Ejekel 21:3 - Maktub gə́ To gə Kəmee

³ M’a kula kag-kɔr gə́ dɔkɔl pana: Maji kari oo ta lə Njesigənea̰! Mbaidɔmbaije gə́ Njesigənea̰ pa togə́bè pana: N’a gə kila pər dɔi’g ndá a roo kagje lai gə́ to təb gə kagje lai gə́ tudu tɔ. Kṵji pər gə́ teḛ bilim-bilim lé a kwəi nda̰ el ləm, kəm dee-deḛ lai gə́ dɔkɔl saar teḛ dɔgel lé a nəd kurum-kurum ləm tɔ.

Ejekel 21:3 ပူးပေါင်းရင်းမြစ်များ

Maktub gə́ wɔji dɔ Jɔb 9:22

Néje lai asəna. Yee ɓa m’pa ne m’pana: Dəw gə́ ta wa dəa el lé yeḛ tujee to gə́ tuji ne dəw gə́ ta wa dəa bèe ya tɔ.

Pakɔsje 17:13

Njesigənea̰, maji kari ḭta tila kəmee Mba kɔsee kilá ya! Un kiambas ləi ɔrm ne ji njemeeyèr’g lé!

Pakɔsje 80:17

Yeḛ lé tuga d’ar pər rée dula-dula ləm, Deḛ lé tuji pugudu-pugudu nɔḭ’d gə́ i ndaŋg dee ne ləm tɔ.

Pakɔsje 83:15

Asəna gə pər gə́ o̰ mee kag-kɔr’g bèe ləma, Asəna gə ndo̰ pər gə́ ɔn dɔ mbalje’g bilim-bilim bèe ləm tɔ.

Teḛ-Raga 15:9

Njéba̰je lé pana: N’a tubaje goo dee, n’a kwa deeje garəm, N’a kunda deeje banrɔ tɔ, Dal ba̰ lə neḛje kara n’a raje karee as lée’g ya, N’a kɔrje kiambas haar ndá Ji neḛje ɓa n’a tuji deeje ne.

Njekillamber 9:2

Néje lai to no̰ dee’g ɓəi. Né gə́ teḛ dɔ njera nédana’g To kára ba asəna gə né gə́ teḛ dɔ njemeeyèr’g ləm, Dɔ dəw gə́ maji gə́ ra né gə́ àr ŋgad-ŋgad lé To kára ba asəna gə né gə́ teḛ dɔ dəw gə́ rəa mina̰’g ləm tɔ. Né gə́ teḛ dɔ dəw gə́ inja nékinjaməs’g To kára ba asəna gə né gə́ teḛ dɔ dəw gə́ inja nékinjaməs el ləm, Dəw gə́ maji lé né teḛ dəa’g To gə́ teḛ dɔ njekaiya’g bèe ləma, Yeḛ gə́ ubu rəa lé né teḛ dəa’g To gə́ teḛ dɔ yeḛ gə́ ɓəl kubu rəa lé ləm tɔ.

Esai 10:5

Njesigənea̰ pana: Meeko̰ a koso dɔ Asirije’d Gə́ to ndəi gə́ wɔji dɔ oŋg ləm Ndəi gə́ to ji dee’g lé ɓa To nékula gə́ wɔji dɔ boo-oŋg ləm tɔ.

Esai 34:5

Kiambas ləm teḛ mee dara’g, Aa ooje, yee a kḭ kur dɔ Edɔmje’g Dɔ koso-dəwje gə́ m’wɔji njaŋg Mba gaŋg rəwta dɔ dee’g tuji dee ne pugudu-pugudu.

Esai 57:1

Njera né gə́ gə dɔ najee lé tuji ndá Dəw kára gə́ njekḛji dɔ’g godo, Dəwje gə́ njéra némajije godo Ar dəw kára kara gər To gə́ d’ɔr dee mbata né gə́ majel Gə́ a gə teḛ dɔ dee’g lé bèe el.

