Ejekel 2:9 - Maktub gə́ To gə Kəmee

⁹ Ma m’aa loo ndá aa oo dəw wa maktub gə́ kə́ na̰’d jia’g ula ndiŋ gə́ dɔm’g.

Ejekel 2:9 ပူးပေါင်းရင်းမြစ်များ

Jeremi 1:9

Tɔɓəi Njesigənea̰ ula jia Ɔrɔ ne tam ndá yeḛ ulam pana: Aa oo, ma m’ɔm taje ləm tai’g.

Jeremi 36:2

Un maktub gə́ kə́ na̰’d ndá ndaŋg taje lai gə́ ma m’ulai wɔji ne dɔ Israɛlje, gə Judaje, gə ginkoji dəwje gə raŋg lai un kudee mee ndɔ gə́ ma m’pata m’ari’g mee ndəa’g lə Jojias saar teḛ ɓogənè lé.

Jeremi 36:4

Jeremi ɓar Baruk, ŋgolə Nerija ndá Baruk ndaŋg taje lai gə́ Njesigənea̰ ula Jeremi lé mee maktub’g gə goo ndaji gə́ Jeremi ndaji taree aree lé.

Ejekel 3:1

Yeḛ ulam pana: Ma ŋgon-dəw lé maji kam m’usɔ né gə́ ma m’iŋga lé, m’usɔ maktub gə́ kə́ na̰’d neelé ndá m’aw m’ula gel-bɔje lə Israɛl ta!

Ejekel 8:3

Yeḛ ula né gə́ tana gə ji dəw bèe naŋg wa ne yiŋga dɔm. Ndil lé unm naŋg aw səm mbuna naŋg gə dara’g ndá yeḛ unm dan némḭdije gə́ ḭ rɔ Ala’g lé aw səm Jerusalem, tarəw gə́ mee kəi gə́ to par gə́ kel dɔgel, loo gə́ magə-kəmkəḭ gə́ ɔs gel kəmkəḭ lə Njesigənea̰ lé to keneŋ.

Loo gə́ killa rea kəm Daniel’g 10:10

Aa oo, ji dəw ɔrɔ rɔm am m’ḭ m’tɔs kəjim gə m’orè dabla jim naŋg ləm, m’unda bala tigi-tigi ləm tɔ.

Loo gə́ killa rea kəm Daniel’g 5:5

Mee kàree’g neelé ŋgan ji dəw teḛ kəm dee’g ndaŋg ta dɔ pɔrɔ gə́ ra kaar kəi-mbai’g no̰ kag pərndɔ’g. Mbai lé oo dɔ tel ji dəw gə́ aw ndaŋg ne ta lé.

Jakari 5:1

Ma m’un kəm gə́ tar gɔl kára ya tɔɓəi m’aa loo ndá aa oo, maktub gə́ kə́ na̰’d mber-mber gə́ ḭtar nar jərəŋ.

Jakari 5:3

Yen ŋga yeḛ ulam pana: Yee ɓa to ta ndɔl gə́ a gə kwa dɔ ɓeeje lai. Mbata gə goo taree lé d’a tuba ne njéɓogoje lai gə́ d’isi loo gə́ nee’g ləm, gə goo taree lé d’a tuba ne deḛ lai gə́ njékubu rɔ dee gə taŋgɔmje gə́ d’isi loo gə́ nee’g ləm tɔ.

Ǝbrəje 10:7

Yen ɓa ma m’pana: Aa oo, m’isi m’ree. (Deḛ ndaŋg ta ləm mee maktub gə́ kə́ na̰’d mber-mber) Ǝi Ala lé, mba ra torndui karee ɔr rɔd ya.