Ejekel 17:20 - Maktub gə́ To gə Kəmee

²⁰ N’a kila ba̰də kaḭ ne dəa ndá yeḛ a koso gum’g lə neḛ. N’a kwá kaw səa Babilɔn ndá lé neelé ɓa n’a gaŋgta kuba goo ndukun ləa kya̰ lé dəa’g.

Ejekel 17:20 ပူးပေါင်းရင်းမြစ်များ

2 Samel 18:9

Absalɔm teḛ mbuna njé’g lə Dabid. Yeḛ uba kunda-mulayḛ̀je ləa. Kunda-mulayḛ̀je ləa aw andə səa mbuna kag’d gə́ boi gə́ ria lə térébḭtə ndá yiŋga dɔ Absalɔm kə́ barkəm kag’d lé aree na ne tar rḭdoŋ ndá kunda-mulayḛ̀je ləa lé teḛ gelee’g njal aw yá̰.

2 Sôrta Gḭka Israɛlje 33:11

Yen ŋga Njesigənea̰ ar ɓé-njérɔje gə́ Asiri ree d’wa Manasə teá gə kúla lar, deḛ teá gə kúla larkas njim-njim d’aw səa Babilɔn tɔ.

Maktub gə́ wɔji dɔ Jɔb 10:16

Ɓó lé m’ndigi kɔr dɔm tar ndá i kɔrm to gə́ toboḭ bèe ləm, I tel kundam gə nédumkooje ləm,

Njekillamber 9:12

Dəw lé gər kàree gə́ wɔji dəa lé el To gə́ ka̰jije gə́ d’wa dee gə bura Gə́ to néyoo lé kara gər bèe el ləm, To gə́ yelje gə́ d’wa dee gə jàm gər bèe ləm tɔ. To gə́ deḛ bèe lé dəwje kara Némeeko̰ uba dee wa dee rès Mee ndəa gə́ teḛ dɔ dee’g wai lé tɔ.

Jeremi 2:35

Nɛ lé bèe kara seḭ pajena: Tɔgərɔ ya, ta wa dɔ sí el, Tɔgərɔ, oŋg ləa wəi ne bèm dɔ sí’g! Aa ooje, m’a gə kɔr ta kila dɔ sí’g Mbata seḭ pajena: Jeḛ n’raje kaiya el.

Jeremi 2:9

Gelee gə́ nee ɓa ma m’ndigi Kɔr ne kəm ta kila dɔ sí’g ləm, Ma m’ndigi kɔr ne kəm ta Kila dɔ ŋgan meḛ ŋgan síje’g ləm tɔ, Njesigənea̰ ɓa pa bèe.

Jeremi 34:21

M’a kya̰ Sedesias, mbai gə́ Juda, gə ŋgan-mbaije ləa ji njéba̰je’g lə dee ləm, gə meḛ ji deḛ gə́ ndigi kar dee d’wəi ləma, gə meḛ ji njérɔje’g lə mbai gə́ Babilɔn gə́ ɔr rəa rɔ sí’g aw əw lé ləm tɔ.

Jeremi 37:17

Mbai Sedesias ula kula ɓaree aree ree dəjee ta gə́ mee kəi’g ləa gə goo ŋgəḭ pana: See Njesigənea̰ pata kára wɔji ne dɔm-ma wa. Jeremi tel ilá keneŋ pana: Oiyo. Tɔɓəi yeḛ ila ta gə́ raŋg keneŋ pana: I ya d’a kilai ji mbai gə́ Babilɔn’g.

Jeremi 50:44

Aa ooje, yeḛ ḭ ta koŋgo baa-boo Gə́ Jurdɛ̰ gə́ siŋ siŋ-siŋ Aw rɔ gə loo-kaar-kɔgərɔ Gə́ ŋgəŋ ŋgəŋ-ŋgəŋ To gə́ toboḭ bèe. Léegəneeya m’a kɔs dee naŋg rad Tuba dee kar dee d’aḭ Ndá m’a kunda yeḛ gə́ ma nja m’ɔree toree’g. Mbata see na̰ ɓa to tana səm wa. See na̰ ɓa a kun ndukunje kam wa. See mbai gə́ ra ɓa askəm kɔsm ŋgərəŋ wa.

Nɔ̰-ndôo gə́ wɔji dɔ Jerusalem 1:13

Yeḛ ula gə pər gə́ ḭ dara Aree sɔ siŋgam yɔm-yɔm Mbata yeḛ nja to dəw dəa Yeḛ ila ba̰də loo-kabm’g Ɓa wam ne am m’oso ne gaŋnda, Yeḛ telm gə dəw gə́ gə mḭdé ba ləm, Yeḛ ar siŋgam yɔ ne gə ndɔje lai ləm tɔ.

