Ejekel 22:4 - Maktub gə́ To gə Kəmee

⁴ Ta wa dɔi mbata njé’g ləi d’ila məs ləm, d’ar rɔ dee mina̰ gə magəje gə́ deḛ ra dee ləm tɔ. Nérai gə́ togə́bè ar ndɔje ləi tel nai ne gwɔji. Gelee gə́ nee ɓa neḛ n’teli ne gə́ néboo-rɔkul lə ginkoji dəwje gə raŋg ləm, gə nékula sul dɔ’g lə ɓeeje lai ləm tɔ.

Ejekel 22:4 ပူးပေါင်းရင်းမြစ်များ

1 Mbaije 9:7

m’a tuji Israɛlje mee ɓee gə́ ma m’ar dee lé pugudu ləm, m’a kuba kəi-si-Ala gə́ m’unda gə kəmee gə́ rim ɓar dɔ’g lé kya̰ ləm tɔ ndá Israɛlje d’a tel to nékunda-kogo gə nérɔkul mbuna koso-dəwje’g lai ya.

2 Mbaije 21:16

Tɔɓəi Manasə ɔm məs dəwje bula gə́ ta wa dɔ dee el lé naŋg saar ar məs taa loo mee Jerusalem’g pəl-pəl, lal tura ne goo kaiyaje gə́ yeḛ ɔs Judaje ar dee ra ne né gə́ majel kəm Njesigənea̰’g lé tɔ.

2 Sôrta Gḭka Israɛlje 7:20

m’a tɔr sí mee ɓee’g ləm gə́ ma m’ar sí lé ləm, m’a kɔr rɔm mee kəi’g nee gə́ m’unda gə kəmee gə́ rim ɓar keneŋ kunda rɔm ŋgərəŋ ləm tɔ ndá kəi neelé a to nédəjindu gə nékogo mbuna ginkoji dəwje gə raŋg’g lai ya.

Pakɔsje 79:4

Jeḛ n’tel n’toje nérɔkul kəm njéboataɓeeje lə sí ləm, N’toje nékunda-kogo gə nédəjindu lə dee-deḛ Gə́ gugu dɔ sí sub neelé ləm tɔ.

Jeremi 18:16

Deḛ d’ar ɓee lə dee tel dɔ nduba, Ar dəwje d’ula sul dɔ’d gə́ kédé-kédé, Deḛ lai gə́ dəs lée’g neelé D’wa ta dee sud ləm, Biri dɔ dee widi-widi ləm tɔ.

Jeremi 24:9

M’a kar dee to néɓəl gə némeeko̰ mbata lə ɓeeko̰je lai gə́ dɔ naŋg nee ləm, m’a kar dee to nékula sul dɔ’g ləm, gə nékunda kogo ləm, gə nékɔr sor ndam ləma, gə nékila ndɔl dɔ’g ləm tɔ mee looje lai gə́ m’a gə tuba dee keneŋ lé.

Jeremi 44:8

See gelee ban ɓa seḭ arje məəm ḭ səm jugugu gə néje gə́ seḭ raje gə ji sí, tuuje ne né gə́ ə̰də sululu arje magəje gə́ mee ɓee gə́ Ejiptə gə́ seḭ ree síje keneŋ lé gə mba kam m’ar sí uduje ne guduru ləm, gə kar sí toje ne nékila ndɔl dɔ’g ləma, gə nékila rɔkul-boo dɔ’g ləm tɔ mbuna ginkoji dəwje gə raŋg’g lai dɔ naŋg nee bèe wa.

Ejekel 16:57

kédé ɓad ɓa ar meeyèr ləi teḛ raga ɓəi lé loo gə́ ŋganje gə́ dené gə́ Siri gə looje gə́ gugu dəa lai ləm, gə ŋganje gə́ dené gə́ Pilisti gə́ njékḛjii bəḭ-bəḭje gə looje lai ləm tɔ lé d’aw d’ila ndɔl dɔi’g lé el wa.

Ejekel 21:28

Deḛ d’oo né neelé gə́ nékooje gə́ kari ba, deḛ gə́ manrɔ dee mba̰ lé. Nɛ yeḛ lé yeḛ ar mée olé dɔ néra kori-korije’g lə dee ndá d’a kwa dee kaw sə dee ɓee-ɓər’g ya.

