Ejekel 20:12 - Maktub gə́ To gə Kəmee

¹² Ndɔ-kwa-rɔje kara n’ar dee gə́ nétɔji mbuna neḛ-neḛ’g sə deeje mba kar dee gər to gə́ neḛ n’to Njesigənea̰ gə́ n’unda dee gə kəmee.

Ejekel 20:12 ပူးပေါင်းရင်းမြစ်များ

Gḭ-Néje 2:3

Ala tɔr ndia dɔ ndɔ gə́ njekɔm’g siri’g lé undá ne gə kəmee doi mbata ləa-yeḛ ya, mbata ndəa neelé yeḛ wa rəa dɔ kulaje’g ləa lai gə́ yeḛ ra lé.

Nehemi 9:14

I ar dee gər ndɔ-kwa-rɔ ləi gə́ to gə kəmee ləm, I un ndui ar dee godnduije gə tornduije Gə ndu kura ləi Moyis ləm tɔ.

Teḛ-Raga 16:29

Ooje maji, Njesigənea̰ ar sí ndɔ ndɔ-kwa-rɔ lé, gelee gə́ nee ɓa ndɔ gə́ njekɔm’g misa̰ lé yeḛ ar sí muru gə́ as ndɔ joo. Maji kar nana kara si loo-siée’g ɓó ndɔ gə́ njekɔm’g siri lé dəw kára kara a kḭ kya̰ loo-siée kaw raŋg el.

Teḛ-Raga 35:2

Seḭ a raje kula ndɔ sí misa̰, nɛ ndɔ gə́ njekɔm’g siri lé a to ndɔ gə́ to gə kəmee mbata lə sí, to ndɔ-kwa-rɔ gə́ d’ɔr d’unda gə kəmee mbata lə Njesigənea̰ ya. Yeḛ gə́ ra kula gə́ rara kara mee ndəa’g neelé ndá d’a tɔlee gə́ tɔl ya.

Esai 56:2

Rɔlel nai gə dəw gə́ njera né gə́ m’pa ləm, Gə yeḛ gə́ aar njaŋg keneŋ ləm tɔ Mba kaa dɔ ndɔ-kwa-rɔ lé Lal kila ndɔl dɔ’g ləm, Gə mba si kəmba Kar jia ra né gə́ majel kára kara el ləm tɔ.

Jeremi 17:22

Ndɔ ndɔ-kwa-rɔ neelé seḭ a kunje nékodo gə́ wɔi mee kəi’g lə sí teḛje ne raga el ləm, kula kára kara seḭ a raje keneŋ el ləm tɔ. Nɛ ndɔ ndɔ-kwa-rɔ lé seḭ a kundaje gə kəmee to gə́ m’un ne ndum m’ar bɔ síje-je lé.

Ejekel 20:20

Maji kar sí undaje ndɔ-kwa-rɔje lə neḛ gə kəmee gə mba kar dee to mbuna neḛ sə síje’d gə́ nétɔji gə mba kar sí gərje ne to gə́ neḛ n’to Njesigənea̰, Ala lə sí.

Ejekel 20:26

Neḛ n’ar dee mina̰ gə nékarje lə dee loo gə́ deḛ roo ŋgandər deeje lai. Neḛ ndigi kar bo̰ néra dee ɔs ta dee’g togə́bè ləm, neḛ ndigi kar dee gər to gə́ neḛ n’to Njesigənea̰ ləm tɔ.

Ejekel 37:28

Bèe ɓa ginkoji dəwje gə raŋg d’a gər ne to gə́ neḛ n’to Njesigənea̰ gə́ n’unda Israɛl gə kəmee loo gə́ loo lə neḛ gə́ to gə kəmee a to dan dee’g saar gə no̰ lé.

Ejekel 44:24

Loo-maḭ-ta lé dee ɓa d’a to njékɔrkəmtaje keneŋ ləm, d’a kɔr kəmta gə goo godnduje lə neḛ ləm tɔ. D’a kaa dɔ godnduje lə neḛ gə ndukunje lə neḛ loo-ra-naḭje’g lə neḛ lai ləm, d’a kunda ndɔ-kwa-rɔje lə neḛ gə kəmee ləm tɔ.

Ləbije 20:8

Seḭ a kaaje dɔ godndumje kər-kər ləm, seḭ a raje née ləm tɔ. Ma m’to Njesigənea̰ gə́ m’ɔr sí m’unda sí gə kəmee ya.

Ləbije 21:15

Yeḛ a kya̰ né gə́ mina dɔ ŋgakeaje-je gə́ gogo mbuna dəwje’g ləa el, mbata ma m’to Njesigənea̰ gə́ m’ɔree m’undá gə kəmee lé ya.