Jeremi 17:27

Nɛ loo gə́ m’un ndum m’ar sí mba kar sí undaje ndɔ-kwa-rɔ gə kəmee ləm, kar sí odoje nékodo gə́ wɔi a̰dje ne tarəwkɔgje’d gə́ Jerusalem mee ndɔ-kwa-rɔ’g el ləm tɔ lé ɓó lé seḭ unje mbi sí rəw dɔ’g ndá m’a kila pər tarəwkɔgje’g lə ɓee-boo karee roo kəi-mbaije gə́ Jerusalem dula-dula kar pəree wəi nda̰ el.

Jeremi 21:13

Njesigənea̰ pana: Aa ooje, seḭ gə́ síje ɓee-boo Gə́ to kəm wəl-loo’g Dɔ kɔr mbal gə́ ndag-loo’g lé Neḛ n’aw sə sí gə ta. To seḭ gə́ pajena: See na̰ ɓa a ree koma̰ sə sí wa, See na̰ ɓa a kandə kaw mee loo-si sí’g wa.

Jeremi 21:14

Njesigənea̰ pana: N’a kwɔji sí kəmkàr Gə goo kandə néra síje, N’a kila pər mee kag-kɔr’g lə sí Ndá yee a roo looje lai gə́ gugu dəa.

Jeremi 50:31

Aa oo, i gə́ njebeelé lé m’aw səi gə ta! Mbata ndɔ ləi teḛ mba̰, To kàr kar bo̰ nérai ɔs tai’g, Mbaidɔmbaije gə́ Njesigənea̰ Le bao-rɔje ɓa pa bèe.

Jeremi 51:20

Kédé i to mo̰ ləm ləm, Gə nérɔ ləm ləm tɔ. I ɓa ma m’uni m’tuji ne ginkoji dəwje gə raŋg ləm, I ɓa ma m’uni m’tuji ne ɓeeko̰je ləm tɔ.

Jeremi 51:25

Njesigənea̰ ɓa pa togə́bè, Aa ooje, m’aw səi gə ta, I to mbal gə́ ka̰ tuji loo ləm, I gə́ tuji naŋg nee lai lé ləm tɔ. M’a kula jim ndiŋ gə́ dɔi’g ləm, M’a kɔri dɔ mbalje’g Kilai kari nduburi oso naŋg ləma, M’a kari to mbal gə́ taa pər gəgəgə ləm tɔ.

Ejekel 13:8

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa ooje, neḛ n’aw sə sí gə ta mbata seḭ paje taje gə́ mḭdé-mḭdé ba ləm, némḭdije lə sí kara to gə́ néŋgɔmje ləm tɔ, Mbaidɔmbaije gə́ Njesigənea̰ ɓa pa bèe.

Ejekel 14:17

Esé ɓó lé neḛ n’ree gə kiambas n’wɔji ne dɔ ɓee neelé ləm, lé m’pana: Maji kar kiambas ta̰ mbuna ɓee neelé ləma, ɓó lé neḛ n’tuji dəwje gə daje mee ɓee’g neelé pugudu-pugudu ləm tɔ

Ejekel 14:21

Bèe ya Mbaidɔmbaije gə́ Njesigənea̰ pa togə́bè pana: Lée n’ula gə nékwɔji-kəmkàrje lə neḛ gə́ sɔ gə́ to ɓəl kədm-kədm gə́ to kiambas ləm, gə ɓoo-boo ləm, gə daje gə́ majel ləma, gə yoo-koso ləm tɔ lé mba kar bo̰ néra njé gə́ Jerusalem ɔs ta dee’g mba tuji ne dəwje gə daje keneŋ pugudu-pugudu lé

Ejekel 21:19

I ŋgon-dəw lé, tegginta ləm, Kunda ji ləm tɔ! Maji kar kiambas tuga gɔl joo əsé gɔl munda! To kiambas gə́ ka̰ tɔl dəwje bula ləm, To kiambas gə́ ka̰ tɔl dəwje mburug-mburug ləm tɔ Ɓa a korè goo dee ndəŋ.

Ejekel 24:9

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Meeko̰ a koso dɔ ɓee gə́ njekilaməs’g! Neḛ kara n’a ra loo-roo-dəwje gə́ boo.

Ejekel 26:3

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa oo, i ɓee gə́ Tir lé n’aw səi gə ta! N’a gə kar ginkoji dəwje gə raŋg gə́ bula digi-digi d’ḭ mba rɔ səi asəna gə baa-boo-kad gə́ ar paŋgəm manee ḭ ne bèe.

