Ejekel 20:18 - Maktub gə́ To gə Kəmee

¹⁸ Neḛ n’ula ŋgan deeje dɔdilaloo’g m’pana: Maji kar sí raje néra bɔ síje-je el ləm, tɔsje kəm sí dɔ néjiɓee’g lə dee el ləma, arje rɔ sí mina̰ gə magəje lə dee el ləm tɔ.

Ejekel 20:18 ပူးပေါင်းရင်းမြစ်များ

Pakɔsje 106:39

Néra deeje gə́ bèe ɓa ar dee mina̰ ne jɔmri-jɔmri ləm, Néra deeje lé d’uba ne rɔ dee yag d’ya̰ dan néje gə́ mina̰’g ləm tɔ.

Jeremi 11:10

Deḛ tel d’uru dan néraje gə́ kori-kori’g lə bɔ deeje-je gə́ dɔtar gə́ mbad koo taje ləm lé ləm, deḛ ndolè goo magəje gə́ dɔ ɓee’g ɓa pole dee ləm tɔ. Gel-bɔje lə Israɛl gə gel-bɔje lə Juda d’uba goo ta manrɔ lə neḛ gə́ n’ar bɔ deeje-je lé d’ya̰ ya.

Jeremi 2:7

Ma m’ar sí reeje mee ɓee’d Gə́ to asəna gə loo-ma̰a-kag-sɔ Gə mba kar sí sɔje ka̰deeje Gə néje gə́ maji dum gə́ teḛkɔr keneŋ. Nɛ loo gə́ seḭ reeje keneŋ ndá Seḭ arje ɓee ləm tel mina̰ ləm, Seḭ arje nédɔji ləm lé Tel to né gə́ mina̰ ləm tɔ.

Jeremi 3:9

Baŋga néra gə́ ram lə Israɛlje gə́ ɓar lé ar ɓee mina̰ ne, deḛ ra ram gə mbal gə kag to gə́ néra kaiya-dené bèe.

Jeremi 32:23

Deḛ ree keneŋ, deḛ taa gə́ né ka̰ dee. Nɛ deḛ d’ila ŋgonkoji dɔ tapai’g el ləm, deḛ d’aa dɔ godnduije kər-kər el ləma, deḛ ra néje lai gə́ i un ndui dɔ’g mba kar dee ra lé el ləm tɔ. Yee gə́ bèe ɓa i ar nékəmndooje lai neelé teḛ ne dɔ dee’g gə mbəa.

Ejekel 18:14

Nɛ ɓó lé dəw oji ŋgon gə́ diŋgam ɓa ŋgon neelé oo kaiya lai gə́ bɔbeeje ra nɛ yeḛ unda rəa ɓad ɓó ra togə́bè el ləm,

Ejekel 18:19

Seḭ pajena: See gelee ban ɓa ta néra gə́ kori-kori lə bɔ ŋgonje lé ŋgon a kuba pəree el wa. To mbata ŋgon lé ra né gə́ danasur gə́ gə dɔ najee ləm, mbata yeḛ aa dɔ tornduje lə neḛ lai ra née ləm tɔ, yeḛ a si kəmba ya.

Ejekel 2:3

Yeḛ ulam pana: Ma ŋgon-dəw lé neḛ n’ulam gə́ rɔ Israɛlje’g, rɔ koso-dəwje nee gə́ to njékɔsta-rəwje gə́ d’ḭ d’ɔs ta lə neḛ rəw lé, deḛ ləm, gə bɔ deeje-je ləm tɔ lé ra kaiya d’ɔs ne ta lə neḛ rəw saar teḛ ne ndɔ gə́ j’aar keneŋ ɓogənè ya.

Ejekel 20:7

Neḛ n’ula dee m’pana: Maji kar nana kara uba goo néje gə́ mina̰ gə́ tel kəmee lé ya̰ ləm, d’ar rɔ dee mina̰ gə mbata magəje gə́ Ejiptə el ləm tɔ. Neḛ n’to Njesigənea̰, Ala lə dee.

Amɔs 2:4

Njesigənea̰ ɓa pa togə́bè pana: Gə mbata kaiya ra Judaje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ d’ə̰ji godndu Njesigənea̰ bəḭ-bəḭ ləm, Deḛ d’aa dɔ torndiaje kər-kər el ləm tɔ, Mbata magəje gə́ ŋgɔm ɓa ar dee ndəm ya, To magəje gə́ bɔ deeje-je kara ndolè goo dee ya tɔ.

Bula lə Israɛlje 14:31

Tɔɓəi ŋgan mee ŋgan síje gə́ seḭ pajena: D’a tel to gə́ nékwaje lə dəwje lé, deḛ nja d’a kandə mee ɓee gə́ seḭ mbadeeje lé tɔ.

Néra Njékaḭkulaje 7:51

Seḭ dəwje gə́ njégwɔbkelkwɔije ləm, gə njémeetɔ kujita elje ləma, gə mbim-oo-ta-elje ləm tɔ lé ta-ta seḭ ɔsje Ndilmeenda rəw. Seḭ toje asəna gə bɔ síje lé bèe tɔ.

1 Piɛrə 1:18

Mbata seḭ gərje gao, néje gə́ a gə tuji asəna gə larnda əsé larlɔr, yee ɓa gə́ né gə́ uga sí ne ɔr sí ne dan néra gə́ gə mḭdé ba gə́ ka síje d’ya̰ sí keneŋ lé el.