Ləbije 21:23

Nɛ yeḛ a kaw pər gə́ mbɔr kubu gaŋg mee kəi’g el ləm, yeḛ a rəm pər gə́ loo-nékinjaməs’g el ləm tɔ mbata dəb rəa tuji, yeḛ a kula sul dɔ kəi’g ləm gə́ to gə kəmee lé el mbata ma m’to Njesigənea̰ gə́ m’ɔr dee m’unda dee gə kəmee ya.

Ləbije 21:8

Seḭ a kooje njekinjanéməs gə́ dəw gə́ to gə kəmee mbata yeḛ un nésɔ lə Ala lə sí aree, yeḛ a to dəw gə́ to gə kəmee mbata lə sí, mbata ma nja m’to Njesigənea̰ gə́ m’to gə kəmee doi gə́ m’ɔr sí m’unda sí gə kəmee lé ya.

Ləbije 23:24

pana: Ula Israɛlje pana: Ndɔ gə́ dɔtar lə naḭ gə́ njekɔm’g siri lé a to ndɔ-kwa-rɔ sí gə́ seḭ a ɓarje ne Njesigənea̰ wəl-wəl ləm, seḭ a mbo̰je ne dɔ na̰ kwamje ne meḛ sí’g ləm tɔ.

Ləbije 23:3

D’a ra kula ndɔ dee misa̰, nɛ ndɔ gə́ njekɔm’g siri lé to ndɔ-kwa-rɔ gə́ to ndɔ kya̰ goo kula ləm tɔ loo-mbo̰-na̰ gə́ to gə kəmee mba kwam ne meḛ sí’g ləm tɔ. Seḭ a raje kula mee loo-si síje’g lai el tɔ, to ndɔ-kwa-rɔ lə Njesigənea̰ ya.

Ləbije 23:32

Yee ɓa a to ndɔ-kwa-rɔ mbata lə sí ləm, gə ndɔ kya̰ goo kula lə sí ləma, seḭ a kwaje ndòo rɔ sí ləm tɔ, un kudee kàrkemetag lə ndɔ gə́ jinaikara lə naḭ saar bélè kàrkemetag lé, seḭ a kwaje rɔ sí ndɔ-kwa-rɔ’g lə sí.

Ləbije 23:39

Ndɔ dɔg-giree-mi lə naḭ gə́ njekɔm’g siri lé loo gə́ seḭ a kinjaje kandə néje gə́ mee ɓee’g lə sí lé ndá seḭ a raje naḭ kwaje ne Njesigənea̰ meḛ sí’g as ndɔ sí siri: ndɔ gə́ dɔtar a to ndɔ-kwa-rɔ ləm, yee gə́ njekɔm’g jinaijoo kara a to ndɔ-kwa-rɔ ya ləm tɔ.

Ləbije 25:4

Nɛ ləb gə́ njekɔm’g siri a to ləb-kwa-rɔ lə dɔ naŋg ləm, ləb-kwa-rɔ kula ne rɔnduba dɔ Njesigənea̰’g ləm tɔ: seḭ a dubuje né mee ndɔje’g lə sí el ləm, seḭ a tḭjaje barkəm nduúje lə sí el ləm tɔ.

Njé gə́ Kolosə 2:16

Bèe ndá arje dəw kára kara ila ta dɔ sí’g wɔji ne dɔ nésɔ sí əsé dɔ nékai sí el ləm, əsé wɔji dɔ naḭ gə́ raje el ləm, əsé wɔji dɔ naḭ gə́ teḛ sigi’g el ləma, əsé wɔji dɔ ndɔ-kwa-rɔje’g lé el ləm tɔ.

1 Njé gə́ Tesalonikə 5:23

Maji kar Ala nja gə́ njeyelko meelɔm lé ɔr sí unda sí gə kəmee ləm, maji karee ŋgəm sí bura, ndil sí ləm, gə kankəmrɔ sí ləma, gə darɔ sí ləm tɔ, mba kar ndɔ gə́ Mbaidɔmbaije lə sí Jeju Kristi a tel ree lé ndá ta kára kara a kwa dɔ sí el.

Jude 1:1

Ma Jude, kura lə Jeju Kristi ləm, gə ŋgoko̰ Jak ləm tɔ lé m’ndaŋg maktub nee m’ar dee-deḛ gə́ Ala Bɔ-dəwje ɓar dee ləm, unda dee dan kəmee’g ləma, aḭ bada dɔ dee’g mba kar Jeju Kristi lé ləm tɔ.