Ejekel 18:8 - Maktub gə́ To gə Kəmee

⁸ yeḛ wɔji né dɔ maree’g ɓa ar dee tona gə mba kiŋga manee dɔ’g el ləm, yeḛ ɔg jia dɔ néra gə́ kori-kori’g ləm, yeḛ gaŋgta gə goo rəbee mbuna dəwje gə́ joo’g ləm,

Ejekel 18:8 ပူးပေါင်းရင်းမြစ်များ

2 Samel 22:24

Ma lé m’to njegelgodo nea̰’g, M’ɔg rɔm dɔ néramje gə́ kori-kori’g tɔ.

Nehemi 5:15

Njéguburuɓeje gə́ nɔm’g kédé lé d’unda nékodo gə́ wɔi dɔ koso-dəwje’g taa ne muru lə dee ləm, gə taa ne mán-nduú lə dee ləma, gə ŋgan larnda rɔ-sɔ-sɔ ləm tɔ. Kuraje lə dee ya kara d’ula kəm koso-dəwje ndòo tɔ. Nɛ ma m’ɓəl Ala ɓó m’ra togə́bè el.

Pakɔsje 15:5

Lé yeḛ ar dee toná lar ndá kara Yeḛ taa manee dɔ’g el ləm, Ɓó lé deḛ ndo̰ təa gə lar mba kila ne ta dɔ yeḛ gə́ ta wa dəa el kara Yeḛ taa el ləm tɔ. Dəw gə́ ra togə́bè ndá a kunda ndolé nda̰ el.

Teḛ-Raga 22:25

Ɓó lé seḭ taaje kubu lə mar sí gə́ yeḛ tona ne lar ndá seḭ a telje ne kaareeje gogo ɓad ɓa kar kàr andə ɓəi,

Gosota-Kəmkàrje 28:8

Yeḛ gə́ wɔji lar dɔ maree’g ləm, Taa manee dɔ’g ləm tɔ Gə mba kar némajije ləa-yeḛ ḭ dɔ maree’d gə́ kédé-kédé lé Mbo̰ dee mbata lə yeḛ gə́ a koo kəmtondoo lə njéndooje.

Esai 1:17

Ndooje loo ra né gə́ maji ləm, Ndolèje goo néra gə́ gə dɔ najee ləm, Aaje dɔ yeḛ gə́ d’ula kəmee ndòo ləm, Ɔrje kəmta lə ŋgonal gə goo rəbee ləma, Aḭje bada dɔ njekəisiŋga’g ləm tɔ.

Esai 33:15

Yeḛ gə́ njaa dan néra gə́ gə dɔ najee’g ləm, Gə pata gə goo néra gə́ danasur ləm, Yeḛ gə́ ə̰ji néndogo-gel bəḭ-bəḭ ləm, Yeḛ gə́ yə jia ɔs ne néndogo-gel rəw ləm, Yeḛ gə́ udu mbia dɔ sorta kila məs’g ləma, Yeḛ gə́ libi kəmee jib-jib gə mba koo ne né gə́ majel lé el ləm tɔ.

Jeremi 15:10

Kɔm, meeko̰ oso dɔm’g Mbata i ojim Gə́ njemaḭta gə njekunda tar Mbata lə dəwje lai! Ma m’ar dee tonam né el ləm, M’tona dee né el ləm tɔ, Nɛ lé bèe kara deḛ lai d’ila ndɔl dɔm’g.

Ejekel 11:12

Bèe ɓa seḭ a gərje ne to gə́ neḛ n’to Njesigənea̰ gə́ seḭ unje goo ndukunje lə neḛ el ləm, seḭ raje godndu neḛje el ləm tɔ, nɛ seḭ raje né gə goo godndu lə ginkoji dəwje gə raŋg gə́ gugu dɔ sí sub lé.

Ejekel 18:13

ɓó lé yee wɔji né dɔ maree’g ɓa ar dee tona mba kiŋga ne manee dɔ’g ləm tɔ ndá see ŋgon neelé a si kəmba ya wa. Yeḛ a si kəmba el, yeḛ ra néje nee lai gə́ mina̰ ndá maji karee wəi! Maji kar ta məsee wa dəa-yeḛ ya.

Ejekel 18:17

ɓó lé yeḛ ɔg jia dɔ néra gə́ kori-kori’g ləm, ɓó lé yeḛ wɔji né dɔ maree’g ɓa ar dee tona mba kiŋga ne manee dɔ’g el ləm, ɓó lé yeḛ aa dɔ torndu neḛje kər-kər ləma, ɓó lé yeḛ un godndu neḛje lad-lad ləm tɔ ndá ŋgon neelé a kwəi mba kaiya ra bɔbeeje el, yeḛ a si kəmba ya.

Ejekel 22:12

Mee ɓee-boo’g ləi lé deḛ taa néndogo-gel mba kila ne məs. Deḛ d’ar dee tona dee né ndá d’wɔji maree dɔ’g ləm, taa manee dɔ’g ləm tɔ, deḛ buguru mar deeje mba taa né lə dee ləm, neḛ kara d’ar meḛ dee wəi dɔ neḛ’g ləm tɔ. Mbaidɔmbaije gə́ Njesigənea̰ ɓa pa bèe.

Ləbije 19:15

Seḭ a raje né gə́ lal najee loo-gaŋg-rəwta’g el ləm, seḭ a kɔrje kəmta lə njendoo ɓəd el ləma, seḭ a ndigije ta lə dəw gə́ boo el ləm tɔ, nɛ seḭ a kɔrje kəmta lə mar síje gə goo rəbee ya.

Ləbije 19:35

Seḭ a raje né gə́ lal najee loo-gaŋg-rəwta’g el ləm, əsé kúla kwɔji ŋgal lə néje el ləm, əsé loo kwɔji kwɔi lə néje el ləma, əsé loo kwɔji né kɔm néje keneŋ el ləm tɔ.

Jakari 8:16

Aa ooje, né gə́ kəm kar sí raje ɓa nee: Ulaje na̰ kankəmta mbuna na̰’d ləm, Gaŋje rəwta tarəwkɔgje’g lə sí gə goo rəbee Mba si ne gə meekulɔm ləm tɔ.

Jakari 8:19

Njesigənea̰ gə́ njeboo-néje pa togə́bè pana: Kɔg mee ɓoo gə́ mee naḭ gə́ njekɔm’g sɔ ləm, gə naḭ gə́ njekɔm’g mi ləm, gə naḭ gə́ njekɔm’g siri ləma, gə naḭ gə́ njekɔm’g dɔg ləm tɔ lé a tel to ndɔ kalrɔ gə ndɔ rɔlel gə naḭ gə́ ka̰ ra rɔlel mbata lə koso-dəwje gə́ Juda. Nɛ maji kar sí undaje kankəmta gə meekulɔm ɓa dan kəm sí’g.

Tel tura Godndu 23:21

Dəw-dɔ-ɓee ɓa tona sí né lé ndá seḭ a kasjekəm taaje manee dɔ’g ya, nɛ ŋgoko̰ sí ɓa tona sí né ndá seḭ a taaje manee dɔ’g el, gə mba kar Njesigənea̰, Ala lə sí tɔr ne ndia dɔ sí’g gə dɔ kulaje lai gə́ seḭ a raje mee ɓee gə́ seḭ a kawje kaw taaje gə́ né ka̰ sí lé.