Ejekel 2:8 - Maktub gə́ To gə Kəmee

⁸ Nɛ ma ŋgon-dəw lé maji kam m’oo ta gə́ n’a gə kulam lé! Maji kam m’to njekɔsta-rəw to gə́ gel-bɔje lə njékɔsta-rəwje neelé el! Maji kam m’teḛ tam m’usɔ ne né gə́ n’a gə karm lé ya.

Ejekel 2:8 ပူးပေါင်းရင်းမြစ်များ

Pakɔsje 105:28

Yeḛ ula gə loo gə́ to bigim Ar loondul gə́ ndul kɔl-kɔl dəb dɔ dee’g Ndá deḛ d’ɔs ta ləa rəw el.

Esai 50:5

Mbaidɔmbaije gə́ Njesigənea̰ ar mbim to tag Ndá ma m’ɔsee rəw el ləm, Ma m’gad kudum gə́ gogo el ləm tɔ.

Esai 8:11

Yee ɓa Njesigənea̰ ulam ta nee togə́bè loo gə́ yeḛ wam gə jia ŋgəji ləm, yeḛ ndəjim ne bər-bər gə mba kam njaa rəw-kaw koso-dəwje’g neelé el ləm tɔ pana:

Jeremi 13:2

M’ndogo ndar gə goo ta gə́ Njesigənea̰ ulam lé ndá ma m’tɔ ɓərm’g ya tɔ.

Jeremi 15:16

Ma m’taa taje ləi m’uru dee məəm’g, Taje ləi lé ar məəm lelm ləm, Am m’isi ne dan boo-rɔkal’g ləm tɔ Mbata rii ɓar dɔm’g, I Njesigənea̰, Ala lə njéboo-rɔje.

Ejekel 12:2

Ma ŋgon-dəw lé m’isi mbuna dəwje gə́ to njékɔsta-rəwje gə́ kəm dee to keneŋ mba kar dee d’oo ne loo ya nɛ d’oo ne loo el ləm, mbi dee to keneŋ mba kar dee d’oo ne ta ya nɛ d’oo ne ta el ləm tɔ, mbata deḛ to gel-bɔje gə́ to njékɔsta-rəwje.

Ejekel 12:7

Ma m’ra to gə́ yeḛ ulam lé ya, ma m’teḛ gə néje ləm gə́ to nékawmbáje dan kàrá lé tɔɓəi kàrkemetag ndá m’ɔs kəm ndògo-bɔrɔ gə jim mbudu m’teḛ ne gə néje raga gə loo gə́ to piro-piro ndá m’un m’ila dɔ bagm’g kəm dee’g ya.

Ejekel 3:10

Yeḛ ulam pana: Ma ŋgon-dəw lé maji kam m’tuga mbim m’oo ne taje lai gə́ n’a gə kulam ləm, maji kam m’taa gə məəm ləm tɔ.

Ejekel 33:7

Ma ŋgon-dəw lé neḛ n’undam gə́ njeŋgəmloo mbata gel-bɔje lə Israɛl. M’a koo ta gə́ ḭ ta neḛ’g ndá m’a ndəji dee kar neḛ.

Ejekel 40:4

Dəw neelé ulam pana: I ŋgon-dəw lé maji kari aa loo gə kəmi ləm, tuga mbii oo ne ta ləm tɔ! I orè kəmi sḭ dɔ néje lai gə́ m’a gə tɔjii’g mbata deḛ ree səi loo gə́ nee’g mba karm m’tɔjii néje neelé. Néje lai gə́ a gə koo lé maji kari tegginee ar gel-bɔje lə Israɛl lai d’oo.

Ləbije 10:3

Moyis ula Aaro̰ pana: Yee ɓa to ta gə́ Njesigənea̰ pa gə ndia njaŋg loo gə́ yeḛ pa ne pana: Ma lé deḛ gə́ rəm pər gə́ rɔm’g lé d’a kundam gə kəmee ɓəd ləm, d’a kula rɔnduba dɔm’g kəm dəwje’g lai ləm tɔ. Aaro̰ ila təa maree’g ndag.

Junas 1:3

Nɛ Junas lé uba naŋg ḭ gə mba kaḭ kaw Tarsis gə mba kisi əw kar kəm Njesigənea̰ oso dəa’g el. Yeḛ aw Japo ndá yeḛ iŋga bato gə́ aw gə́ Tarsis. Yeḛ uga bato neelé gə lar ɓa uru mée’g gə mba kaw gə deḛ gə́ d’odo dee d’aw sə dee gə́ Tarsis gə mba kisi ne əw kar kəm Njesigənea̰ oso dəa’g el tɔ.

Bula lə Israɛlje 20:24

Aaro̰ a gə kwəi kaw kiŋga njé’g ləa, yeḛ a kandə mee ɓee gə́ ma m’ar Israɛlje lé el mbata seḭ ɔsje ndukun ləm gə́ wɔji dɔ mán gə́ Meriba lé rəw.

1 Piɛrə 5:3

Aarje no̰ badə-kosoje’g asəna gə nétɔji lə dee gə́ maji ɓó o̰ deeje asəna gə mbaije gə́ njenḭ na̰ dɔ dəwje’g el.

Loo gə́ killa rea kəm Ja̰’g 10:9

M’aw rɔ kura gə́ dara lé m’ulá m’pana: Am ŋgon maktub lé. Yeḛ ilam keneŋ pana: Maji kam m’taa maktub lé m’uru ndá a lel tam’g asəna gə ubu tə̰ji nɛ a kad məəm’g mbag-mbag.