Ejekel 22:2

I ŋgon-dəw lé see i a gaŋgta wa. See i a gaŋgta dɔ ɓee-boo gə́ njékilaməsje d’isi keneŋ lé wa. Maji kari ar dee gər néra deeje lai gə́ mina̰ lé ɓa.

Ejekel 23:32

Mbaidɔmbaije gə́ Njesigənea̰ pa togə́bè pana: I a kai né gə́ to mee bai’g lé To gə́ ŋgokɔḭ gə́ dené bèe ya, To bai gə́ mée tad ləm, ur ləm tɔ, I a tel to nékogo gə nédəjindu, Bai lé néje gə́ keneŋ to yaa̰.

Ejekel 23:7

Yeḛ ra sə dee kaiya, Asirije lai gə́ maji d’unda mar deeje lé, deḛ lai gə́ mée o̰ lèm-lèm dɔ dee’g lé yeḛ ar rəa mina̰ sə dee ləm, yeḛ ar rəa mina̰ gə magəje lə deḛ lai ləm tɔ.

Ejekel 24:7

Mbata məs gə́ deḛ d’ila lé To mee ɓee’g, Deḛ d’ɔm məs lé dɔ mbal gə́ raga ndəgəsə Ɓó d’ɔm dɔ naŋg’d ɓa D’a daa babur dɔ’g el.

Ejekel 24:8

Gə mba tɔji dee boo-oŋg lə neḛ ləm, Gə mba dal ne ba̰ lə neḛ ləm tɔ lé N’ɔm məs dee dɔ mbal gə́ raga ndəgəsə Gə mba kar né on dəa el.

Ejekel 36:15

N’a kari oo ta rɔkulje gə́ ginkoji dəwje gə raŋg pa ne səi el ləm, koso-dəwje d’a kila rɔkul-boo dɔi’g el ləm tɔ, i a tuji ginkoji dəwje ləi el ŋga, Mbaidɔmbaije gə́ Njesigənea̰ ɓa pa bèe.

Loo gə́ killa rea kəm Daniel’g 9:16

Ǝi Mbaidɔmbaije, gə goo boo-meekoso lemsé ləi lé maji kari un oŋg ləi gə meekḭ jugugu ləi dɔ ɓee-boo’g ləi gə́ Jerusalem gə dɔ mbalje’g ləi gə́ to gə kəmee lé gə́ raŋg. Mbata kaiya ra síje gə néra kori-korije lə bɔ síje-je lé yee ɓa ar Jerusalem gə koso-dəwje ləi tel to ne nérɔkul kəm dəwje lai gə́ gugu dɔ sí sub lé.

Ləbije 26:32

M’a kar ɓee lə sí tel to dɔ nduba mba kar njéba̰je lə sí gə́ d’a ree sí keneŋ lé kara kaar dee a kwa dee ne paḭ kar dee d’isi ne jim tɔ.

Bula lə Israɛlje 32:14

Aa ooje, seḭ taaje tor bɔ síje asəna gə kó dəwje gə́ njékaiyaje gə mba kar oŋg lə Njesigənea̰ ḭ ne dɔ maree’d gə́ kédé-kédé dɔ Israɛlje’g ya tɔɓəi.

Tel tura Godndu 28:37

Seḭ a tel toje né kar kaar dəwje wa dee ne paḭ ləm, gə nékunda kogo ne ləma, gə nédəjindu ləm tɔ mbuna ginkoji koso-dəwje lai gə́ Njesigənea̰ a gə kaw sə sí rɔ dee’g lé.

Tel tura Godndu 29:24

Ndá d’a kila dee keneŋ pana: To mbata kuba gə́ d’uba ndu manrɔ lə Njesigənea̰ Ala lə bɔ deeje-je gə́ ar dee d’unda loo mee ɓee gə́ Ejiptə teḛ lé d’ya̰ lé.

1 Njé gə́ Tesalonikə 2:16

Deḛ d’ɔg sí loo kula njépole-magəje ta mba kar dee d’iŋga ne kaji, yee ɓa kaiya lə dee uba ne dɔ na̰ ɓul-ɓul rusu loo ya. Nɛ oŋg lə Ala lé uba dee naŋg bus wa dee mba̰.