Ejekel 18:6 - Maktub gə́ To gə Kəmee

⁶ yeḛ sɔ né dɔ mbalje’g el ləm, yeḛ un kəmee aa ne magəje lə gel-bɔje lə Israɛl gərərə el ləm, yeḛ ula sul dɔ dené’g lə maree el ləm, yeḛ tibi mbɔr dené ndɔ kwɔməs’g ləa el ləm,

Ejekel 18:6 ပူးပေါင်းရင်းမြစ်များ

Pakɔsje 121:1

Pakɔs kḭ kaw tuga ne loo ɗao-ɗao gə́ tar. M’un kəm m’ila dɔ mbalje’g, See né gə́ a la səm a kḭ ra wa.

Teḛ-Raga 34:15

Meḛ sí dɔ rɔ sí’g mba kar sí manje rɔ sí gə mba kɔm na̰’d gə njéɓeeje neelé, nà loo gə́ deḛ pole magəje lə dee d’inja néməs d’ar dee ndá d’a ɓar sí ɓar nésɔ mba kar sí sɔje néje gə́ deḛ d’inja dee gə́ məs lé tɔ,

Gosota-Kəmkàrje 6:29

To kára ba asəna gə dəw gə́ aw rɔ dené’g lə njeboatakəi ləa: Nana ɓa gə́ ɔd rəa lé A lal kar bo̰ nérea ɔs təa’g el.

Ejekel 18:15

ɓó lé yeḛ sɔ né dɔ mbalje’g el ləm, ɓó lé yeḛ un kəmee aa ne magəje lə gel-bɔje lə Israɛl el ləm, ɓó lé yeḛ ula sul dɔ dené’g lə maree el ləm,

Ejekel 18:5

Dəw gə́ njera né gə́ gə dɔ najee ləm, gə ra né gə́ danasur gə́ to gə goo rəbee ləm,

Ejekel 20:24

mbata ndukunje lə neḛ lé deḛ ra née el ləm, deḛ d’ɔs godnduje lə neḛ rəw ləm, deḛ d’ila ndɔl dɔ ndɔ-kwa-rɔje’g lə neḛ ləma, deḛ tel kəm dee gə́ dɔ magə-poleje’g lə bɔ deeje-je ləm tɔ.

Ejekel 20:28

Neḛ n’ɔr no̰ dee n’aw sə dee mee ɓee gə́ neḛ manrɔ neḛ gə mba kar dee ndá d’ila kəm dee dɔ dɔdərlooje’g lai gə́ tar ləm, gə dɔ kagje’g lai gə́ to bigim ləm tɔ, ndá lée neelé deḛ d’inja nékinjanéməsje lə dee ləm, d’ar nékarje lə dee gə́ ar mee neḛ ḭ ne sə neḛ jugugu ləm, deḛ tuu né gə́ baḭyee ə̰də sululu ləma, deḛ saga nékar lə dee gə́ to nékai lé naŋg ləm tɔ.

Ejekel 20:7

Neḛ n’ula dee m’pana: Maji kar nana kara uba goo néje gə́ mina̰ gə́ tel kəmee lé ya̰ ləm, d’ar rɔ dee mina̰ gə mbata magəje gə́ Ejiptə el ləm tɔ. Neḛ n’to Njesigənea̰, Ala lə dee.

Ejekel 6:13

Bèe ɓa seḭ a gərje ne to gə́ neḛ n’to Njesigənea̰ loo gə́ nin dee a to rib-rib mbuna magəje’g lə dee gir loo-nékinjanéməsje’g lə dee ləm, gə dɔ dɔdərlooje’d gə́ ndəw lai ləm, gə dɔ sèm mbalje’g lai ləm, gə gel kagje gə́ təb lai ləma, gə gel kag-sɛnəje’g lai gə́ siŋ siŋ-siŋ ləm tɔ. Lée neelé d’aw roo néje gə́ ə̰də sululu gə́ baḭyee ə̰də lel keneŋ, d’ar magəje lə deḛ lai lé.

Ləbije 20:10

Ɓó lé diŋgam to gə dené gə́ taa ŋgaw ləm, əsé lé to gə dené lə maree gə mɔdkaiya ləm tɔ ndá kaiya-diŋgam gə kaiya-dené neelé kəm tɔl dee gə́ tɔl ya.

Ləbije 20:18

Ɓó lé diŋgam to gə dené gə́ wɔməs ləm, gə oo məs gə́ aḭ kudee’g ləm, ar dené neelé kara ɔr né dɔ məs’g ləa ləm tɔ ndá deḛ joo bɔr neelé kəm kɔr dee mbuna dəwje’g lə dee ya.

Bula lə Israɛlje 25:2

Deḛ neelé ɓar koso-dəwje loo kinja né məsje’g kar magəje lə dee ndá koso-dəwje neelé d’usɔ né keneŋ ləm, d’ɔs kəji dee naŋg no̰ magəje’g lə dee ləm tɔ.

Matiyo 5:28

Nɛ ma nja m’ula sí, nana ɓa gə́ aa dené gə kəmnda ilá pad ndá mée ndalee jəgm mba̰.

1 Njé gə́ Kɔrḭtə 10:20

Ma m’pana: Né gə́ njépole-magəje pole ne magəje lé deḛ d’inja gə́ məs d’ar ndilje gə́ yèr lé ɓó d’ar Ala el. Togə́bè ɓa, ma m’ndigi kar sí ɔmje meḛ sí na̰’d sad gə ndilje gə́ yèr lé el.

Tel tura Godndu 4:19

Meḛ sí dɔ rɔ sí’g, nà loo gə́ seḭ a kunje kəm sí par gə́ dara gə mba koo kàr, gə naḭ, gə kéréméje gə boo-nékundaje lai gə́ to mee dara’g ndá d’a ndɔr sí kar sí undaje barmba, dəbje kəm sí naŋg no̰ dee’g, gə mba kwa dee meḛ sí’g: néje lai neelé Ala lə sí gə́ Njesigənea̰ ra dee ar koso-dəwje lai gə́ d’isi dɔ naŋg nee gə́ né ka̰ dee.

Ǝbrəje 13:4

Maji kar sí-seḭ lai ooje taa na̰ lə diŋgam gə dené lé gə́ né gə́ kəm pidi ləm, a kooje tira-to taa na̰ lé kara gə́ né gə́ to mbo̰ el ləm tɔ. Mbata deḛ gə́ d’aw gə́ balgogé əsé ndal mɔdkaiya ndá Ala a gaŋg rəwta dɔ dee’g ya.