5

M’a rəm pər gə́ rɔ sí’g gə mba gaŋg rəwta ləm, m’a kɔs rɔm ɓad gə mba kɔr ta kila dɔ njésukəmlooje’g ləm, gə dɔ njémɔdkaiyaje’g ləm, gə dɔ deḛ gə́ d’ubu rɔ dee gə taŋgɔm ləm, gə dɔ deḛ gə́ d’uga dɔ ji njékulaje lə dee gə goo rəbee el ləm, gə dɔ deḛ gə́ buguru njékəisiŋgaje gə ŋganalje ləma, gə dɔ deḛ gə́ ra majel gə dəw-dɔ-ɓeeje ɓəlm ne el ləm tɔ. Njesigənea̰ gə́ njeboo-néje lé pa bèe.

Mark 7:10

Mbata Moyis pana: Təd kag bɔbije gə kɔinje, dəw gə́ ɔr gə bɔbeeje əsé kea̰je ndá d’a tɔlee gə́ tɔl ya.

Tel tura Godndu 24:17

Né gə́ kəm kar dəw-dɔ-ɓee əsé ŋgonal iŋga loo gaŋg-rəwta’g lé seḭ a bugureeje dɔ’g el ləm, seḭ a taaje kubu lə njekəisiŋga gə́ né kɔs naŋg el ləm tɔ.

Tel tura Godndu 27:16

Meeko̰ a koso dɔ dəw gə́ ila ndɔl dɔ bɔbeeje’g əsé kea̰je’g! Ndá koso-dəwje lai d’a kila dee keneŋ pana: A to togə́bè ya!

Tel tura Godndu 27:19

Meeko̰ a koso dɔ dəw gə́ buguru dəw-dɔ-ɓee əsé ŋgonal əsé njekəisiŋga loo-gaŋg-rəwta’g. Ndá koso-dəwje lai d’a kila dee keneŋ pana: A to togə́bè ya!

Tel tura Godndu 5:16

Təd kag bɔbije gə kɔinje to gə́ Ala ləi gə́ Njesigənea̰ un ne ndia ari gə mba kar ndɔje ləi d’ḭ ne dɔ maree’d gə́ kédé-kédé ləm, gə mba kar rɔi leli ne mee ɓee gə́ Ala ləi ari lé ləm tɔ.