Ejekel 22:11 - Maktub gə́ To gə Kəmee

¹¹ Mee ɓee-boo’g ləi lé nana kara ra né gə́ mina̰ gə dené lə maree ləm, nana kara ra nékɔb gə məmeeje gə́ dené ar rəa mina̰ ne ləma, nana kara ila rɔkul dɔ ŋgokea̰ gə́ dené gə́ to ŋgolə bɔbeeje ləm tɔ.

Ejekel 22:11 ပူးပေါင်းရင်းမြစ်များ

2 Samel 13:1

Goo néje’g neelé ndá aa oo, né gə́ teḛ ɓa nee: Absalɔm gə́ to ŋgolə Dabid lé ŋgokea̰ gə́ dené gə́ ma̰də yaa̰ si keneŋ ria lə Tamar, ndá mal Tamar lé ra Amno̰ gə́ ŋgolə Dabid gə́ kea̰je ɓəd lé ŋgwɔd-ŋgwɔd ya.

2 Samel 13:11

Loo gə́ yeḛ aw ne gə mba karee sɔ ndá yeḛ ubá wá pana: Gə́ ree to səm, kɔnanəm.

2 Samel 13:14

Nɛ yeḛ ndigi koo ta ləa el, yeḛ ubá wá gə siŋgamoŋ ya ila rɔkul dəa’g to ne səa.

Jeremi 29:23

Né neelé a teḛ dɔ dee’g mbata deḛ ra nérɔkul mbuna Israɛlje’g d’ya̰ ne rɔ dee dan ndal denéje lə mar deeje’g gə mɔdkaiya ləm, ma m’un ndum m’ar dee el nɛ deḛ pa taŋgɔm gə rim ləm tɔ. Ma m’gər gao ləm, m’oo gə kəm ləm tɔ. Njesigənea̰ ɓa pa bèe.

Jeremi 9:2

D’ɔr ndo̰ dee to gə́ kandə ɓandaŋg Gə́ d’ɔr léréré mba pa ne taŋgɔm, Kankəmta ɓa ar dee to ne gə́ njésiŋgamoŋje mee ɓee’g el, Mbata deḛ njaa dan meeyèr’g lə dee Gə́ kédé-kédé ləm, Deḛ gərm el ləm tɔ, Njesigənea̰ ɓa pa bèe.

Ejekel 18:11

ɓó lé ŋgon neelé ndaji néra bɔbeeje kára kara el ləm, ɓó lé yeḛ sɔ né dɔ mbal’g ləm, ɓó lé yeḛ ula sul dɔ dené’g lə maree ləm,

Ejekel 18:6

yeḛ sɔ né dɔ mbalje’g el ləm, yeḛ un kəmee aa ne magəje lə gel-bɔje lə Israɛl gərərə el ləm, yeḛ ula sul dɔ dené’g lə maree el ləm, yeḛ tibi mbɔr dené ndɔ kwɔməs’g ləa el ləm,

Ejekel 33:26

Seḭ ɔmje meḛ sí dɔ kiambas’g lə sí raje ne néje gə́ mina̰ jɔmri-jɔmri ar nana kara mbuna sí’g ula ne sul dɔ dené’g lə njeboatakəi ləa. Ŋga see ɓee lé a to ka̰ sí ya ɓəi wa.

Ləbije 18:15

Seḭ a toje gə məəm síje gə́ to dené lə ŋgon sí el. To dené lə ŋgon sí ndá seḭ a toje səa el.

Ləbije 18:20

Seḭ a toje gə dené lə mar sí kar rɔ sí mina̰ ne el.

Ləbije 18:6

Dəw kára kara mbuna sí’g a kaw rɔ dené gə́ njenoji’g ləa gə mba to səa el. Ma m’to Njesigənea̰.

Ləbije 18:9

Seḭ a toje gə konan sí, lé to ŋgon mee bɔ síje əsé ŋgon mee ko̰ síje gə́ d’ojee mee kəi’g əsé d’ojee raga kara seḭ a raje səa togə́bè el.

Ləbije 20:10

Ɓó lé diŋgam to gə dené gə́ taa ŋgaw ləm, əsé lé to gə dené lə maree gə mɔdkaiya ləm tɔ ndá kaiya-diŋgam gə kaiya-dené neelé kəm tɔl dee gə́ tɔl ya.

Ləbije 20:12

Ɓó lé diŋgam to gə məmeeje gə́ to dené lə ŋgonee ndá deḛ joo bɔr neelé kəm tɔl dee gə́ tɔl ya, mbata deḛ ra né gə́ wa bea el: ta məs dee a kwa dɔ dee-deḛ ya.

Ləbije 20:17

Ɓó lé diŋgam taa konanee gə́ to ŋgolə bɔbeeje əsé ŋgolə kea̰je ɓa aree to gə́ dené ləa ndá to né gə́ ram: d’a kɔr dee kəm koso-dəwje’g lə dee: mbata yeḛ to gə konanee ndá néra majel ləa neelé a kwa dəa-yeḛ ya.

Malasi 3:5

M’a rəm pər gə́ rɔ sí’g gə mba gaŋg rəwta ləm, m’a kɔs rɔm ɓad gə mba kɔr ta kila dɔ njésukəmlooje’g ləm, gə dɔ njémɔdkaiyaje’g ləm, gə dɔ deḛ gə́ d’ubu rɔ dee gə taŋgɔm ləm, gə dɔ deḛ gə́ d’uga dɔ ji njékulaje lə dee gə goo rəbee el ləm, gə dɔ deḛ gə́ buguru njékəisiŋgaje gə ŋganalje ləma, gə dɔ deḛ gə́ ra majel gə dəw-dɔ-ɓeeje ɓəlm ne el ləm tɔ. Njesigənea̰ gə́ njeboo-néje lé pa bèe.

1 Njé gə́ Kɔrḭtə 6:9

See seḭ gərje el wa, njéra nékori-korije lé d’a kwa ɓeeko̰ lə Ala gə́ nédɔji lə dee el. Ǝrje rɔ sí el: njékaiyaje əsé njépole-magəje əsé gə njéndal mɔdkaiyaje

Njé gə́ Galati 5:19

Néraje gə́ ka̰ darɔ lé to raga pai-pai ya, deḛje ɓa to nee ya: Mɔdkaiya ləm, gə kəmnda ləm, gə kaw kori-kori ləm,

Tel tura Godndu 22:22

Ɓó lé diŋgam to gə dené gə́ taa ŋgaw ndá d’a tɔl dee joo bɔr ya, diŋgam lé ləm gə dené lé ləm tɔ. Togə́bè ɓa seḭ a kɔrje ne néje gə́ majel mbuna Israɛlje’g ya.

Tel tura Godndu 27:22

Meeko̰ a koso dɔ dəw gə́ to gə kɔnanee gə́ to gə́ ŋgolə bɔbeeje əsé ŋgolə kea̰je. Ndá koso-dəwje lai d’a kila dee keneŋ pana: A to togə́bè ya!

Ǝbrəje 13:4

Maji kar sí-seḭ lai ooje taa na̰ lə diŋgam gə dené lé gə́ né gə́ kəm pidi ləm, a kooje tira-to taa na̰ lé kara gə́ né gə́ to mbo̰ el ləm tɔ. Mbata deḛ gə́ d’aw gə́ balgogé əsé ndal mɔdkaiya ndá Ala a gaŋg rəwta dɔ dee’g ya.