Ejekel 17:17 - Maktub gə́ To gə Kəmee

¹⁷ Loo gə́ d’a kuba dɔndalje ləm, d’a ra kəi-kumje ləm tɔ mba kar dəwje bula digi-digi d’udu ne guduru lé ndá Parao̰ a kaw gə boo-njérɔje ləa ləm, gə koso-dəwje ləa gə́ bula digi-digi ləm tɔ mba kar dee to dərgelee loo-rɔ’g el.

Ejekel 17:17 ပူးပေါင်းရင်းမြစ်များ

Esai 36:6

Aa oo, i ɔm məəi dɔ Ejiptə’g, i gəd rɔi dɔ twatɔg nee gə́ təd gə́ ɔs ji nana ɓa gə́ njegəd rəa dɔ’g mbudu lé. Parao̰, mbai gə́ Ejiptə lé to togə́bè mbata dəwje lai gə́ d’ɔm meḛ dee dəa’g lé.

Jeremi 33:5

loo gə́ d’a kaw rɔ gə Kaldeje kar nin dəwje gə́ m’a tɔl dee dan oŋg’d gə meekḭ jugugu’g ləm lé to mee kəije’g neelé rib-rib ləm, gə goo meeyèr lə dee gə́ am m’iya ne sə dee kəm ləm tɔ pana:

Jeremi 37:5

Njérɔje lə Parao̰ d’unda loo mee Ejiptə’g teḛ. Kaldeje gə́ d’aḭ dɔ Jerusalem sub gə rɔ lé loo gə́ d’oo sorta nee ndá d’ḭ d’ya̰ Jerusalem.

Jeremi 37:7

Njesigənea̰, Ala lə Israɛlje pa togə́bè pana: Seḭ a kulaje mbai gə́ Juda gə́ ula sí ar sí reeje rɔm’g lé pajena: Aa ooje, njérɔje lə Parao̰ gə́ d’aw ree gə mba la sə sí lé d’ɔs tel d’aw ɓee lə dee Ejiptə gogo.

Jeremi 52:4

X Ləb ko̰ɓee lə Sedesias gə́ njekɔm’g jinaikara mee ndɔ dɔg lə naḭ gə́ njekɔm’g dɔg lé Nebukadnesar, mbai gə́ Babilɔn aw gə njérɔje ləa aw mba k’aw rɔ ne gə Jerusalem. Deḛ d’wa loo-si dee no̰ ɓee’g ndá deḛ d’uba dɔndalje gugu ne dəa sub.

Nɔ̰-ndôo gə́ wɔji dɔ Jerusalem 4:17

Kəm sí lé wa kor kor-kor ya ɓəi Ar sí j’isi ŋginaje ne njela sə sí kərm Nɛ jeḛ ŋginaje pi. Jeḛ n’telje kəm sí lai gə meekundayel Par gə́ rɔ ginkoji dəwje gə́ raŋg kára’g Nɛ deḛ ree taa dɔ sí el tɔ.

Ejekel 4:2

Maji kam m’wɔji loo kaḭ dəa sub gə rɔ keneŋ ləm, m’ndaji kəi-kumje ləm, gə dɔndalje gə́ ka̰ rɔ ne səa ləm, gə loo-si njérɔje ləma, gə pusu-rɔje gugu ne dəa sub ləm tɔ.

Loo gə́ killa rea kəm Daniel’g 11:15

Mbai gə́ dɔgel lé a kaw kəmee gə́ kédé ləm, yeḛ a kuba dɔndalje ləma, ɓee-booje gə́ gə siŋga dee kara yeḛ a taa dee ləm tɔ. Kudu njérɔje gə́ dɔkɔl gə bao-rɔje lə mbai lé d’a kaar kɔgərɔ koma̰ ne səa el ləm, siŋga dee a kaskəm kar dee d’aar gəs nea̰’g el ləm tɔ.

Tel tura Godndu 20:20

Nɛ kagje gə́ seḭ gər deeje gə́ to kag sɔ el ɓa seḭ a tuga deeje mba kubaje ne dɔndalje mba koma̰ ne gə ɓee-boo neelé saar gə mba dum ne dəa ya.