Ejekel 2:7 - Maktub gə́ To gə Kəmee

⁷ M’a kula dee taje lə neḛ, lé d’oo əsé d’un mbi dee rəw dɔ’g kara to mbata to gə́ deḛ to njékɔsta-rəwje lé ya.

Ejekel 2:7 ပူးပေါင်းရင်းမြစ်များ

Teḛ-Raga 6:29

ndá yeḛ ula Moyis pana: Ma m’to Njesigənea̰. Ula Parao̰, mbai gə́ Ejiptə, taje lai gə́ ma m’ulai lé.

Jeremi 1:17

Nɛ i lé maji kari ḭta ɔm mina̰ wuri’g Ula dee ta néje lai gə́ m’a gə kulai lé. Unda bala no̰ dee’g el Nà ma nja m’a kari unda bala no̰ dee’g

Jeremi 1:7

Ndá Njesigənea̰ ilam keneŋ pana: Maji kari pana: M’nai ŋgon bèe lé el, Mbata a kaw rɔ deḛ lai Gə́ m’a kulai rɔ dee’g ləm, A pata néje lai gə́ m’un ndum dɔ’g m’ari lé ləm tɔ.

Jeremi 17:20

M’a kula dee pana: Maji kar sí ooje ta lə Njesigənea̰, seḭ mbaije gə́ Juda ləm, gə seḭje gə́ Juda lai ləma, gə seḭ lai gə́ síje Jerusalem gə́ a̰dje gə tarəwkɔgje neelé ləm tɔ.

Jeremi 23:28

Njetegginta gə́ ni ndá maji karee ndaji ta ni neelé ləm, ɓó lé yeḛ oo ta lə neḛ ndá maji karee pa gə goo rəbee ləm tɔ. See gelee ban ɓa oreeje kandə kó Gə kandə mu na̰’d wa. Njesigənea̰ ɓa pa bèe.

Jeremi 26:2

Njesigənea̰ pa togə́bè pana: Aw aar tar gad-kəi’g lə Njesigənea̰’g ndá ula deḛ gə́ d’ḭ ɓee-booje lai gə́ Juda ree d’unda barmba mee kəi’g lə Njesigənea̰ lé taje lai gə́ m’un ndum mba kari ula dee lé, a kya̰ rɔta kára kara el.

Jeremi 34:6

Jeremi, njetegginta ula Sedesias, mbai gə́ Juda taje nee lai mee ɓee gə́ Jerusalem.

Jeremi 36:14

Yen ŋga ŋgan-mbaije lai d’ula Jehudi, ŋgolə Netania, ŋgolə Selemia, ŋgolə Kusi rɔ Baruk’g mba karee ulá pana: Un maktub gə́ kə́ na̰’d gə́ i tura taje gə́ keneŋ no̰ koso-dəwje’g lé jii’g ndá gə́ ree! Baruk, ŋgolə Nerija un maktub gə́ kə́ na̰’d lé jia’g aw ne rɔ dee’g.

Jeremi 42:21

Ɓogənè ma m’ula sí njai ya nɛ seḭ unje mbi sí rəw dɔ ta’g lə Ala lə sí gə́ Njesigənea̰ lé ləm, gə dɔ néje gə́ yeḛ ulam mba karm m’ula sí lé ləm tɔ.

Jeremi 44:20

Yen ŋga Jeremi ula koso-dəwje lai, diŋgamje gə denéje, deḛ lai gə́ d’ilá ta’g lé pana:

Jeremi 6:28

Deḛ lai to gə́ njékɔsta-rəwje Gə njétədta kunda ta mar deeje’gje Gə́ kədərə asəna gə larkas gə larndul bèe, Deḛ lai tel to né gə́ ndum.

Jeremi 7:27

Jeremi, ɓó lé i ula dee néje lai neelé ndá deḛ d’a kun mbi dee rəw dɔ’g, ɓó lé i ɓar dee gə ndui wəl ya kara d’a kilai keneŋ el ləm tɔ.

Ejekel 11:25

Ma m’ula deḛ gə́ d’wa dee ɓər lé taje lai gə́ Njesigənea̰ riba səm dəa lé ya.

Ejekel 12:2

Ma ŋgon-dəw lé m’isi mbuna dəwje gə́ to njékɔsta-rəwje gə́ kəm dee to keneŋ mba kar dee d’oo ne loo ya nɛ d’oo ne loo el ləm, mbi dee to keneŋ mba kar dee d’oo ne ta ya nɛ d’oo ne ta el ləm tɔ, mbata deḛ to gel-bɔje gə́ to njékɔsta-rəwje.

Ejekel 2:5

Lée d’oo ta tam’g əsé d’un mbi dee rəw dɔ’g kara, mbata deḛ to gel-bɔje gə́ to njékɔsta-rəwje lé, d’a gər to gə́ njetegginta kára si mbuna dee’g ya.

Ejekel 20:27

Gelee gə́ nee ɓa ma ŋgon-dəw lé maji kam m’pata m’ar gel-bɔje lə Israɛl ndá m’a kula dee pana: Mbaidɔmbaije gə́ Njesigənea̰ pa togə́bè pana: Bɔ síje-je d’ila ndɔl dɔ neḛ’g ya loo gə́ d’uba ne goo ndukunje gə́ wɔji dɔ neḛ d’ya̰.

Ejekel 3:10

Yeḛ ulam pana: Ma ŋgon-dəw lé maji kam m’tuga mbim m’oo ne taje lai gə́ n’a gə kulam ləm, maji kam m’taa gə məəm ləm tɔ.

Ejekel 3:17

Ma ŋgon-dəw lé n’undam gə́ njeŋgəmloo mbata gel-bɔje lə Israɛl. M’a koo ta gə́ teḛ ta neḛ’g ndá m’a kula dee mbata lə neḛ.

Ejekel 3:4

Yeḛ ulam pana: Ma ŋgon-dəw lé maji kam m’aw rɔ gel-bɔje’g lə Israɛl ndá m’a kula dee taje lə neḛ.

Ejekel 33:7

Ma ŋgon-dəw lé neḛ n’undam gə́ njeŋgəmloo mbata gel-bɔje lə Israɛl. M’a koo ta gə́ ḭ ta neḛ’g ndá m’a ndəji dee kar neḛ.

Ejekel 40:4

Dəw neelé ulam pana: I ŋgon-dəw lé maji kari aa loo gə kəmi ləm, tuga mbii oo ne ta ləm tɔ! I orè kəmi sḭ dɔ néje lai gə́ m’a gə tɔjii’g mbata deḛ ree səi loo gə́ nee’g mba karm m’tɔjii néje neelé. Néje lai gə́ a gə koo lé maji kari tegginee ar gel-bɔje lə Israɛl lai d’oo.

Amɔs 3:13

Urje mbi sí ooje ndá Ɔrje goo ta nee arje ŋgaka Jakob, Mbaidɔmbaije gə́ Njesigənea̰ Ala gə́ njeboo-néje ɓa pa bèe.

Junas 3:2

Ḭta, aw Ninibə, ɓee-boo gə́ neelé ndá ula dee taje gə́ ma m’un ne ndum m’ari lé ya.

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.