Ejekel 22:14 - Maktub gə́ To gə Kəmee

¹⁴ See seḭ a kwaje meḛ sí kɔgərɔ ləm, a karje ji sí ɓar mèr-mèr ləm tɔ mee ndɔje gə́ n’a gə ra sə sí né lé ya wa. Neḛ Njesigənea̰ ɓa m’pata ndá n’a ra née ya.

Ejekel 22:14 ပူးပေါင်းရင်းမြစ်များ

Maktub gə́ wɔji dɔ Jɔb 40:9

See kag-jii ɓar mèr-mèr to gə́ ka̰ Ala wa. Esé see ndui ɓar to gə́ kea̰-yeḛ wa.

Esai 28:22

Ɓasinè maji kar sí ya̰je rɔ sí dan nékula sul dɔ’g el nà banelə kúla gə́ d’wa sí ne lé a ŋgəŋ ŋgəŋ-ŋgəŋ. Mbata ta tuji ɓeeje lai lé to njaŋg mba̰, ma m’oo taree rɔ Mbaidɔmbaije gə́ Njesigənea̰ gə́ njeboo-néje’g.

Esai 31:3

Ejiptəje lé to dəwje ɓó to Ala el, Kundaje lə dee to gə́ kundaje ba ɓó to néje gə́ raŋg el. Loo gə́ Njesigənea̰ a kun jia kula ndiŋ ndá Njékaḭ bada dɔ dee’gje lé d’a kunda ndolé ləm, Deḛ gə́ yeḛ aa dɔ dee lé d’a koso ləm tɔ Kar dee d’a kudu lai guduru.

Esai 45:9

Meeko̰ a koso dɔ yeḛ gə́ ɔs njekubá rəw! I gə́ to jo-ɓan mbuna jo-ɓanje’g, See a̰ji a dəji njekuba pana: See ban ɓa ubam togə́bè wa. See a pa bèe wa. See jo gə́ i uba mba̰ lé a pana: Nérai majel, a pa bèe wa.

Jeremi 13:21

See ta ɗi ɓa i a pa Loo gə́ yeḛ a kwɔjii kəmkàr lé wa. To i ya ɓa ndoo dee Ar dee ra səi né asəna gə mbai dɔ dee. See néurtije d’a teḛ dɔi’g Asəna gə dené gə́ ndóo tée bèe el wa.

Ejekel 17:24

Yen ɓa kagje lai gə́ mee wala’g d’a gər ne to gə́ neḛ Njesigənea̰ lé kag gə́ ŋgal ɓèreŋ lé n’aree rəm gwɔji ləm, kag gə́ gwɔji lé n’aree ḭ ŋgal ɓèreŋ-ɓèreŋ ləm tɔ, kag gə́ idi pug-pug lé n’aree tudu kurum-kurum ləm, kag gə́ tudu kurum-kurum lé n’aree idi pug-pug ləm tɔ. Neḛ Njesigənea̰ m’pata ndá n’a ra née ya.

Ejekel 21:7

I ŋgon-dəw lé maji kari tel kəmi par gə́ Jerusalem pata ila dɔ looje gə́ to gə kəmee! Teg ginta ila dɔ ɓee gə́ Israɛl!

Ejekel 23:34

I a kai ndá a kai kila ndad Ndá i a tɔ njigi-njigi ləm, I a tugu mbài ridi-ridi ləm tɔ Mbata neḛ Mbaidɔmbaije gə́ Njesigənea̰ ɓa m’pa togə́bè.

Ejekel 24:14

Neḛ Njesigənea̰ m’pata ndá né neelé a teḛ ya, n’a ra née ləm, n’a kya̰ gée el ləma, n’a koo kəmtondoo əsé n’a tel gə ndu neḛ el ləm tɔ. D’a gaŋg rəwta dɔi’g gə goo panjaai ləm, gə nérai ləm tɔ. Mbaidɔmbaije gə́ Njesigənea̰ ɓa pa bèe.

Ejekel 28:9

No̰ njetɔli’g lé see i a pana: I to Ala nja tɔɓəi wa. I a to dəw ɓó a to Ala meḛ ji yeḛ gə́ a tɔli’g lé el.

Ejekel 36:36

Ginkoji dəwje gə raŋg gə́ nai gugu dɔ sí sub lé d’a gər to gə́ neḛ Njesigənea̰ ya n’tel gə né gə́ təd kərm-kərm lé n’ra gogo ləm, né gə́ n’tɔr lé n’tel mea̰ gogo ləm tɔ. Neḛ Njesigənea̰ m’pata ndá n’a ra née ya.

Ejekel 5:13

Bèe ɓa n’a kar oŋg lə neḛ aw lée’g béréré ləm, n’a dal ne ba̰ gə boo-oŋg lə neḛ dɔ dee’d gə́ kédé-kédé ləma, n’a kar mee neḛ oso ne naŋg po̰ ləm tɔ. Yee ɓa d’a gər ne to gə́ neḛ Njesigənea̰ m’pata dan oŋg’d lə neḛ loo gə́ neḛ n’ɔm boo-oŋg lə neḛ dɔ dee’g ya.

Ejekel 6:10

D’a gər to gə́ neḛ n’to Njesigənea̰ ləm, d’a gər to gə́ némajelje nee lai gə́ neḛ m’pa taree n’ar dee m’pana: A teḛ dɔ dee’g lé m’pa kari ba el ləm tɔ,

Ejekel 7:17

Ji deeje lai a kunda ndolé ləm, Kəji deeje kara a kunda bala ləm tɔ.

Joɛl 2:11

Njesigənea̰ pata ar dee d’oo ndia no̰ bao-rɔje’g ləa, Mbata loo-siée un loo lad-lad, Njekar ta ləa aw lée’g béréré lé To Njesiŋgamoŋ, Mbata ndɔ lə Njesigənea̰ lé To ndɔ gə́ boo ləm, to ɓəl kədm-kədm ləm tɔ, See na̰ ɓa a kaskəm kaar dɔ gɔlee’g njaŋg wa.

Malasi 3:2

See na̰ ɓa a kaskəm kisi kəmba ndɔ ree’g ləa wa. See na̰ ɓa a kaar tar ndɔ gə́ yeḛ a teḛ lé wa. Mbata yeḛ a to kasəna gə pər lə njelḛ̀ lar ləm, a kasəna gə ya̰-kià lə njétogo kubuje kar dee ndá bèe ləm tɔ.

Mark 13:31

Dara gə naŋg nee d’a dəs wuduru gə lèlé ba, nɛ ta ləm a kudu nda̰ el.

1 Njé gə́ Kɔrḭtə 10:22

See j’a kɔs gel kəmkəḭ lə Mbaidɔmbaije wa. See siŋga sí ur dɔ kea̰’g wa.

Ǝbrəje 10:31

Koso gə́ dəw a koso ji Ala gə́ njesikəmba’g lé a to né gə́ to ɓəl kədm-kədm.

1 Samel 15:29

Yeḛ gə́ to siŋgamoŋ lə Israɛlje lé pa taŋgɔm el ləm, yeḛ tel gə ndia ɓəd el ləm tɔ mbata yeḛ to dəw ɓa mba tel gə́ ndia bèe el tɔ.