Ejekel 22:16 - Maktub gə́ To gə Kəmee

¹⁶ Seḭ nja a kilaje ndɔl dɔ rɔ sí’g kəm ginkoji dəwje gə raŋg’g ndá seḭ a gərje to gə́ neḛ n’to Njesigənea̰ ya.

Ejekel 22:16 ပူးပေါင်းရင်းမြစ်များ

1 Mbaije 20:13

Nɛ aa ooje, njetegginta kára ree rɔ Akab’g, mbai lə Israɛlje ndá yeḛ pana: Njesigənea̰ pa togə́bè pana: See i oo njérɔje gə́ bula digi-digi nee ya wa. M’a kya̰ dee jii’g ɓogənè mba kari gər to gə́ ma m’to Njesigənea̰ ya.

1 Mbaije 20:28

Dəw lə Ala ree pər gə́ rɔ mbai’d gə́ Israɛl ndá ulá pana: Njesigənea̰ pa togə́bè pana: Mbata Aramje pa togə́bè pana: Njesigənea̰ to Ala gə́ si dɔ mbalje’g ɓó to Ala gə́ si ndag-looje’g el, gelee gə́ nee ɓa m’a gə kya̰ koso-dəwje gə́ bula digi-digi neelé meḛ ji sí’g mba kar sí gərje to gə́ ma m’to Njesigənea̰ ya.

Pakɔsje 83:18

Maji kar kaar dee to kərm, kar dee ndəb pəd-pəd saar gə no̰ ya ləm, Maji kar dee nai gə rɔkul ɓó gə d’udu ne guduru ya ləm tɔ.

Pakɔsje 9:16

Ginkoji dəwje gə raŋg d’oso mee bwa Gə́ deḛ nja d’uru’g lé ləm, Gɔl dee kara réḛ gum gə́ deḛ nja d’iya pḛ́ lé ləm tɔ.

Pakɔsje 9:17

Njesigənea̰ riba dɔ rəa gaŋg ne rəwta gə́ gə dɔ najee, Yeḛ ar gum néra majel lə njémeeyèrje tel wa dee.

Teḛ-Raga 8:22

Moyis ilá keneŋ pana: Yee ɓa to nékəmra el mbata nékinjanéməsje gə́ j’a kun kar Ala lə sí gə́ Njesigənea̰ lé to né gə́ to kḛji kəm Ejiptəje’g. Bèe ɓa ɓó lé jeḛ j’inja nékinjanéməsje gə́ to kḛji kəm dee’g j’ar Ala kəm dee-deḛ’g lé see d’a tila sí gə kɔri-ər el wa.

Esai 37:20

Ɓasinè, Njesigənea̰, Ala lə sí, ɔr sí ji Sa̰kɛrib’g gə mba kar ɓeeko̰je gə́ dɔ naŋg nee lai d’oo to gə́ i nja kára ba to Njesigənea̰!

Esai 43:28

Gelee gə́ nee ɓa deḛ gə́ to mbaije dɔ loo gə́ to gə kəmee’g lé Ma m’ra sə dee asəna gə dəwje gə́ mḭdé ba bèe ləm, M’ila njé’g lə Jakob loo-tuji’g ləma, M’ila rɔkul-boo dɔ Israɛlje’g ləm tɔ.

Esai 47:6

Ma m’ar məəm ḭ səm pu dɔ koso-dəwje’g ləm, M’ila ndɔl dɔ nédɔji’g ləm Ndá ma m’uba dee m’ya̰ dee meḛ jii’g, Nɛ seḭ arje meḛ sí aw taḭ-taḭ dɔ dee’g el ləm, Seḭ arje néməməna̰ lə sí wɔi gwɔb ɓuga’g ləm tɔ.

Ejekel 22:17

Njesigənea̰ ulam ta gə rɔtaje nee pana:

Ejekel 25:3

I a kula Amo̰je pana: Maji kar dee d’oo ta lə Mbaidɔmbaije gə́ Njesigənea̰. Mbaidɔmbaije gə́ Njesigənea̰ pa togə́bè pana: Mbata seḭ paje pana: Bèe ya ɓa! Bèe ya ɓa dɔ loo’g lə neḛ gə́ to gə kəmee gə́ d’ula sul dɔ’g ləm, gə dɔ naŋg lə Israɛl gə́ tel to dɔ nduba lé ləma, gə dɔ gel-bɔje lə Juda gə́ d’wa dee ɓər lé ləm tɔ

Ejekel 39:28

Yee ɓa d’a gər ne to gə́ neḛ n’to Njesigənea̰, Ala lə dee gə́ n’aw sə dee ɓee-ɓər’g mbuna ginkoji dəwje gə raŋg’g ləm, gə n’tel mbo̰ dee dɔ na̰’d mee ɓee’g lə dee ləm tɔ, n’a kya̰ dəw lə dee kára kara mbuna ginkoji dəwje gə raŋg’g el ləm,

Ejekel 6:7

N’a kar yoo-dəwje to naŋg rib-rib dan sí’g ndá seḭ a gərje to gə́ neḛ n’to Njesigənea̰ ya.

Ejekel 7:24

N’a kar koso-dəwje gə́ meeyèr lə dee ur dɔ ka̰ mar deeje’g lé ree Mba taa kəije lə dee gə́ ka̰ dee-deḛ, N’a kar beelé lə njésiŋgamoŋje udu guduru Ndá looje lə dee gə́ to gə kəmee lé D’a kila ndɔl dɔ’g ya.

Loo gə́ killa rea kəm Daniel’g 4:25

Néje neelé lai d’aw lée’g béréré dɔ mbai’g Nebukadnesar lé.