Ejekel 19:7 - Maktub gə́ To gə Kəmee

⁷ Yeḛ tuji kəi-mbaije lə dee gə siŋgamoŋ ləm, Yeḛ tuji ɓee-booje lə dee ləma, Ɓee gə néje lai gə́ to keneŋ lé Yeḛ tuji dee pugudu-pugudu Gə ndu ndaŋg rɔje ləa ləm tɔ.

Ejekel 19:7 ပူးပေါင်းရင်းမြစ်များ

2 Mbaije 23:33

Parao̰ Neko wá gə kúla lar mee ɓee gə́ Ribla dɔ naŋg gə́ Amat mba karee si Jerusalem o̰ ne ɓee el ŋga, yeḛ gaŋg lar-gədɓee dɔ ɓee’g as larnda nékwɔji kwɔi-lə-né tɔl-dɔg-loo-munda (3.000) ləm, gə larlɔr as nékwɔji kwɔi-lə-né rɔ-munda ləm tɔ.

Gosota-Kəmkàrje 19:12

Oŋg lə mbai lé to asəna gə ndu kinja miḭ lə toboḭ bèe ləm, Koo kəmtondoo ləa lé to asəna gə mán-tàl gə́ wa dɔ mu’g bèe ləm tɔ.

Gosota-Kəmkàrje 28:3

Dəw gə́ lal né gə́ buguru njéndooje lé To asəna gə ndi gə́ ər gə lel gə́ ar nésɔ lal dəwje.

Jeremi 22:17

Nɛ i lé kəmi gə dɔ ɓəŋgəri To mba tɔl ne mal kiŋga né gə goo rəbee el ləm, Gə mba kila ne məs yeḛ gə́ ta wa dəa el ləma, Gə mba kula kəm loo ndòo Ra ne né gə́ kərm-kərm ləm tɔ.

Ejekel 12:19

Tɔɓəi maji kam m’ula koso-dəwje gə́ mee ɓee’g m’pana: Mbaidɔmbaije gə́ Njesigənea̰ pa togə́bè dɔ deḛ gə́ d’isi Jerusalem dɔ naŋg gə́ Israɛl’g pana: D’a ko̰ muru lə dee gə mée tila ŋgaḭla-ŋgaḭla ləm, d’a kai mán lə dee gə meekaar kərm ləm tɔ, mbata néje lai gə́ to mee ɓee’g lə dee lé d’a kodo mbad-mbad gə mba néra kərm-kərm lə dəwje lai gə́ d’isi keneŋ lé.

Ejekel 19:6

Yeḛ lé njaa mbuna toboḭje’g ləm, Yeḛ tel to kura toboḭ ləm tɔ ndá Yeḛ gər gaŋg nékwa ləa, Yeḛ sɔ dəwje tɔ.

Ejekel 19:8

Ginkoji dəwje gə raŋg gə dəb ɓeeko̰je gə́ gugu dəa sub lé D’ɔm na̰’d téréré gə mba rɔ səa, Deḛ d’ila ba̰dəje lə dee gugu ne dəa Ndá d’wá ne mee bwa’g lə dee.

Ejekel 22:25

Njéteggintaje lə dee d’ula njuma̰ meḛ na̰’d dan mee ɓee-boo’g neelé. To gə́ toboḭ gə́ inja ne miḭ hər-hər gaŋg ne nékwa ləa lé deḛ kara tɔl dəwje ləm, taa nébaoje gə néje gə́ maji dum gə́ ka̰ dee-deḛ ləma, d’ar bula lə njékəisiŋgaje ḭ dɔ maree’d gə́ kédé-kédé dan mee ɓee-boo’g neelé ləm tɔ.

Ejekel 30:12

N’a kar kəm-rəw-manje tudu kurum-kurum ləm, n’a kila ɓee meḛ ji njémeeyèrje’g ləm tɔ, n’a kar ji dəw-dɔ-ɓeeje tuji ɓee gə néje gə́ to keneŋ pugudu-pugudu. Neḛ Njesigənea̰ ɓa m’pa bèe.

Ejekel 34:4

Deḛ gə́ siŋga dee godo lé seḭ raje né mba kar dee d’iŋga ne siŋga dee el ləm, seḭ ajije deḛ gə́ d’oso gə rɔko̰ el ləm, deḛ gə́ d’iŋga doo lé seḭ tɔje ta doo lə dee el ləm tɔ, yeḛ gə́ ndəm lé seḭ aw oneeje reeje səa el ləm, yeḛ gə́ igi lé kara seḭ sa̰geeje el ləm tɔ, nɛ seḭ on deeje gə néra sí gə́ kərm-kərm raje ne sə dee né gə́ kədərə tɔ.

Ejekel 45:8

Yee ɓa a to dɔ naŋg ləa, a to kea̰-yeḛ mee ɓee gə́ Israɛl, togə́bè ɓa mbaije lə neḛ gə́ njéɓeeje d’a kula kəm koso-dəwje lə neḛ ndòo el ŋga nɛ d’a kya̰ ɓee kar gel-bɔje lə Israɛl gə goo ginkoji lə dee lə dee.

Amɔs 6:8

Mbaidɔmbaije gə́ Njesigənea̰ lé Maa̰ rəa gə ria-yeḛ nja, Njesigənea̰, Ala gə́ njeboo-néje lé ɓa pa bèe pana: Beelé lə Jakob lé to kḛji kəm neḛ’g ləm, Kəi-mbaije ləa kara neḛ n’ə̰ji bəḭ-bəḭ ləm tɔ, Togə́bè ɓa n’a kila ɓee neelé Gə néje lai gə́ to keneŋ lé ji njéba̰je’g lə dee tɔ.

Misee 1:2

Seḭ koso-dəwje lai lé ooje ta nee! Naŋg gə dəwje lai gə́ d’isi keneŋ lé Urje mbi sí gèŋ! Maji kar Njesigənea̰ Mbaidɔmbaije ɔr ta ila dɔ sí’g Mbaidɔmbaije, yeḛ gə́ si mee kəi-mbai’g ləa Gə́ to gə kəmee lé!