Ejekel 21:7 - Maktub gə́ To gə Kəmee

⁷ I ŋgon-dəw lé maji kari tel kəmi par gə́ Jerusalem pata ila dɔ looje gə́ to gə kəmee! Teg ginta ila dɔ ɓee gə́ Israɛl!

Ejekel 21:7 ပူးပေါင်းရင်းမြစ်များ

2 Samel 17:10

Bèe ɓa bao-rɔje gə́ to njésiŋgamoŋje lé lé meḛ dee to asəna gə mee toboḭ ya kara meḛ dee a gaŋg mán. Mbata Israɛlje lai gər to gə́ bɔbije to bao-rɔ ləm, deḛ gə́ d’aw səa kara to bao-rɔje ya ləm tɔ.

2 Mbaije 21:12

ndá aa ooje, ta gə́ Njesigənea̰, Ala lə Israɛlje pa lé ɓa nee: N’a gə kar nékəmndoo teḛ dɔ Jerusalem’g gə dɔ Judaje’g lai gə mba kar nana ɓa gə́ taree a koso mbia’g ndá mbia a kudu jigi karee si ndiŋ ya.

Pakɔsje 58:7

Ǝi Ala, maji kari guru ŋgaŋ dee ləm, Njesigənea̰, maji kari tɔr ka ta dee Gə́ to asəna gə ka̰ ŋgan toboḭje bèe lé ɓɔgədɔ-ɓɔgədɔ ləm tɔ.

Teḛ-Raga 15:15

Mbaije gə́ Edɔm ndəb pəd-pəd, Bao-rɔje gə́ Moab d’unda bala tigi-tigi, Njé gə́ Kana̰ lai lé rɔ dee wəi sululu.

Esai 13:7

Gelee gə́ nee ɓa ji dəwje lai unda ne ndolè ləm, Meḛ dəwje lai ila ne kas bilim ləm tɔ.

Esai 28:19

Loo gə́ rara gə́ yee a dəs ndá yee a kwa sí, mbata yee a dəs gə ndɔ, gə dan kàrá, gə loondul’g, gə ndɔje kára-kára lai ndá keaa gə́ a ɓar ta kára ba ya a kar dee d’unda ne bala tigi-tigi.

Esai 35:3

Ji síje gə́ d’unda ndolè lé Ar deeje ɓar mèr-mèr ləm, Kəji sí gə́ unda bala lé kara Aarje ne tar jigiri ləm tɔ.

Esai 7:2

Deḛ d’ula ŋgaka Dabidje taree pana: Aramje d’isi mee ɓee gə́ Eprayim. Ndá dɔɓəŋgərə Akaj gə koso-dəwje ləa unda bala tigi-tigi to gə́ kag-mee-kɔrje gə́ lel biri dee gə́ yo gə́ nee bèe.

Jeremi 26:12

Nɛ Jeremi ula ŋgan-mbaije lai ləm, gə koso-dəwje lai ləm tɔ pana: Njesigənea̰ ulam mba karm m’teg gintaje ne lai gə́ seḭ ooje gə́ m’ila dɔ kəi’g neelé ləm, gə dɔ ɓee-boo’g neelé ləm tɔ.

Jeremi 49:23

Ta gə́ wɔji dɔ njé gə́ Damas. Deḛ gə́ d’isi ɓee-booje Gə́ Amat gə Arpad lé D’isi gə rɔkul, Mbata deḛ d’oo sorta gə́ majel ndá Deḛ d’unda bala, To asəna gə baa-boo-kad Gə́ turu tuma̰-tuma̰ Gə́ askəm tel to ndiŋ el bèe.

Jeremi 50:43

Mbai gə́ Babilɔn oo soree Ndá jia unda ndolè ləm, Yeḛ si gə meekaarkərm To gə́ dené gə́ ndóo rəa bèe ləm tɔ.

Jeremi 8:18

Ma m’ndiŋga rɔm Gə mba kar meeko̰ ləm tel kul lɔm, Dɔ ɓəŋgərəm ndiri njigi-njigi.

Nɔ̰-ndôo gə́ wɔji dɔ Jerusalem 5:17

Ɓó lé ɓəŋgərə sí ti dus ləm, Ɓó lé no̰ tɔ kəm sí wə-wə ləm tɔ ndá

Ejekel 21:15

D’ɔlee d’aree adə làm-làm Mba tɔl ne dəwje mburug-mburug ləm, D’usu mba karee ndɔḭ lèd-lèd ləm tɔ. See jeḛ j’a kalje ne rɔ sí wa. Kag-mbai lə ŋgon neḛ ə̰ji kagje gə́ raŋg lai bəḭ-bəḭ.