Ejekel 29:10

Gelee gə́ nee ɓa aa oo, neḛ n’aw səi-i gə baa-boo ləi gə ta tɔɓəi n’a kar ɓee gə́ Ejiptə tel to dɔdilaloo gə́ wa ŋgɔ njag-njag un kudee Migdɔl saar teḛ Sienə ləm, gə saar teḛ rəw-nimje gə́ Etiopi ləm tɔ.

Ejekel 5:12

Dəwje lai gə́ kudu munda lé kudu deḛ gə́ kára d’a kwəi yoo-koso ləm, ɓoo-boo a kula kəm dee ndòo mbuna sí’g ləm tɔ, deḛ gə́ kudu kára d’a kwəi yoo-kiambas gugu gir sí sub, tɔɓəi deḛ gə́ kudu kára lé n’a sané dee dan lel’g ndá n’a kɔr kiambas kore ne goo dee tɔ.

Ejekel 5:8

ndá yee gə́ bèe ɓa Mbaidɔmbaije gə́ Njesigənea̰ pa ne ta togə́bè pana: Aa ooje, neḛ n’aw sə sí gə ta tɔɓəi n’a gə gaŋgta dɔ sí’g kəm ginkoji dəwje gə raŋg’g.

Ləbije 26:25

M’a kar dee ree rɔ sə sí gə kiambas mba dal ne ba̰ manrɔ ləm gə́ ma man ne rɔm m’ar sí lé, loo gə́ seḭ a mbo̰je dɔ na̰ mee ɓee-booje’g lə sí ndá m’a kula gə yoo-koso mbuna sí’g, tɔɓəi m’a kya̰ sí ji njéba̰je’g lə sí tɔ.

Ləbije 26:33

M’a sané sí mbuna ginkoji dəwje gə raŋg’g, tɔɓəi m’a kar dee d’orè goo sí ndəŋ gə kiambas tɔ. Ɓee lə sí a to nduba ləm, ɓee-booje lə sí kara d’a tel to dɔdilalooje ləm tɔ.

Amɔs 5:6

Saŋje Njesigənea̰ ndá Seḭ a síje ne kəmba ya. Ɓəlje nà banelə yeḛ a roo ŋgaka Jisəb to gə́ pər bèe, To gə́ pər gə́ roo ar dəw nai Betel Kára kara gə mba tɔlee el.

Amɔs 7:4

Némḭdi gə́ raŋg gə́ Mbaidɔmbaije gə́ Njesigənea̰ tɔjim am m’oo ɓa nee. Aa ooje, Mbaidɔmbaije gə́ Njesigənea̰ ila mber ta lə pər gə́ a kar bo̰ néra dee ɔs ta dee’g lé. Pər neelé roo bwa-wəl mán ləm, gə dɔ naŋg ləm tɔ.

Nahum 2:13

Toboḭ lé to̰ da tɔlee gaŋgee mbidi-mbidi mbata lə ŋganeeje ləm, Gə mbata lə ko̰ toboḭje ləm tɔ. Yeḛ ɔm nékwaje ləa duu loo-tée’g aree rusu tub-tub tɔ.

Nahum 3:5

Njesigənea̰ gə́ njeboo-néje lé pana: Aa ooje, neḛ n’aw sə sí gə ta. N’a tusu kubuje lə sí rɔ sí’g saar teḛ ne kəm sí gə́ tar ləm, N’a kar ginkoji dəwje gə raŋg d’oo meembaa sí ləma, N’a kar ɓeeko̰je d’oo rɔkul lə sí ləm tɔ.

Soponi 2:12

Seḭ Etiopije kara N’a kar sí wəije yoo-kiambas tɔ.

Jakari 13:7

Njesigənea̰ gə́ njeboo-néje ɓa pa togə́bè pana: Kiambas, maji kari ḭta rɔ gə njekulbadje ləm ləm Gə yeḛ gə́ to njeboalookaw ləm ləm tɔ. Maji kari tɔl njekulbadje ar badje d’aḭ sané na̰ kad-kad. Bèe ɓa n’a tel gə ji neḛ par gə́ rɔ dee gə́ siŋga dee godo’g lé.