Ejekel 18:4 - Maktub gə́ To gə Kəmee

⁴ Aa ooje, dəwje lai to kamaje, ŋgon əsé bɔ ŋgon kara to kamaje joo bɔr, dəw gə́ ra kaiya lé ya ɓa a kwəi.

Ejekel 18:4 ပူးပေါင်းရင်းမြစ်များ

2 Mbaije 14:6

Nɛ yeḛ ar dee tɔl ŋgalə njétɔl bɔbeeje-je lé el gə goo ta gə́ ndaŋg mee maktub godndu’g lə Moyis, loo gə́ Njesigənea̰ aree ne ndukun neelé pana: D’a kar bɔ ŋganje d’wəi mbata lə kaiya ra ŋgan deeje el ləm, ŋganje kara d’a kwəi gə mbata lə kaiya ra bɔ deeje-je el ləm tɔ, nɛ nana kara a kwəi mbata kaiya ləa-yeḛ ya.

Maktub gə́ wɔji dɔ Jɔb 21:20

To kəm karee yeḛ nja oo tuji ləa gə kəmee ləm, To ta ləa-yeḛ nja gə mba karee ai oŋg lə Bao-siŋgamoŋ ləm tɔ.

Maktub gə́ wɔji dɔ Jɔb 8:4

Ɓó lé ŋganije ra kaiya d’ɔs ne ta ləa rəw ndá Yeḛ a kar bo̰ néra dee ɔs ta dee’g ya.

Esai 42:5

Ala gə́ to Njesigənea̰ Yeḛ gə́ njekunda dara karee tad rəg-rəg ləm, Yeḛ gə́ unda naŋg nee gə néje lai gə́ to keneŋ ləm, Yeḛ gə́ ar koso-dəwje gə́ d’isi keneŋ d’əmə ləma, Ar deḛ gə́ d’isi keneŋ d’aw kəmba ləm tɔ lé Pa togə́bè pana:

Esai 57:16

Ma m’ndigi ndaŋg dee saar-saar el ləm, Esé ŋgəm oŋg ləm saar-saar gə no̰ el ləm tɔ Nà dəwje gə́ m’unda lé d’a kwəi.

Jeremi 31:30

Nɛ nana kara a kwəi yoo néra majel ləa-ləa, dəw gə́ rara gə́ a sɔ bəsərə nduú ndá a tɔl ŋgaŋgee-yeḛ ya.

Ejekel 18:20

Dəw gə́ ra kaiya ndá yeḛ nja ɓa a kwəi. Ta néra gə́ kori-kori lə bɔ ŋgonje lé ŋgon a kuba pəree el ləm, ta néra gə́ kori-kori lə ŋgon lé bɔbeeje a kuba pəree el ləm tɔ. Néra gə́ gə dɔ najee lə njera né gə́ gə dɔ najee lé a kwɔji dəa-yeḛ nja ləm, néra meeyèr lə njemeeyèr a kwɔji dəa-yeḛ nja ləm tɔ.

Ejekel 18:3

Neḛ n’to njesikəmba! Mbaidɔmbaije gə́ Njesigənea̰ pa njaŋg pana: Seḭ a kooje loo pa gosota nee mee ɓee gə́ Israɛl el ŋga.

Ejekel 18:5

Dəw gə́ njera né gə́ gə dɔ najee ləm, gə ra né gə́ danasur gə́ to gə goo rəbee ləm,

Ejekel 3:18

Loo gə́ n’a kula njemeeyèr pana: Yeḛ a kwəi! Ɓó lé m’a kulá taree el ləm, ɓó lé m’pata mba kar njemeeyèr lé uba goo rəw néra meeyèr ləa ya̰ mba kaji ne el ləm tɔ ndá njemeeyèr neelé a kwəi dan néra kori-korije’g ləa ya nɛ ta məsee a kwa dɔm kar neḛ n’dəjim gée ya.

Ejekel 33:8

Loo gə́ n’ula njemeeyèr m’pana: I njemeeyèr lé i a kwəi! Ɓó lə ma m’pata mba kar njemeeyèr uba ne goo rəw néra meeyèr ləa ya̰ el ndá njemeeyèr neelé a kwəi dan néra kori-kori’g ləa ya nɛ ta məsee a kwa dɔm kar neḛ n’dəjim gée.

Jakari 12:1

Ndərta gə́ Njesigənea̰ pa wɔji ne dɔ Israɛl. Njesigənea̰ gə́ to njenaji dara ləm, Gə njetum gel naŋg nee ləma, Gə njera ndil dəw gə́ to mée’g ləm tɔ lé pa togə́bè pana:

Bula lə Israɛlje 16:22

Moyis gə Aaro̰ d’oso naŋg bəbərə-bəbərə dəb kəm dee naŋg, deḛ pana: Ǝi Ala! i gə́ ar dəwje lai d’isi kəmba lé! Dəw kára ba ɓa ra kaiya ndá ŋga, see oŋg ləi a kḭ səi pu dɔ koso-dəwje’g ləi lai to gə́ ban wa.

Bula lə Israɛlje 27:16

Maji kar Njesigənea̰, Ala gə́ njekar dəwje lai d’aw kəmba lé ɔr dəw kára undá dɔ koso-dəwje’g

Njé gə́ Rɔmə 6:23

Mbata nékoga dɔ ji kaiya lé to yoo, nɛ nojikwa lə Ala gə́ yeḛ wa sə sí lé to kəmə gə́ gə no̰ lé gə́ j’a kiŋga loo kɔm na̰’d gə Jeju Kristi Mbaidɔmbaije lə síjeḛ lé.

Njé gə́ Galati 3:22

Nɛ maktub gə́ to gə kəmee lé mbo̰ néje lai gin kaiya’g mba kar deḛ gə́ d’un meḛ dee d’ar Jeju Kristi lé meekun lə dee ɓa d’a kiŋga ne né gə́ ndukun wɔji mba kar dee lé tɔ.

Tel tura Godndu 24:16

D’a kar bɔ ŋganje d’wəi mbata kaiya ra ŋgan deeje el ləm, d’a kar ŋganje d’wəi gə mbata kaiya ra lə bɔ deeje el ləm tɔ, d’a kar nana kara wəi gə mbata kaiya ləa-ləa ya.

Ǝbrəje 12:9

Tɔɓəi, to gə́ bɔ síje gə́ d’oji darɔ sí lé d’wɔji sí kəmkàr ɓa j’ila ne ŋgonkoji dɔ dee’g, nɛ ɓəd ɓa see j’a koso kul no̰ Bɔ ndil sí’g mba si ne kəmba el wa.