Nɔ̰-ndôo gə́ wɔji dɔ Jerusalem 4:20

Yeḛ gə́ kəmə le sí to mee jia’g lé, Yeḛ gə́ Njesigənea̰ wa dəa gə ubu lé Oso mee bwaje’g lə dee, Yeḛ gə́ jeḛ m’paje ta ləa m’pana: J’a síje kəmba ndilee’g Mbuna ginkoji dəwje gə raŋg’g lé.

Ejekel 12:13

13 N’a kila ba̰də gugu ne dəa sub ndá yeḛ a koso gum’g lə neḛ. N’a kaw səa Babilɔn mee ɓee’g lə Kaldeje nɛ yeḛ a koo ɓee neelé gə kəmee el ndá yeḛ a kwəi keneŋ.

Ejekel 15:8

N’a kar ɓee tel to dɔdilaloo mbata deḛ d’uba ndukun lə neḛ d’ya̰, Mbaidɔmbaije gə́ Njesigənea̰ ɓa pa bèe.

Ejekel 17:19

Gelee gə́ nee ɓa Mbaidɔmbaije gə́ Njesigənea̰ pa ne njaŋg togə́bè pana: Neḛ n’to njesikəmba! To rɔkubu gə́ gə ri neḛ lé ɓa yeḛ ə̰ji bəḭ-bəḭ ləm, to manrɔ lə neḛ ɓa yeḛ gaŋg kulá ləm tɔ. N’a kar taree wa dəa ya.

Ejekel 18:24

Ɓó lé njera né gə́ gə dɔ najee uba néra gə́ gə dɔ najee ləa ya̰ ra né gə́ kori-kori ləm, ɓó lé yeḛ ndaji néje gə́ mina̰ lai gə́ njemeeyèr ra ləm tɔ ndá see yeḛ a si kəmba wa. Néreaje gə́ gə dɔ najee lai lé mee neḛ a kwəi dɔ’g mbata yeḛ ya̰ rəa dan néra gə́ kori-kori’g ləm, gə dan kaiya’g ləm tɔ, gelee gə́ nee ɓa yeḛ a kwəi ne gə mbəa ya.

Ejekel 32:3

Mbaidɔmbaije gə́ Njesigənea̰ pa togə́bè pana: N’a kila bura lə neḛ kaḭ ne dɔi mbuna koso-dəwje gə́ bula digi-digi gə́ mbo̰ dɔ na̰ lé ndá d’a ndɔri gə bura lə neḛ kilai raga.

Ejekel 38:22

N’a gaŋg rəwta dəa’g gə yoo-koso ləm, gə məs ləm, gə ndi-bura-boo ləma, gə ndi kwɔjije ləm tɔ. N’a ɓugu pər gə kṵji pər gə́ kas gə́ o̰ bilim-bilim dəa’g gə dɔ kudu-njérɔje’g ləa ləm, gə dɔ koso-dəwje gə́ bula digi-digi gə́ d’a kaw səa lé ləm tɔ.

Ojee 2:2

Yen ŋga Judaje gə Israɛlje lé D’a tel mbo̰ dɔ na̰ kɔr dəw kára kundá gə́ mbai dɔ dee’g Ndá d’a kunda loo mee ɓee’g neelé teḛ: Mbata ndɔ lə Jisreel a to ndɔ gə́ boo.

Ojee 7:12

Ɓó lé d’ḭ d’aw kara M’a kila jám ləm no̰ dee’g ləm, M’a kunda dee naŋg rib To gə́ yelje gə́ pə̰ dara’g bèe ləma, M’a kar bo̰ néra dee ɔs ta dee’g Gə goo ta gə́ ma m’ndəji dee ne kédé Loo-mbo̰-dɔ-na̰’g lə dee lé ləm tɔ.

Misee 6:2

Seḭ mbalje ləm gə gin naŋgje gə́ ŋgəŋgje ŋgəŋ-ŋgəŋ lé Maji kar sí ooje ta gə́ Njesigənea̰ pa. Mbata Njesigənea̰ aw gə koso-dəwje ləa gə ta ləm, Yeḛ ndigi dəji Israɛlje gel néra dee ləm tɔ.

Lugu 21:35

Mbata ndəa neelé a kiri dɔ dəwje lai gə́ d’isi dɔ naŋg neelé rigim asəna gə ba̰də bèe.