Ejekel 21:6

Ndá Njesigənea̰ ulam ta gə rɔtaje nee pana:

Ejekel 21:8

A kula Israɛlje pana: Njesigənea̰ pata togə́bè pana: Aa ooje, n’aw sə sí gə ta, n’a kɔr kiambas lə neḛ sɔlee’g ndá n’a kar njéra nédanaje gə njémeeyèrje d’udu guduru dan sí’g.

Ejekel 22:14

See seḭ a kwaje meḛ sí kɔgərɔ ləm, a karje ji sí ɓar mèr-mèr ləm tɔ mee ndɔje gə́ n’a gə ra sə sí né lé ya wa. Neḛ Njesigənea̰ ɓa m’pata ndá n’a ra née ya.

Ejekel 24:19

Koso-dəwje dəjim pana: Né gə́ m’ra lé see m’a kɔr ginee gə́ wɔji dɔ dee kar dee d’oo el wa.

Ejekel 6:2

Ma ŋgon-dəw lé maji kam m’tel kəm par gə́ dɔ mbalje gə́ Israɛl’g ndá m’tegginta m’wɔji ne dɔ deḛ gə́ d’isi keneŋ!

Ejekel 7:17

Ji deeje lai a kunda ndolé ləm, Kəji deeje kara a kunda bala ləm tɔ.

Ejekel 7:26

Meeko̰ ree gə́ dɔ maree’g-maree’g ləm, Sor tuji teḛ orè goo na̰-na̰ ləm tɔ, Deḛ dəji njéteggintaje némḭdije, Njékinjanéməsje gər godndu el ŋga ləm, Ta kwɔji kəmkàr godo rɔ ŋgatɔgje’g ləm tɔ.

Loo gə́ killa rea kəm Daniel’g 5:6

Yen ŋga mbai lé kəmee tel to ɓəd ləm, takə̰jije ləa ar mée tila ŋgaḭla-ŋgaḭla ləm tɔ. Bəgərəje tɔr ar kəjeje d’unda bala pad-pad.

Ləbije 26:36

Deḛ gə́ mbuna sí’d gə́ d’a si kəmba mee ɓee’g lə njéba̰je lə dee lé m’a kar meḛ dee təd mán, kaa kamje gə́ lel ula ne lé a ɓar goo dee’g kar dee d’aḭ, tɔɓəi d’a kaḭ ne gə́ kaḭ to gə́ dəw aḭ ne no̰ kiambas’g bèe ləm, lé dəw tuba dee el kara d’a toso kwəi ləm tɔ.

Nahum 2:10

Maji kar sí undaje larnda gə larlɔr gə́ nébanrɔ! Mbata nébaoje gə́ ɔs dɔ maree-maree to keneŋ ləm, Nébaoje gə́ ra gə néje gə́ gad dee to yaa̰ Gə gel dee gel dee lé to keneŋ ləm tɔ.

Lugu 21:26

Dəwje d’a kwəi yoo-ɓəl loo gə́ deḛ d’isi ŋgina ne néje gə́ a gə teḛ dɔ naŋg neelé, mbata nésḭgangə̰gje lə dara d’a yə ɓugu-ɓugu tɔ.

Tel tura Godndu 20:8

Ɓé-njérɔje lé d’a dəji boo-njérɔje ta gə́ kédé ɓəi pana: See na̰ ɓa to njeɓel lal kwa rəa kɔgərɔ wa. Maji karee tel aw mee kəi’g ləa nà ŋgakea̰je d’a ndaji kəmee tɔ.

Ǝbrəje 12:12

Gelee gə́ nee ɓa ji sí gə́ unda ndolè lé ar deeje ɓar mèr-mèr ləm, kəji sí gə́ unda bala kara aarje ne tar jigiri ləm tɔ.

Jujé 5:1

Mbaije lə Amɔrje lai gə́ d’isi par gə́ dɔ-gó lə baa gə́ Jurdɛ̰ ləm, gə mbaije lə njé gə́ Kana̰ lai gə́ d’isi ta baa-boo-kad’g ləm tɔ lé, loo gə́ d’oo to gə́ Njesigənea̰ ar baa gə́ Jurdɛ̰ kai rəa dana no̰ Israɛlje’g saar ar sí n’dəsje loo gə́ tudu kurum-kurum’g ndá meḛ dee ila kas bilim ləm, ndil dee teḛ rɔ dee’g ləm tɔ gə mbata lə Israɛlje lé ya.

Jujé 7:5

Njé gə́ Ai tɔl dee as dəwje rɔ-munda-gir-dee-misa̰ jén bèe, deḛ tuba goo dee un kudee tarəwɓee’g saar teḛ Sebarim ndá deḛ tɔl dee loo-suru-ɗum gə́ naŋg’d lə dee. Dəwje neelé meḛ dee ila kas ar meḛ dee təd mán tɔ.

1 Piɛrə 4:7

Ndɔ kun rudu néje lai nai dəb ba. Bèe ndá undaje kəmkàr dɔ sí’g sije ne kəmba loo ra tamaji’g lə sí.